Varkala Train Attack: ട്രെയിനിൽ അതിക്രമത്തിനിരയായ 19കാരിയുടെ തലച്ചോറിലെ ക്ഷതം ഗുരുതരം; ആരോഗ്യനിലയിൽ മാറ്റമില്ല

Varkala Train Attack

തിരുവനന്തപുരം: വർക്കലയിൽ ട്രെയിനിൽ അതിക്രമത്തിന് ഇരയായ 19കാരിയുടെ ആരോഗ്യനില മാറ്റമില്ലാതെ തുടരുന്നു. തലച്ചോറിലെ ക്ഷതം ഗുരുതരമായതിനാൽ ആരോഗ്യ സ്ഥിതി പെട്ടെന്ന് മെച്ചപ്പെടില്ല എന്നാണ് ഡോക്ടർമാർ നൽകുന്ന സൂചന. ചൊവ്വാഴ്ച രാത്രി വൈകിയും ഡോക്ടർമാർ ശ്രീക്കുട്ടിയുടെ ആരോഗ്യസ്ഥിതി വിലയിരുത്തി. വീഴ്ചയിൽ ഗുരുതരമായ പരുക്കുകൾ പറ്റിയ ശ്രീക്കുട്ടിയെ വെന്റിലേറ്ററിന്റെ സഹായത്തോടെയാണ് ചികിത്സിക്കുന്നത്.

അമ്മ ഉൾപ്പെടെ അടുത്ത രണ്ടു ബന്ധുക്കൾക്ക് മാത്രമേ കുട്ടിയെ കാണാൻ അനുവദിച്ചിട്ടുള്ളൂ. ഇന്ന് രാവിലെ 10 മണിക്ക് വീണ്ടും ഡോക്ടർമാരുടെ സംഘം ശ്രീക്കുട്ടിയെ പരിശോധന നടത്തും. ന്യൂറോളജി, ന്യൂറോ സർജറി, അതിതീവ്ര പരിചരണ വിഭാഗം എന്നീ എന്നീ വിഭാഗങ്ങളിലെ ഡോക്ടർമാരാണ് പ്രധാനമായും കുട്ടിയെ ചികിത്സിക്കുന്നത്.

അതേസമയം പുകവലിക്കുന്നത് ചോദ്യം ചെയ്തതിനുള്ള പ്രതികോപനമാണ് പെൺകുട്ടിയെ പ്രതി സുരേഷ് കുമാർ ചവിട്ടി പുറത്തേക്ക് വീഴ്ത്തിയത് എന്നാണ് റിപ്പോർട്ട്. പുകവലിച്ചുകൊണ്ട് പ്രതി പെൺകുട്ടികളുടെ അടുത്തേക്ക് എത്തിയത് എതിർത്തതാണ് കാരണം. സമീപത്തു നിന്നും മാറി നിന്നില്ലെങ്കിൽ പരാതി നൽകുമെന്ന് പറഞ്ഞതോടെ പ്രതി പെൺകുട്ടിയെ ആക്രമിക്കുകയായിരുന്നു എന്ന് റിമാൻഡ് റിപ്പോർട്ടിൽ പറയുന്നു.

ALSO READ: മദ്യപിച്ച് ട്രെയിനിൽ കയറി; പുകവലി ചോദ്യം ചെയ്തത് പ്രകോപിതനാക്കി; റിമാൻഡ് റിപ്പോർട്ട് പുറത്ത്

കൂടാതെ ആക്രമിക്കുന്ന സമയത്ത് പ്രതി മദ്യപിച്ചിരുന്നുവെന്നും റിപ്പോർട്ട്. കഴിഞ്ഞ ഞായറാഴ്ച കോട്ടയം അതിരമ്പുഴയിലെയും നാഗമ്പടത്തെയും ബാറുകളിൽ കയറി മദ്യപിച്ച് ശേഷമാണ് ഇയാൾ സുഹൃത്തിനൊപ്പം ട്രെയിനിൽ കയറിയത്. ജനറൽ കമ്പാർട്ട്മെന്റിലെത്തിയ ഇയാളുടെ സുഹൃത്തിന് സീറ്റ് കിട്ടി.

പ്രതി സുരേഷ് കുമാർ പുകവലിക്കുന്നതിനായി ശുചിമുറിയുടെ ഭാഗത്തേക്ക് പോയി. ഇത് കണ്ട കുട്ടിയും സുഹൃത്തുക്കളും പുകവലിക്കുന്നത് ചോദ്യം ചെയ്തത്. ഇവിടെ നിന്ന് പുകവലിക്കാൻ പാടില്ലെന്നും പരാതിപ്പെടും എന്നും പറഞ്ഞു ഇതോടെ മദ്ദിൽ ഹരിയിലായിരുന്ന സുരേഷ് ശ്രീക്കുട്ടിയെ പിന്നിൽ നിന്നും തള്ളി പുറത്തേക്ക് ഇടുകയായിരുന്നു.