Bengaluru Rain: ബെംഗളൂരുവിൽ അപ്രതീക്ഷിത മഴ; റോഡുകൾ വെള്ളത്തിൽ, ഗതാഗതക്കുരുക്ക് രൂക്ഷം
Bengaluru Weather Today September 16: What to Expect From the Rain Forecast: കഴിഞ്ഞ രണ്ട് ദിവസമായി ബെംഗളൂരുവില് പൊതുവെ മേഘാവൃതമായ കാലാവസ്ഥയായിരുന്നു. ഇടയ്ക്കിടെ നേരിയ മഴ ലഭിച്ചിരുന്നെങ്കിലും വലിയ തോതിലുള്ള മഴ ഉണ്ടായിരുന്നില്ല. എന്നാല് ചൊവ്വാഴ്ച വൈകുന്നേരത്തോടെ എത്തിയ മഴ കാര്യങ്ങള് മാറ്റിമറിച്ചു. അപ്രതീക്ഷിതമായി വന്ന മഴ തെരുവുകച്ചവടക്കാര്, ജോലിക്കാര്, വിദ്യാര്ഥികള് ഉള്പ്പെടെ വലിയ വിഭാഗത്തെ തന്നെ സാരമായി ബാധിച്ചു.
ബെംഗളൂരു: കനത്ത മഴയില് വലഞ്ഞ് ബെംഗളൂരു നഗരം. ബെംഗളൂരുവില് ചൊവ്വാഴ്ച വൈകുന്നേരം അപ്രതീക്ഷിതമായി പെയ്ത ശക്തമായ മഴയില് നഗരത്തിന്റെ പല ഭാഗങ്ങളിലും ജനജീവിതം ദുരിതത്തിലായി. ഒരു മണിക്കൂറിലേറെ നീണ്ടുനിന്ന കനത്ത മഴയില് നിരവധി റോഡുകള് വെള്ളത്തിനടിയിലായി. ഇതോടെ വാഹനഗതാഗതം മന്ദഗതിയിലാവുകയും വൈകുന്നേരം ജോലി കഴിഞ്ഞ് വീടുകളിലേക്ക് മടങ്ങിയ യാത്രക്കാര്ക്ക് വലിയ ബുദ്ധിമുട്ട് നേരിടേണ്ടി വരികയും ചെയ്തു.
കഴിഞ്ഞ രണ്ട് ദിവസമായി ബെംഗളൂരുവില് പൊതുവെ മേഘാവൃതമായ കാലാവസ്ഥയായിരുന്നു. ഇടയ്ക്കിടെ നേരിയ മഴ ലഭിച്ചിരുന്നെങ്കിലും വലിയ തോതിലുള്ള മഴ ഉണ്ടായിരുന്നില്ല. എന്നാല് ചൊവ്വാഴ്ച വൈകുന്നേരത്തോടെ എത്തിയ മഴ കാര്യങ്ങള് മാറ്റിമറിച്ചു. അപ്രതീക്ഷിതമായി വന്ന മഴ തെരുവുകച്ചവടക്കാര്, ജോലിക്കാര്, വിദ്യാര്ഥികള് ഉള്പ്പെടെ വലിയ വിഭാഗത്തെ തന്നെ സാരമായി ബാധിച്ചു.
നഗരത്തിന്റെ മധ്യ, വടക്കന് മേഖലകളിലാണ് മഴ കൂടുതല് ശക്തമായി അനുഭവപ്പെട്ടത്. മെജസ്റ്റിക്, ഗാന്ധിനഗര്, കബണ് റോഡ്, വിധാന് സൗധ, ഹലസൂരു, എംജി റോഡ്, ശിവാജിനഗര്, ഹെബ്ബാള്, വിമാനത്താവള റോഡ്, ആര്ടി നഗര്, മല്ലേശ്വരം തുടങ്ങിയ പ്രദേശങ്ങളില് ശക്തമായ മഴ ലഭിച്ചതായി റിപ്പോര്ട്ടുകള് വ്യക്തമാക്കുന്നു. മഴ ശക്തമായതോടെ ഇവിടങ്ങളിലെ പല റോഡുകളിലും വെള്ളം കെട്ടിനില്ക്കുകയാണ്.
