Kerala Gold Rate: ഞെട്ടിച്ച് സ്വർണം, 1,20,000 ലക്ഷം കടന്ന് കുതിപ്പ്, വെള്ളി നാല് ലക്ഷത്തിൽ!

Kerala Gold Silver Rate: വര്‍ധിച്ചുവരുന്ന ഭൗമരാഷ്ട്രീയ സംഘര്‍ഷങ്ങളാണ് സ്വർണവിലയ്ക്ക് കരുത്തേകുന്നത്. രാഷ്ട്രീയ സംഘർഷങ്ങളും സാമ്പത്തിക അനിശ്ചിതത്വവും വർദ്ധിക്കുമ്പോൾ നിക്ഷേപകര്‍ സുരക്ഷിതമായ ആസ്തികള്‍ തേടിയതോടെയാണ് സ്വര്‍ണ വില കുതിച്ചത്.

Gold Rate Image Credit source: PTI

Nithya Vinu | Updated On: 28 Jan 2026 | 09:36 AM

സ്വർണമോഹങ്ങൾക്ക് വിട നൽകി സംസ്ഥാനത്ത് പവന്റെ വില കുതിക്കുന്നു. ഡിസംബറിൽ ഒരു ലക്ഷം കടന്ന സ്വർണവില റെക്കോർഡുകൾ ഭേദിച്ച് മുന്നേറുകയാണ്. ഇടയ്ക്കിടെ നേരിയ ഇടിവുകൾ‌ രേഖപ്പെടുത്തുന്നുണ്ടെങ്കിലും തൊട്ടടുത്ത ദിവസം തന്നെ പ്രതീക്ഷകളെ കാറ്റിൽ പറത്തി വില വീണ്ടും കുതിക്കും. ഒരു ദിവസം രണ്ടും മൂന്നും തവണകളായാണ് വില മാറുന്നത്.

ചരിത്രത്തിൽ ആദ്യമായി സ്വര്‍ണത്തിന്റെ വില ഔണ്‍സിന് 5,000 ഡോളറിനു മുകളില്‍ ഉയര്‍ന്നതും സംസ്ഥാനത്തെ സ്വർണവില ഉയർത്തി. സ്വര്‍ണ വില പിടിവിട്ട് കുതിക്കുമ്പോഴും വാങ്ങാനെത്തുന്നവരുടെ എണ്ണത്തില്‍ വലിയ കുറവൊന്നും സംഭവിക്കുന്നില്ല. വില ഇനിയും കൂടുമെന്നാണ് സൂചന. വര്‍ഷാവസാനത്തോടെ വില 6,000 ഡോളറിലെത്തുമെന്ന് സൊസൈറ്റി ജനറല്‍ പ്രവചിക്കുന്നു.

വര്‍ധിച്ചുവരുന്ന ഭൗമരാഷ്ട്രീയ സംഘര്‍ഷങ്ങളാണ് സ്വർണവിലയ്ക്ക് കരുത്തേകുന്നത്. രാഷ്ട്രീയ സംഘർഷങ്ങളും സാമ്പത്തിക അനിശ്ചിതത്വവും വർദ്ധിക്കുമ്പോൾ നിക്ഷേപകര്‍ സുരക്ഷിതമായ ആസ്തികള്‍ തേടിയതോടെയാണ് സ്വര്‍ണ വില കുതിച്ചത്.

ഇന്നത്തെ സ്വർണം, വെള്ളി നിരക്കുകൾ

ചരിത്രത്തിൽ ആദ്യമായി സ്വർണവില 1,20,000 ലക്ഷം കടന്നു. നിലവിൽ ഒരു പവൻ സ്വർത്തിന് 1,21,120 രൂപയാണ് വില. വിപണിവില 1,21,120 രൂപയാണെങ്കിലും മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും ചേരുമ്പോൾ വില വീണ്ടും കുതിക്കും. ഗ്രാമിന് 14,845 രൂപയാണ് നൽകേണ്ടത്. സ്വർണത്തോടൊപ്പം വെള്ളിയും കുതിക്കുന്നുണ്ട്. കേരളത്തിൽ വെള്ളിയുടെ ഇന്നത്തെ വില ഗ്രാമിന് 400 രൂപയും കിലോഗ്രാമിന് 4,00,000 രൂപയും ആണ്.