Listin Stephen: ‘ലിസ്റ്റിൻ സ്റ്റീഫൻ പറഞ്ഞ നടൻ നിവിൻ പോളിയോ’? മമ്മൂട്ടിയേയും മോഹൻലാലിനേയും തൊടാനുള്ള ധൈര്യം ഇല്ലെന്ന് കമന്റ്
Listin Stephen Statement:എന്തായാലും മമ്മൂട്ടിയേയും മോഹൻലാലിനെയും കുറിച്ചായിരിക്കില്ലെന്നും, അവരെ തൊടാനുള്ള ധൈര്യം ലിസ്റ്റിന് ആയിട്ടില്ലെന്നും ചിലർ പറയുന്നു. പിന്നെയുള്ളത് ദിലീപും പൃഥ്വിരാജും ആണ്.
Listin Stephan
സോഷ്യൽ മീഡിയയിൽ പുതിയ ചർച്ചയ്ക്ക് വഴിവച്ചിരിക്കുകയാണ് നിർമ്മാതാവ് ലിസ്റ്റിൻ സ്റ്റീഫൻ. ലയാള സിനിമയിലെ ഒരു പ്രമുഖന് നടന് വലിയൊരു തെറ്റിന് തിരികൊളുത്തിയിട്ടുണ്ടെന്നാണ് ലിസ്റ്റിൻ സ്റ്റീഫൻ പറഞ്ഞതാണ് പുതിയ ചർച്ചയ്ക്ക് കാരണം. ദിലീപിനെ നായകനാക്കി ലിസ്റ്റിൻ ഒരുക്കുന്ന ദി പ്രിൻസ് ആന്റ് ഫാമിലി എന്ന ചിത്രത്തിന്റെ പ്രമോഷൻ പരിപാടിക്കിടെയാണ് ലിസ്റ്റിന്റ് പ്രതികരണം.
മലയാള സിനിമയിൽ എത്തിയിട്ട് 15 വർഷമായെന്നും ഇതിനകം നിരവധി സിനിമകൾ താൻ ചെയ്തിട്ടുണ്ടെന്നും ലിസ്റ്റിൻ പറയുന്നു. ഇന്ന് ഒരു പ്രമുഖ നടൻ വലിയ തെറ്റിലേക്ക് തിരികൊളുത്തിയിട്ടുണ്ടെന്നും ലിസ്റ്റിൻ പറഞ്ഞിരുന്നു. താനിത് പറയുമ്പോൾ ആ നടൻ ഇത് കാണുമെന്നും ആ നടൻ ചെയ്തത് വലിയ തെറ്റാണ് എന്ന് താൻ ഓർമ്മിപ്പിക്കുകയാണെന്നും ലിസറ്റിൻ പറഞ്ഞു.
Also Read:‘മലയാള സിനിമയിലെ പ്രമുഖനടൻ വലിയ തെറ്റിന് തിരി കൊളുത്തിയിട്ടുണ്ട്’; ലിസ്റ്റിൻ സ്റ്റീഫൻ
സ്റ്റീഫന്റെ വാക്ക് സോഷ്യൽ മീഡിയയിൽ വൈറലായതോടെ ഏത് നടനെ ഉദ്ദേശിച്ചാണ് ഇക്കാര്യം പറഞ്ഞതെന്നായി പലരുടെയും സംശയം. ഇതോടെ പലരും പല നടന്മാരുടെ പേരുമായി സോഷ്യൽ മീഡിയയിൽ എത്തി. എന്തായാലും മമ്മൂട്ടിയേയും മോഹൻലാലിനെയും കുറിച്ചായിരിക്കില്ലെന്നും, അവരെ തൊടാനുള്ള ധൈര്യം ലിസ്റ്റിന് ആയിട്ടില്ലെന്നും ചിലർ പറയുന്നു. പിന്നെയുള്ളത് ദിലീപും പൃഥ്വിരാജും ആണ്. ദിലീപ് ആ വേദിയിൽ ഉണ്ടായിരുന്നു, പൃഥ്വി അങ്ങേർക്ക് എതിരെ ഒന്നും പറയില്ലെന്നും കമന്റ്.
പിന്നെ ആരാധകർ ഉയർത്തിയ പേര് നടൻ നിവിൻ പോളിയുടേതാണ്. അർക്കും പറയാനുള്ള ഒരാളായത് കൊണ്ട് സാധ്യത ഉണ്ടെന്നാണ് ഒരാൾ പറയുന്നത്. നിവിൻ തിരിച്ചെത്തിയാൽ ചവിട്ടിയവരുടെ ഓക്കേ ഓഫീസ് അവൻ പൂട്ടിക്കുമെന്നും നിവിൻ പോളി ബേബി ഗേളിന്റെ ലൊക്കേഷനിൽ നിന്നും ഇറങ്ങിപ്പോയെന്നും അതാണ് ലിസ്റ്റിനെ ചൊടിപ്പിച്ചതെന്നും ചിലർ കമന്റ് ചെയ്യുന്നുണ്ട്.അടുത്ത സാധ്യതയായി പ്രേക്ഷകർ പറഞ്ഞത് ദുൽഖർ സൽമാനെയാണ് . ലിസ്റ്റിൻ പറഞ്ഞത് ധ്യാൻ ശ്രീനിവാസനെ കുറിച്ചാണോയെന്ന സംശയമാണ് മറ്റൊരാൾ പങ്കുവെയ്ക്കുന്നത്.
