TVK Rally Stampede: നിങ്ങളുടെ നഷ്ടത്തിന് മുന്നിൽ ഒന്നുമല്ല, മരിച്ചവരുടെ കുടുംബങ്ങൾക്ക് നഷ്ടപരിഹാരം പ്രഖ്യാപിച്ച് വിജയ്
TVK Rally Stampede Vijay's Compensation : ഈ തുക, നിങ്ങളുടെ നഷ്ടത്തിന് മുന്നിൽ ഒന്നുമല്ല. പരിക്കേറ്റ് ചികിത്സയിൽ കഴിയുന്ന നമ്മുടെ പ്രിയപ്പെട്ടവരെല്ലാം വേഗത്തിൽ സുഖം പ്രാപിച്ച് വീട്ടിലേക്ക് മടങ്ങിയെത്താൻ ഞാൻ ദൈവത്തോട് പ്രാർത്ഥിക്കുന്നു എന്ന് ട്വീറ്റിൽ
Tvk Rally Stampede
ചെന്നൈ: കരൂരിൽ ടിവികെ റാലിയിൽ തിക്കിലും തിരക്കിലും പെട്ട് മരിച്ചവരുടെ കുടുംബങ്ങൾക്ക് നഷ്ടപരിഹാരം പ്രഖ്യാപിച്ച് വിജയ്. മരിച്ചവരുടെ കുടുംബങ്ങൾക്ക് 20 ലക്ഷവും പരിക്കേറ്റവർക്ക് 2 ലക്ഷവുമാണ് താരം പ്രഖ്യാപിച്ചത്. ചികിത്സയിൽ കഴിയുന്നവർക്ക് ആവശ്യമായ എല്ലാ പിന്തുണയും തമിഴക വെട്രി കഴകം നൽകുമെന്നും പാർട്ടി ചെയർമാൻ കൂടിയായ താരത്തിൻ്റെ ഏറ്റവും പുതിയ ട്വീറ്റിൽ പറയുന്നു. കരൂരിലെ സംഭവത്തിൻ്റെ വേദന മനസ്സിൽ നിന്നും പോകുന്നില്ലെന്നും ഹൃദയം പേറുന്ന വേദന വാക്കുകളാൽ എങ്ങനെ പ്രകടിപ്പിക്കണമെന്ന് എനിക്കറിയില്ലെന്നും അദ്ദേഹം പറഞ്ഞു.
വിജയ് പങ്കുവെച്ച ട്വീറ്റിൽ പറയുന്നത്.
കണ്ടുമുട്ടിയ എല്ലാവരുടെയും മുഖങ്ങൾ എൻ്റെ മനസ്സിൽ തെളിഞ്ഞുവരുന്നു.ഇത്രയധികം സ്നേഹവും കരുതലും കാണിച്ച എൻ്റെ പ്രിയപ്പെട്ടവരെക്കുറിച്ച് ചിന്തിക്കുമ്പോൾ മനസ്സ് വിഷമത്താൽ നിറയുന്നു. ഇതൊരു തീരാനഷ്ടമാണ്. ആശ്വാസവാക്കുകൾ പറഞ്ഞാലും, നമ്മുടെ പ്രിയപ്പെട്ടവരുടെ നഷ്ടം താങ്ങാനാവില്ല. എങ്കിലും, നിങ്ങളുടെ കുടുംബത്തിലെ അംഗം എന്ന നിലയിൽ, പ്രിയപ്പെട്ടവരെ നഷ്ടപ്പെട്ട ഓരോ കുടുംബത്തിനും 20 ലക്ഷം രൂപ വീതവും, പരിക്കേറ്റ് ചികിത്സയിൽ കഴിയുന്നവർക്ക് 2 ലക്ഷം രൂപ വീതവും നൽകാൻ ഞാൻ ഉദ്ദേശിക്കുന്നു.
ALSO READ: സങ്കടകടലായി തമിഴകം; മരണം 39 ആയി; പുലർച്ചെ കരൂരിലെ ആശുപത്രി സന്ദർശിച്ച് എം.കെ.സ്റ്റാലിന്
என் நெஞ்சில் குடியிருக்கும் அனைவருக்கும் வணக்கம்.
கற்பனைக்கும் எட்டாத வகையில், கரூரில் நேற்று நிகழ்ந்ததை நினைத்து, இதயமும் மனதும் மிகமிகக் கனத்துப் போயிருக்கும் சூழல். நம் உறவுகளை இழந்து தவிக்கும் பெருந்துயர்மிகு மனநிலையில், என் மனம் படுகிற வேதனையை எப்படிச் சொல்வதென்றே…
— TVK Vijay (@TVKVijayHQ) September 28, 2025
ഈ തുക, നിങ്ങളുടെ നഷ്ടത്തിന് മുന്നിൽ ഒന്നുമല്ല. പരിക്കേറ്റ് ചികിത്സയിൽ കഴിയുന്ന നമ്മുടെ പ്രിയപ്പെട്ടവരെല്ലാം വേഗത്തിൽ സുഖം പ്രാപിച്ച് വീട്ടിലേക്ക് മടങ്ങിയെത്താൻ ഞാൻ ദൈവത്തോട് പ്രാർത്ഥിക്കുന്നു. നിങ്ങളുടെ കുടുംബത്തിൽപ്പെട്ട ഒരാളെന്ന നിലയിൽ, ഈ നിമിഷം, അതിയായ ദുഃഖത്തോടെ നിങ്ങളോടൊപ്പം നിൽക്കേണ്ടത് എൻ്റെ കടമയാണ്- വിജയ് തൻ്റെ ട്വീറ്റിൽ പറയുന്നു.
തമിഴ്നാട്ടിലെ കരൂരിൽ ശനിയാഴ്ച നടന്ന തമിഴക വെട്രി കഴകത്തിൻ്റെ റാലിക്കിടെയായിരുന്നു അപകടം. 8 കുട്ടികളും 17 സ്ത്രീകളുമടക്കം 39 പേരാണ് തിക്കിലും തിരക്കിലും പെട്ട് മരിച്ചത്. മരിച്ചവരുടെ കുടുംബങ്ങൾക്ക് 10 ലക്ഷവും പരിക്കേറ്റവർക്ക് ഒരു ലക്ഷം രൂപയും തമിഴ്നാട് സർക്കാർ നൽകുമെന്ന് മുഖ്യമന്ത്രി എം.കെ.സ്റ്റാലിൻ പ്രഖ്യാപിച്ചിരുന്നു.
