World AIDS Day: എച്ച്ഐവി ബാധിതരായ അമ്മമാർക്ക് ആരോഗ്യമുള്ള കുഞ്ഞുങ്ങൾ ജനിക്കുമോ?

World AIDS Day

വർഷങ്ങൾ ഇത്രയേറെ കഴിഞ്ഞിട്ടും എയ്ഡ്സിനെക്കുറിച്ച് ആളുകൾക്കിടയിൽ പേടിയും തെറ്റായ വിവരങ്ങളും ഇപ്പോഴുമുണ്ട്. ഈ തെറ്റിദ്ധാരണകൾ മറ്റൊരു വൈറസ് കണക്കെ രോ​ഗികളെ മറ്റൊരു വശത്തു നിന്ന് കാർന്നു തിന്നുന്നുമുണ്ട് ഇന്നും. ഇത് സമൂഹത്തിൽ നിന്ന് രോഗം ബാധിച്ചവരെ ഒറ്റപ്പെടുത്തുകയും, പലരെയും കൃത്യ സമയത്ത് പരിശോധന നടത്താനോ ചികിത്സ തേടാനോ വിസമ്മതിപ്പിക്കുകയും ചെയ്യുന്നു.

അമ്മമാർക്ക് രോ​ഗമുണ്ടായാൽ കുട്ടികൾക്ക് രോ​ഗം വരുമോ? ഹസ്തദാനം രോ​ഗം പടർത്തുമോ ഇങ്ങനെ പല സംശയങ്ങളും ഇതിനൊപ്പം നിലനിൽക്കുന്നു. ഈ ലോക എയ്ഡ്‌സ് ദിനത്തിൽ, ഇതിനെപ്പറ്റിയുള്ള ചില മിത്തുകളും സത്യങ്ങളും നോക്കാം.

മിഥ്യകളും സത്യങ്ങളും

• HIV എന്നത് വൈറസാണ്. ഇതു ബാധിച്ചുകഴിയുമ്പോൾ AIDS എന്ന രോ​ഗാവസ്ഥയിലേക്ക് എത്തുന്നു.
• ഹസ്തദാനത്തിലൂടെയോ, കെട്ടിപ്പിടിക്കുന്നതിലൂടെയോ, ഒരുമിച്ചിരുന്ന് ഭക്ഷണം കഴിക്കുന്നതിലൂടെയോ, പൊതു ടോയ്‌ലെറ്റുകൾ ഉപയോഗിക്കുന്നതിലൂടെയോ HIV പകരില്ല. രക്തം, ശുക്ലം, യോനീ സ്രവങ്ങൾ, മുലപ്പാൽ എന്നിവയിലൂടെ മാത്രമേ ഇത് പകരുകയുള്ളൂ. സാധാരണ സാമൂഹിക ബന്ധങ്ങൾ സുരക്ഷിതമാണ്.
• ആദ്യകാലങ്ങളിൽ ഇത് ശരിയായിരുന്നെങ്കിലും ഇന്ന് സ്ഥിതി മാറി. ART ചികിത്സ കാരണം HIV ഇന്ന് നിയന്ത്രിക്കാൻ കഴിയുന്ന ഒരു സാധാരണ ദീർഘകാല രോഗമായി മാറിയിരിക്കുന്നു. കൃത്യമായി മരുന്ന് കഴിക്കുന്ന ഒരാൾക്ക് HIV ഇല്ലാത്തവരെപ്പോലെതന്നെ ജീവിക്കാൻ സാധിക്കും. മാത്രമല്ല, ചികിത്സ ഫലപ്രദമായാൽ, വൈറസിൻ്റെ അളവ് കുറയുകയും ചെയ്യാം.

ALSO READ: ശരീരഭാരം കുറയണ്ടേ…; ചിയ വിത്തുകൾ കഴിക്കേണ്ടത് പാലിലോ വെള്ളത്തിലോ

• സുരക്ഷിതമല്ലാത്ത സമ്പർക്കം ഉണ്ടായാൽ ആർക്കും ഇത് വരാം. നിങ്ങളുടെ രോഗ സാധ്യത മനസ്സിലാക്കി കൃത്യമായ ഇടവേളകളിൽ പരിശോധന നടത്തുക എന്നതാണ് പ്രധാനം.
• ഗർഭകാലത്തും പ്രസവ സമയത്തും കൃത്യമായ ART ചികിത്സ നൽകിയാൽ കുഞ്ഞിലേക്ക് രോഗം പകരാനുള്ള സാധ്യത 1% ൽ താഴെയായി കുറയ്ക്കാൻ കഴിയും.
• അറിവും ശരിയായ വിവരങ്ങളുമാണ് ഇതിനെതിരെയുള്ള നമ്മുടെ പ്രതിരോധം. തെറ്റിദ്ധാരണകൾ ഒഴിവാക്കി ഈ വിഷയത്തെക്കുറിച്ച് തുറന്ന് സംസാരിക്കുന്നത് രോഗത്തെക്കുറിച്ചുള്ള ഭയം മാറ്റാൻ സഹായിക്കും.