Hair care tips: ജോലി തിരക്കാണോ? വിഷമിക്കേണ്ട മുടി സംരക്ഷിക്കാൻ ഇതാ എളുപ്പ വഴികൾ
നല്ല കട്ടിയുള്ള മുടി വേണമെന്ന് ആഗ്രഹം ഇല്ലാത്തവരായി ആരാണുള്ളത്. എന്നാൽ മുടി വളർത്തുന്നത് അത്ര എളുപ്പമുള്ള കാര്യമല്ല. എന്നാൽ ഇനി വിഷമിക്കേണ്ട നല്ല ഭംഗിയുള്ള മുടി കിട്ടാൻ ദിവസവും ഈ കാര്യങ്ങൾ ചെയ്ത് നോക്കൂ.
ഹെയർ മസാജ്; തലയോട്ടിയിൽ നല്ല രക്തയോട്ടമുണ്ടെങ്കിൽ മുടി എളുപ്പം വളരും. ദിവസവും രാവിലെ ഒരു പത്ത് മിനിറ്റ് മുടിയ്ക്കും തലയോട്ടിക്കും നല്ലൊരു മസാജ് കൊടുക്കുക. ഇത് മുടി എളുപ്പത്തിൽ വളർത്താൻ സഹായിക്കുന്നു.
ഷാംപൂ ആൻ്റ് കണ്ടീഷനിങ്; മുടിയ്ക്ക് അനുയോജ്യമായ രീതിയിലുള്ള ഉല്പന്നങ്ങൾ കണ്ടെത്തി ഉപയോഗിക്കുക. മാത്രമല്ല മുടിയുടെ വരൾച്ച ഇല്ലാതാക്കാനും തിളക്കം നിലനിർത്താനും ഇത് വളരെ പ്രധാനമാണ്.
മുടി അമിതമായി കഴുകരുത്; മുടി ദിവസവും കഴുകുന്ന ഒഴിവാക്കുക. കാരണം മുടിയിലെയും തലയോട്ടിയിലെയും സ്വാഭാവിക എണ്ണയുടെ അംശം ഇല്ലാതാക്കാൻ ഇത് കാരണമാകുന്നു. ഒന്ന് ഇടവിട്ട ദിവസങ്ങളിലോ അല്ലെങ്കിൽ ആഴ്ചയിൽ രണ്ടോ മൂന്നോ ദിവസം കൂടുമ്പോഴോ മാത്രം മുടി കഴുകുക.
കൃത്യമായ ഇടവേളകളിൽ മുടി വെട്ടുക; മുടിയുടെ നീളത്തിന് അനുസരിച്ച് കൃത്യമായ ഇടവേളകളിൽ മുടി വെട്ടി കൊടുക്കുക. ഇത് മുടിയുടെ വളർച്ചയെ അനുകൂലമാക്കുന്നു.
