South Kerala Election 2026 Results LIVE: സ്ട്രോങ് റൂമുകള് തുറന്നുതുടങ്ങി; വോട്ടെണ്ണല് 8 മുതല്
South Kerala Assembly Election 2026 Results Live Online: കേരളത്തിന്റെ ഭരണം യുഡിഎഫിലേക്ക് തിരിച്ചെത്തുമെന്ന എക്സിറ്റ് പോള് ഫലങ്ങള് കോണ്ഗ്രസിനും സഖ്യകക്ഷികള്ക്കും പ്രതീക്ഷ സമ്മാനിക്കുന്നുണ്ട്. എന്നാല് വന് ഭൂരിപക്ഷത്തോടെ വിജയിച്ച് തുടര്ഭരണം നേടുമെന്ന ഉറപ്പിലാണ് എല്ഡിഎഫ് മുന്നണി. രാവിലെ 9 മണിയോടെ കേരളം വലത്തോട്ടോ ഇടത്തോടെ എന്നറിഞ്ഞ് തുടങ്ങും.
LIVE NEWS & UPDATES
-
ഫലം കാത്ത് മുഖ്യമന്ത്രി കണ്ണൂരില്
കണ്ണൂരിലാണ് പതിവുപോലെ പിണറായി വിജയന്. എല്ലാ വര്ഷവും സ്വന്തം വസതിയില് ഇരുന്നാണ് അദ്ദേഹം തെരഞ്ഞെടുപ്പ് ഫലം അറിയാറുള്ളത്. പ്രതിപക്ഷ നേതാവ് വിഡി സതീശന് തിരുവനന്തപുരത്തുള്ള കന്റോണ്മെന്റിലും ഫലം കാത്തിരിക്കുന്നു.
-
രണ്ടുമണിക്കൂര് മാത്രം
കേരളത്തിന്റെ ഭാവി ആരുടെ കൈകളില് ഭദ്രമെന്ന് അറിയാന് ഇനി വെറും രണ്ട് മണിക്കൂറുകള് മാത്രം. രാവിലെ ഏഴ് മണിയോടെ കേരളത്തിലെ എല്ലാ സ്ട്രോങ് റൂമുകളും തുറക്കും. പ്രതീക്ഷയോടെ മുന്നണികള്.
-
Rajeev Chandrasekhar: അപ്രതീക്ഷിത സീറ്റുകളില് അട്ടിമറി വിജയം നേടുമെന്ന് രാജീവ് ചന്ദ്രശേഖര്
അപ്രതീക്ഷിത സീറ്റുകളില് അട്ടിമറി വിജയം നേടുമെന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്. വലിയ ആത്മവിശ്വാസത്തോടെയാണ് തിരഞ്ഞെടുപ്പ് ഫലം കാത്തിരിക്കുന്നതെന്നും അദ്ദേഹം പറഞ്ഞു. നേമം, കഴക്കൂട്ടം എന്നീ മണ്ഡലങ്ങളിലാണ് ബിജെപിയുടെ വിജയപ്രതീക്ഷ. പാലക്കാട്, കാസര്കോട് തുടങ്ങിയ വടക്കന് കേരളത്തിലെ മണ്ഡലങ്ങളിലും ബിജെപി പ്രതീക്ഷയാണ്.
-
വോട്ടെണ്ണല് 8 മുതല്
രാവിലെ എട്ട് മണി മുതല് വോട്ടെണ്ണല് ആരംഭിക്കും. തപാല് വോട്ടുകളാണ് ആദ്യഘട്ടത്തില് എണ്ണുക. 8.30 മുതല് ഇവിഎം വോട്ടുകളും എണ്ണുന്നതാണ്. 50 വീതം കെട്ടുകളാക്കിയാണ് തപാല് വോട്ടുകളുടെ എണ്ണല് രീതി.
തിരുവനന്തപുരം: ഒരു മാസത്തോളം നീണ്ട കാത്തിരിപ്പിന് ഇന്ന് കര്ട്ടന് വീഴും. സംസ്ഥാനത്തെ നിയമസഭ തെരഞ്ഞെടുപ്പ് ഫലം മണിക്കൂറുകള്ക്കുള്ളില് അറിയാം. 43 ഇടങ്ങളിലായി 140 കേന്ദ്രങ്ങളില് വെച്ചാണ് വോട്ടെണ്ണല് നടക്കുന്നത്. സംസ്ഥാനം ആരുടെ കൈകളിലേക്ക് എന്നറിയാന് ആകാംക്ഷയോടെ കാത്തിരിക്കുകയാണ് തെക്കന് കേരളവും. തിരുവനന്തപുരം, കൊല്ലം, പത്തനംതിട്ട, ആലപ്പുഴ, എറണാകുളം, കോട്ടയം, ഇടുക്കി എന്നീ ജില്ലകളിലും ഈ വര്ഷം നടന്നത് കരുത്തുറ്റ പോരാട്ടമാണ്. ബിജെപി ഏറെ പ്രതീക്ഷയോടെ ഉറ്റുനോക്കുന്ന മണ്ഡലമാണ് തിരുവനന്തപുരത്തെ നേമം. ഇവിടെ ഇത്തവണ സീറ്റ് പിടിക്കാന് സാധിക്കുമെന്ന പ്രതീക്ഷയിലാണ് പാര്ട്ടി.
കേരളത്തിന്റെ ഭരണം യുഡിഎഫിലേക്ക് തിരിച്ചെത്തുമെന്ന എക്സിറ്റ് പോള് ഫലങ്ങള് കോണ്ഗ്രസിനും സഖ്യകക്ഷികള്ക്കും പ്രതീക്ഷ സമ്മാനിക്കുന്നുണ്ട്. എന്നാല് വന് ഭൂരിപക്ഷത്തോടെ വിജയിച്ച് തുടര്ഭരണം നേടുമെന്ന ഉറപ്പിലാണ് എല്ഡിഎഫ് മുന്നണി. രാവിലെ 9 മണിയോടെ കേരളം വലത്തോട്ടോ ഇടത്തോടെ എന്നറിഞ്ഞ് തുടങ്ങും.
Published On - May 04,2026 5:55 AM
