Ariyallo Song: ഇത് ഓൾ ഇൻ വൺ! മലയാളം, തമിഴ്, ഇംഗ്ലീഷ് ഭാഷകൾ ഒരൊറ്റ ഗാനത്തിൽ; ‘അറിയാല്ലോ’ ശ്രദ്ധ നേടുന്നു

ഇത് ഇൻഡിപെൻഡന്റ് മ്യൂസിക്കിന്റെയും, റാപ്പുകളുടെയും കാലമാണല്ലോ. ബേബി ജീൻ, വേടൻ, തൈക്കുടം ബ്രിഡ്ജ്, ഡബ്‌സീ, തുടങ്ങി പേരുകേട്ട പല ഇൻഡിപെൻഡന്റ് മ്യൂസിഷ്യൻസും മലയാളത്തിന് സ്വന്തമായുണ്ട്. ഇതിൽ മിക്കവരും ഇപ്പോൾ സിനിമയിൽ തിളങ്ങി നിൽക്കുകയാണ്. ഇതിനിടെ ഇപ്പോൾ മറ്റൊരു ഹിപ്പ്ഹോപ്പ് മ്യൂസിക് കത്തിക്കയറുകയാണ്. എ-ഗാൻ, അനോണിമസ്, ശിവ് പോൾ എന്നിവർ ചേർന്നൊരുക്കിയ ഇൻഡിപെൻഡന്റ് സോളോ മ്യൂസിക്ക് ‘അറിയാല്ലോ’ ആണ് സമൂഹ മാധ്യമങ്ങളിൽ ശ്രദ്ധ നേടുന്നത്. ‘സോണി മ്യൂസിക്ക് സൗത്ത്’ എന്ന യുട്യൂബ് ചാനലിലൂടെ പുറത്തുവിട്ട ഈ ഗാനം ഇതോടകം സമൂഹ മാധ്യമങ്ങളിൽ തരംഗമായി കഴിഞ്ഞു.

എ-ഗാനും അനോണിമസും ചേർന്നാണ് ‘അറിയാല്ലോ’യുടെ വരികൾ എഴുതിയതും ഗാനം ആലപിച്ചതും. ഹിപ്പ്ഹോപ്പ് വിഭാഗത്തിൽപ്പെടുന്ന ഈ ഗാനം നിർമ്മിച്ചത് ശിവ് പോളാണ്. ഗാനത്തിന് സംഗീതം ഒരുക്കിയതും ശിവ് പോളും, എ-ഗാനും, അനോണിമസും ചേർന്നാണ്. മലയാളം, തമിഴ്, ഇംഗ്ലീഷ് എന്നീ മൂന്ന് ഭാഷകളും ഈ ഗാനത്തിൽ ഉൾപ്പെടുത്തിയിട്ടുണ്ട് എന്നത് ‘അറിയാല്ലോ’യുടെ പ്രത്യേകതയാണ്.

ALSO READ: ചങ്കിടിപ്പേറ്റി ‘മാർക്കോ’ പ്രൊമോ സോങ് എത്തി; ഗാനം സമൂഹ മാധ്യമങ്ങളിൽ തരംഗമാവുന്നു

എ-ഗാൻ യഥാർത്ഥത്തിൽ ഒരു തമിഴ് റാപ്പറാണ്. തമിഴ് ഹിപ്പ് ഹോപ്പ് ഗാനങ്ങളിലാണ് അദ്ദേഹം കൂടുതൽ ശ്രദ്ധ കേന്ദ്രീകരിച്ചിരുന്നത്. എ-ഗാന്റെ ആദ്യ മലയാളം റാപ്പാണ് ‘അറിയാല്ലോ’. ശിവ് പോൾ ഒരു തമിഴ് ഗാനരചയിതാവും സംഗീത നിർമ്മാതാവുമാണ്. ഒരുപിടി നല്ല ഗാനങ്ങൾക്ക് അദ്ദേഹം സംഗീതം പകർന്നിട്ടുണ്ട്. അതേസമയം, വേൾഡ് ക്ലാസ് ഇം​ഗ്ലീഷ് മ്യൂസിക്കും മലയാളം മ്യൂസിക്കും മിക്സ് ചെയ്ത് കൊണ്ടാണ് അനോണിമസ് ഹിപ്പ് ഹോപ്പ് ​ഗാനങ്ങൾ രചിക്കുന്നത്. ഇവർ മൂന്നു പേരും ചേർന്നൊരുക്കിയ ഗാനം ഇതിന്റെ എല്ലാം സമ്മിശ്രമാണ്. ഇപ്പോൾ ‘അറിയാല്ലോ’ ഇൻസ്റ്റ​ഗ്രാം റീൽസിലും ട്രെൻഡിങ്ങാണ്.