Butter chicken : ലോകത്തിലെ അഞ്ച് മികച്ച ചിക്കൻ വിഭവങ്ങളിലൊന്ന് ഇന്ത്യയിൽ നിന്ന്…. 1950 -ൽ ജനിച്ച ആ രുചിയുടെ കഥ ഇങ്ങനെ
Butter chicken from India: പ്രമുഖ ഫുഡ് ആൻഡ് ട്രാവൽ ഗൈഡായ ടേസ്റ്റ് അറ്റ്ലസിന്റെ വെബ്സൈറ്റിൽ 4.5 റേറ്റിംഗാണ് ഈ വിഭവത്തിനുള്ളത്.
ലോകത്തിന്റെ രുചി ഭൂപടത്തിൽ ചിക്കൻ വിഭവങ്ങളുടെ പട്ടിക പരിശോധിച്ചാൽ ആദ്യ അഞ്ചിൽ ഇന്ത്യയും ഉണ്ടാകും. നമ്മുടെ ഡൽഹിയിൽ ജനിച്ച് ലോകം മുഴുവൻ വ്യാപിച്ച ബട്ടർ ചിക്കനാണ് മികച്ച ചിക്കൻ വിഭവങ്ങളുടെ പട്ടികയിൽ ഇടം പിടിച്ചിരിക്കുന്നത്. എങ്ങനെ എന്നു നോക്കാം…
950-കളിൽ ഡൽഹിയിലെ മോത്തി മഹൽ റെസ്റ്റോറന്റിൽ കുന്ദൻ ലാൽ ഗുജ്റാൾ ആണ് ഈ വിഭവം അവതരിപ്പിച്ചത്. ഒരു ദിവസം റെസ്റ്റോറന്റിൽ ബാക്കിവന്ന തന്തൂരി ചിക്കൻ, തക്കാളി, ബട്ടർ, സുഗന്ധവ്യഞ്ജനങ്ങൾക്കൊപ്പം ക്രീമും ചേർത്ത് തയ്യാറാക്കിയ ഈ വിഭവം വളരെ വേഗം എല്ലാവരുടേയും പ്രീയപ്പെട്ടതായി മാറി. മുർഗ് മഖാനി എന്ന പേരിൽ ജനിച്ചെങ്കിലും ബട്ടർ ചിക്കനെന്നാണ് നാമെല്ലാം വിളിക്കുക. പ്രമുഖ ഫുഡ് ആൻഡ് ട്രാവൽ ഗൈഡായ ടേസ്റ്റ് അറ്റ്ലസിന്റെ വെബ്സൈറ്റിൽ 4.5 റേറ്റിംഗാണ് ഈ വിഭവത്തിനുള്ളത്.
ലോകത്തിലെ മികച്ച 10 ചിക്കൻ വിഭവങ്ങൾ
- പിലിക് ടോപ്കാപ്പി (തുർക്കി) ( ഒന്നാം സ്ഥാനം )
- ർഫിസ്സ (മൊറോക്കോ) ( രണ്ടാം സ്ഥാനം)
- കൊറിയൻ ഫ്രൈഡ് ചിക്കൻ (ദക്ഷിണ കൊറിയ)
- പെറുവിയൻ റോസ്റ്റ് ചിക്കൻ (പെറു)
- ബട്ടർ ചിക്കൻ (ഇന്ത്യ)
- കാരേജ് (ജപ്പാൻ)
- ഫ്രഞ്ച് റോസ്റ്റ് ചിക്കൻ (ഫ്രാൻസ്)
- ഡാക്ക് ഗാൽബി (ദക്ഷിണ കൊറിയ)
- ചിക്കൻ കറാഹി (പാകിസ്ഥാൻ)
- ഇനാസൽ നാ മനൊക് (ഫിലിപ്പീൻസ്)
ഇതുകൂടാതെ, മറ്റ് ഇന്ത്യൻ വിഭവങ്ങളായ തന്തൂരി ചിക്കൻ (റാങ്ക് 14), ചിക്കൻ ടിക്ക (റാങ്ക് 35), ചിക്കൻ 65 (റാങ്ക് 38) എന്നിവയും പട്ടികയിൽ ഇടം നേടിയിട്ടുണ്ട്.
ALSO READ: ഗ്യാസ് സ്റ്റൗവിന്റെ അടുത്ത് ഒരിക്കലും സൂക്ഷിക്കാൻ പാടില്ലാത്ത വസ്തുക്കൾ എന്തെല്ലാം?
തയ്യാറാക്കേണ്ടത് ഇങ്ങനെ
രുചികരമായ ഈ വിഭവം വീട്ടിൽ ഉണ്ടാക്കാൻ, ചിക്കൻ ആദ്യം ഉപ്പ്, മുളകുപൊടി, നാരങ്ങാനീര് എന്നിവയിൽ മാരിനേറ്റ് ചെയ്യണം. തുടർന്ന് തൈര്, ഇഞ്ചി-വെളുത്തുള്ളി പേസ്റ്റ്, മസാലകൾ എന്നിവ ചേർത്ത് 3-4 മണിക്കൂർ വെക്കുക. ഓവനിൽ ബട്ടർ പുരട്ടി ചുട്ടെടുത്ത ശേഷം, ഏലയ്ക്ക, ഗ്രാമ്പൂ, കറുവപ്പട്ട, ഇഞ്ചി-വെളുത്തുള്ളി പേസ്റ്റ് എന്നിവ വഴറ്റി തക്കാളി പ്യൂരി, ഉപ്പ്, മസാല, തേൻ/പഞ്ചസാര എന്നിവ ചേർത്തുണ്ടാക്കിയ മഖാനി ഗ്രേവിയിൽ ചേർക്കുക. അവസാനം ക്രീം ചേർത്ത് നാൻ/പറാത്ത എന്നിവയ്ക്കൊപ്പം വിളമ്പാം.
