PSI Got Attacked: അമ്മയുടെ വാക്ക് കേട്ട് വനിതാ പോലീസിനെ തല്ലി മകൻ; ഒടുവിൽ രണ്ടുപേരും അറസ്റ്റിൽ

പിഎസ്ഐ ജയന്തി, മധുസൂദനൻ (Image Credits: TV9 Kannada)

ബെംഗളൂരു: അമ്മയുടെ വാക്കുകളിൽ പ്രകോപിതനായ മകൻ, വനിതാ എസ്ഐയെ മർദിച്ചു. നെലമംഗലം ടൗൺ പോലീസ് സ്റ്റേഷനിൽ വ്യാഴാഴ്ച രാത്രി 10 മണിയോടെയാണ് സംഭവം. ബെംഗളൂരു റൂറലിൽ നീലമംഗല മുക്തിനാഥേശ്വര ബാരങ്കെയിൽ താമസിക്കുന്ന മധുസൂധനനാണ് എസ്ഐ ജയന്തിയെ മർദിച്ചത്.

ബിഇ പഠനം പാതി വഴിക്ക് ഉപേക്ഷിച്ച് ജോലിക്കു പോകാതെ വീട്ടിലിരിക്കുന്നതിന്റെ പേരിൽ മധുസൂദനനും അമ്മ സുശീലയും തമ്മിൽ കഴിഞ്ഞ ദിവസം വഴക്കുണ്ടായി. തുടർന്ന്, സുശീല നെലമംഗലം ടൗൺ പോലീസ് സ്റ്റേഷനിൽ മകനെതിരെ പരാതി നൽകിയിരുന്നു. സംഭവത്തിൽ പോലീസ് ഇരുവരെയും ചോദ്യം ചെയ്യാനായി സ്റ്റേഷനിലേക്ക് വിളിപ്പിച്ചു വരുത്തി. സ്റ്റേഷനിൽ എത്തിയതിന് ശേഷവും ഇരുവരും വഴക്ക് തുടർന്ന്.

ALSO READ: സംഗീതപരിപാടിക്കിടെ കോഴിയുടെ കഴുത്തറുത്ത് ചോരകുടിച്ചു; ഗായകനെതിരെ കേസ്

അതോടെ, വനിതാ എസ്ഐ ജയന്തി മധുസൂധനനെ ശകാരിക്കുകയും മർദിക്കുകയും ചെയ്തു. ഇതോടെയാണ് സുശീല “ഒരു പരാതി നൽകിയതിന്റെ പേരിൽ പോലീസ് നിന്നെ മർദിക്കുമ്പോൾ, അവരെ തിരിച്ചടിക്കുമെന്ന് നീ പറയുന്നില്ല. നീ ഒരു പുരുഷനാണെങ്കിൽ, അവരെ തിരിച്ചടിക്കൂ. അപ്പോൾ അറിയാൻ സാധിക്കും” എന്ന് മധുസൂധനനോട് പറയുന്നത്. അമ്മയുടെ വാക്കുകളിൽ പ്രകോപിതനായ ഇയാൾ എസ്ഐ ജയന്തിയെ മർദിക്കുകയായിരുന്നു. എസ്ഐയെ ഉടൻ തന്നെ ആശുപത്രിയിൽ പ്രവേശിപ്പിച്ചു.

സംഭവത്തിൽ, മധുസൂധനനെതിരെ നെലമംഗല ടൗൺ പോലീസ് കേസെടുത്തു. ഇയാൾക്കെതിരെ സെക്ഷൻ 132, 121 (1), 121 (2), 352, 54, 3(5) ബിഎൻഎസ്എസ് എന്നീ വകുപ്പുകൾ ചുമത്തിയാണ് കേസ് രജിസ്റ്റർ ചെയ്തത്.