മഴ തുടരും
ബെംഗളൂരുവില് മഴ തുടര്ന്നേക്കുമെന്ന മുന്നറിയിപ്പും കാലാവസ്ഥാ വകുപ്പ് നല്കിയിട്ടുണ്ട്. തെക്കന് ഉള്നാടന് കര്ണാടകയില് ഈ ആഴ്ച മഴയ്ക്ക് സാധ്യതയുണ്ടെന്നാണ് ബെംഗളൂരു കാലാവസ്ഥാ കേന്ദ്രത്തിന്റെ അറിയിപ്പ്. അന്തരീക്ഷത്തിലെ ട്രഫ്, ചുഴലിക്കാറ്റ് സാഹചര്യം എന്നിവയുടെ സ്വാധീനമാണ് മഴയ്ക്ക് കാരണമാകുന്നത്. ബെംഗളൂരു ഉള്പ്പെടെ ഒമ്പത് ജില്ലകള്ക്ക് യെല്ലോ അലര്ട്ടും പ്രഖ്യാപിച്ചിട്ടുണ്ട്.
Also Read: Namma Metro: നമ്മ മെട്രോയില് തിരക്ക് കുറയുന്നു! സര്വീസിന് പുതിയ ട്രെയിനുകള് ഉടനെത്തും
ശക്തമായ മഴ ഇന്നും തുടരും. മഴയ്ക്ക് സാധ്യതയുള്ളതിനാല് നഗരവാസികള് ജാഗ്രത പാലിക്കണം. പ്രത്യേകിച്ച് വൈകുന്നേരങ്ങളില് യാത്ര ചെയ്യുന്നവര് കാലാവസ്ഥാ മുന്നറിയിപ്പുകള് ശ്രദ്ധിക്കുകയും വെള്ളക്കെട്ടുള്ള റോഡുകളില് അതീവ ജാഗ്രത പാലിക്കുകയും ചെയ്യേണ്ടതാണ്. പെട്ടെന്നുണ്ടാകുന്ന ശക്തമായ മഴ നഗരത്തിലെ ഗതാഗതത്തെ ബാധിക്കാനുള്ള സാധ്യത തുടരുന്നതിനാല് യാത്രയ്ക്ക് ആവശ്യമായ സമയം മുന്കൂട്ടി കണക്കാക്കുന്നതും പ്രയോജനകരമാണ്.
മഴ ലഭിച്ചത് വരണ്ട കാലാവസ്ഥയ്ക്ക് ഇടയില് നഗരത്തിന് ആശ്വാസമായെങ്കിലും, കുറഞ്ഞ സമയത്തിനുള്ളില് വലിയ തോതില് മഴ ലഭിച്ചതാണ് പല റോഡുകളിലും വെള്ളക്കെട്ടിന് കാരണമായത്. അടുത്ത ദിവസങ്ങളിലും മഴ തുടര്ന്നാല് നഗരത്തിലെ താഴ്ന്ന പ്രദേശങ്ങളിലും പ്രധാന റോഡുകളിലും വെള്ളക്കെട്ട് ഉണ്ടാകാനുള്ള സാധ്യതയുണ്ട്. അതിനാല് ബെംഗളൂരുവിലെ മഴയും ഗതാഗത സാഹചര്യവും നിരീക്ഷിച്ച് യാത്രകള് ആസൂത്രണം ചെയ്യേണ്ടതാണ്.
English Summary
Bengaluru is expected to remain warm and partly cloudy on September 16, with a chance of thunderstorms and rain in some areas during the afternoon or evening. Residents should stay alert for sudden changes in weather, particularly while travelling later in the day.
