SBI’s loan scheme for Agniveers: അഗ്നിവീറുകൾക്ക് എസ്ബിഐയുടെ വായ്പ; അറിയേണ്ടതെല്ലാം….
SBI's special loan scheme for Agniveers: ഈട് ആവശ്യമില്ലാതെ 4 ലക്ഷം രൂപ വരെ വായ്പകൾ അനുവദിക്കുന്ന പദ്ധതിയാണ് എസ്ബിഐ അഗ്നിവീറുകൾക്കായി അവതരിപ്പിച്ചത്. എസ്.ബി.ഐയുടെ ഡിഫൻസ് സാലറി പാക്കേജ് വഴി നിരവധി ആനുകുല്യങ്ങളും നൽകുന്നുണ്ട്.
പ്രതീകാത്മക ചിത്രം
അഗ്നിവീറുകൾക്കായി പ്രത്യേക വായ്പ പദ്ധതി എസ്ബിഐ ഒരുക്കിയിട്ടുണ്ട്. ബാങ്കിൽ ശമ്പള അക്കൗണ്ടുള്ള അഗ്നിവീറുകൾക്ക് ശ്രദ്ധേയമായ ആനുകൂല്യങ്ങൾക്കും എസ്ബിഐ നൽകുന്നുണ്ട്. ഈ പ്രത്യേക വായ്പ പദ്ധതിയെ കുറിച്ച് വിശദമായി മനസിലാക്കാം…
ഈട് ആവശ്യമില്ലാതെ 4 ലക്ഷം രൂപ വരെ വായ്പകൾ അനുവദിക്കുന്ന പദ്ധതിയാണ് എസ്ബിഐ അഗ്നിവീറുകൾക്കായി അവതരിപ്പിച്ചത്. കൂടാതെ പ്രോസസ്സിംഗ് ഫീസ് പൂർണ്ണമായും ഒഴിവാക്കിയിട്ടുമുണ്ട്. തിരിച്ചടവ് കാലാവധി അഗ്നിപഥ് റിക്രൂട്ട്മെൻ്റ് പ്രോഗ്രാമിന് അനുസൃതമായിരിക്കും.
ആനുകൂല്യങ്ങൾ
അഗ്നിവീറുകൾക്ക് എസ്.ബി.ഐയുടെ ഡിഫൻസ് സാലറി പാക്കേജ് വഴി നിരവധി ആനുകുല്യങ്ങളും ലഭിക്കുന്നു. സീറോ-ബാലൻസ് അക്കൗണ്ട്, സൗജന്യ ഇന്റർനാഷണൽ ഗോൾഡ് ഡെബിറ്റ് കാർഡുകൾ, രാജ്യവ്യാപകമായി എല്ലാ എസ്ബിഐ എടിഎമ്മുകളിലും പരിധിയില്ലാത്ത സൗജന്യ എടിഎം ഇടപാടുകൾ എന്നിവ ഈ പാക്കേജിൽ ഉൾപ്പെടുന്നു. ഡെബിറ്റ് കാർഡിന്റെ വാർഷിക മെയിന്റനൻസ് ചാർജുകൾ ഒഴിവാക്കിയിട്ടുണ്ട്.
ഇൻഷുറൻസ്
വ്യക്തിഗത അപകട ഇൻഷുറൻസ് പരിരക്ഷയായി 50 ലക്ഷം രൂപ വരെ ലഭിക്കുന്നതാണ്. വിമാന അപകട ഇൻഷുറൻസ് പരിരക്ഷയായി 1 കോടി രൂപ വരെ,
50 ലക്ഷം രൂപ വരെയുള്ള സ്ഥിരം വൈകല്യ പരിരക്ഷ എന്നിവ അധിക ആനുകൂല്യങ്ങളിൽ ഉൾപ്പെടുന്നു.
