Kerala Rain Alert: മുന്നറിയിപ്പില് മാറ്റം; കേരളമൊന്നാകെ കനത്ത മഴയും ഇടിമിന്നലുമെത്തുന്നു
Weather Update in Kerala From October 8: ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കുന്നു. അടുത്ത അഞ്ച് ദിവസം കേരളത്തിലെ വിവിധ ജില്ലകളില് മഴയ്ക്ക് സാധ്യതയുണ്ട്.
പ്രതീകാത്മക ചിത്രം
തിരുവനന്തപുരം: സംസ്ഥാനത്ത് മഴ മുന്നറിയിപ്പില് മാറ്റം. ഇന്ന് ഒക്ടോബര് എട്ടിന് നിലവില് അഞ്ച് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. അടുത്ത മൂന്ന് മണിക്കൂറില് വിവിധ ജില്ലകളില് ശക്തമായ മഴയ്ക്കുള്ള സാധ്യതയും പ്രവചിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം എന്നീ ജില്ലകളിലാണ് മഴയ്ക്ക് സാധ്യത.
ഇവിടങ്ങളില് ഇടിമിന്നലോട് കൂടിയ ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗത്തില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കുന്നു. അടുത്ത അഞ്ച് ദിവസം കേരളത്തിലെ വിവിധ ജില്ലകളില് മഴയ്ക്ക് സാധ്യതയുണ്ട്.
മഴ മുന്നറിയിപ്പ്- യെല്ലോ അലര്ട്ട്
ഒക്ടോബര് 8 ബുധന്- പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്
ഒക്ടോബര് 9 വ്യാഴം- പത്തനംതിട്ട, ഇടുക്കി, മലപ്പുറം, വയനാട്, കണ്ണൂര്
ഒക്ടോബര് 10 വെള്ളി- മലപ്പുറം, കോഴിക്കോട്, വയനാട്, കണ്ണൂര്
ഒക്ടോബര് 11 ശനി- പാലക്കാട്, മലപ്പുറം
ഒക്ടോബര് 12 ഞായര്- പാലക്കാട്, മലപ്പുറം
ഈ ജില്ലകളില് ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിച്ചത്. 24 മണിക്കൂറില് 64.5 മില്ലമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതുകൊണ്ട് അര്ത്ഥമാക്കുന്നത്.
