Post Office RD Scheme: റിസ്കില്ല.. നഷ്ടവുമില്ല; ചെറിയ തുക നിക്ഷേപിച്ചാൽ കൈയിൽ കിട്ടുന്നത് 18 ലക്ഷം രൂപ
Post Office RD Scheme Details: പ്രതിമാസം വെറും നൂറ് രൂപ നിക്ഷേപിക്കുന്നതിലൂടെ ലക്ഷങ്ങൾ സ്വന്തമാക്കാൻ സാധിക്കും. ഈ പദ്ധതിയെ കുറിച്ചുള്ള കൂടുതൽ വിവരങ്ങൾ അറിഞ്ഞാലോ.....
സാമ്പത്തിക ഭദ്രത ഉറപ്പുവരുത്താനായി പോസ്റ്റ് ഓഫീസ് നിരവധി പദ്ധതികൾ അവതരിപ്പിച്ചിട്ടുണ്ട്. അത്തരത്തിൽ ചെറുകിട നിക്ഷേപകർക്ക് വേണ്ടിയുള്ള മികച്ച സമ്പാദ്യ ഓപ്ഷനാണ് പോസ്റ്റ് ഓഫീസ് റിക്കറിംഗ് ഡെപ്പോസിറ്റ് (ആർഡി) സ്കീം. പ്രതിമാസം വെറും നൂറ് രൂപ നിക്ഷേപിക്കുന്നതിലൂടെ ലക്ഷങ്ങൾ സ്വന്തമാക്കാൻ സാധിക്കും. ഈ പദ്ധതിയെ കുറിച്ചുള്ള കൂടുതൽ വിവരങ്ങൾ അറിഞ്ഞാലോ…..
പോസ്റ്റ് ഓഫീസ് ആർഡി സ്കീം
ഈ പദ്ധതിയുടെ ഏറ്റവും പ്രധാനപ്പെട്ട പ്രത്യേകത പലിശ പ്രതിമാസം കൂട്ടുന്നു എന്നതാണ്. മുതലിന് മാത്രമല്ല, എല്ലാ മാസവും ലഭിക്കുന്ന പലിശയ്ക്കും പലിശ ലഭിക്കുന്നു. ഈ കോമ്പൗണ്ടിംഗ് രീതിയിലൂടെ, നിക്ഷേപകന്റെ മൊത്തം വരുമാനം ഗണ്യമായി വർദ്ധിക്കും.
പോസ്റ്റ് ഓഫീസ് ആർഡി പദ്ധതിയുടെ ലോക്ക്-ഇൻ കാലയളവ് 5 വർഷമാണ്. ഈ പദ്ധതി പ്രകാരം ഒരാൾ പ്രതിമാസം 25,000 രൂപ നിക്ഷേപിച്ചാൽ, 5 വർഷമാകുമ്പോൾ നിക്ഷേപ തുക ആകെ 15 ലക്ഷം രൂപയാകും. നിലവിലെ 6.7% പലിശ നിരക്കിൽ, പ്രതിമാസം കൂട്ടുമ്പോൾ, ഈ നിക്ഷേപം ഏകദേശം 2,84,148 രൂപയുടെ അറ്റ പലിശ നൽകും. അതായത്, 5 വർഷത്തെ കാലാവധി പൂർത്തിയാകുമ്പോൾ ആ വ്യക്തിക്ക് ആകെ 17,84,148 രൂപയാണ് ലഭിക്കുന്നത്.
ALSO READ: സമ്പത്ത് സൃഷ്ടിക്കാന് ഈ എല്ഐസി സ്കീമുകള് മതി; പണം മാത്രമല്ല ഇന്ഷുറന്സുമുണ്ട്
നിങ്ങൾക്ക് ഒരു സിംഗിൾ അക്കൗണ്ടോ ജോയിന്റ് അക്കൗണ്ടോ തുറക്കാവുന്നതാണ്. മാതാപിതാക്കൾക്ക് 10 വയസ്സിന് മുകളിലുള്ള പ്രായപൂർത്തിയാകാത്ത കുട്ടികളുടെ പേരിലും അക്കൗണ്ട് തുറക്കാം. പ്രതിമാസം കുറഞ്ഞത് 100 രൂപയെങ്കിലും നിക്ഷേപിക്കണം. പരമാവധി നിക്ഷേപ പരിധിയില്ല.
5 വർഷത്തെ പദ്ധതിയാണെങ്കിലും, അടിയന്തര സാഹചര്യങ്ങളിൽ മൂന്ന് വർഷത്തിന് ശേഷം അവസാനിപ്പിക്കാനുള്ള ഓപ്ഷനുമുണ്ട്. എന്നിരുന്നാലും, തവണകൾ വൈകിയാൽ, ഓരോ 100 രൂപയ്ക്കും 1 രൂപ പിഴ ഈടാക്കുന്നതാണ്. നിക്ഷേപകൻ മരണപ്പെട്ടാൽ, നിക്ഷേപ തുകയും അതിൽ നിന്ന് ലഭിക്കുന്ന പലിശയും നോമിനിക്ക് കൈമാറും.
