Prithviraj Sukumaran- Supriya Menon: ‘പങ്കാളീ, വിവാഹവാര്ഷികാശംസകള്’; 14 വര്ഷത്തെ ദാമ്പത്യ ജീവിതം ആഘോഷിച്ച് പൃഥ്വിരാജും സുപ്രിയയും
Prithviraj Sukumaran And Supriya Menon Wedding Anniversary: പൃഥ്വിരാജും സുപ്രിയയും വിവാഹിതരായിട്ട് പതിനാല് വർഷം പൂർത്തിയാക്കിയിരിക്കുകയാണ്. ഇരുവരും വിവാഹവാർഷിക ആശംസകൾ നേർന്ന് സോഷ്യൽ മീഡിയയിൽ ചിത്രങ്ങൾ പങ്കുവച്ചിട്ടുണ്ട്.
മലയാളി പ്രേക്ഷകർ ഇന്നുവരെ കണ്ടതില് വെച്ച് ഏറ്റവും വലിയ ചിത്രം സമ്മാനിച്ച് തിളങ്ങി നില്ക്കുകയാണ് നടന് പൃഥ്വിരാജ് സുകുമാരന്. മോഹൻലാലിനെ നായകനാക്കി ഒരുക്കിയ ചിത്രം തീയേറ്ററുകളും കടന്ന് ഇപ്പോൾ ഒടിടിയിൽ എത്തിയിരിക്കുകയാണ്. ഇതിനിടെയിലാണ് സുപ്രിയയുടെയും പ്രഥ്വിരാജിന്റെയും വിവാഹ വാർഷികമെത്തിയത്. (image credits:instagram)
പൃഥ്വിരാജും സുപ്രിയയും വിവാഹിതരായിട്ട് പതിനാല് വർഷം പൂർത്തിയാക്കിയിരിക്കുകയാണ്. ഇരുവരും വിവാഹവാർഷിക ആശംസകൾ നേർന്ന് സോഷ്യൽ മീഡിയയിൽ ചിത്രങ്ങൾ പങ്കുവച്ചിട്ടുണ്ട്. വിദേശത്ത് നിന്നും അവധി ആഘോഷിക്കുന്നതിനിടെ എടുത്ത ചിത്രങ്ങളാണ് താരങ്ങള് പങ്കുവെച്ചിരിക്കുന്നത്.
സ്വിറ്റ്സര്ലാന്ഡിലെ സെര്മാറ്റിലുള്ള മാറ്റര്ഹോണ് പര്വതത്തില് നിന്നുള്ള ചിത്രമാണ് പൃഥ്വി പോസ്റ്റ് ചെയ്തത്. '14 വര്ഷങ്ങള്! വിവാഹ വാര്ഷികാശംസകള്, പങ്കാളീ!' എന്നാണ് പൃഥ്വിരാജ് കുറിച്ചത്. ഒപ്പം ചുവന്ന ഹൃദയത്തിന്റെ മൂന്ന് ഇമോജികളുമുണ്ട്.
ഇതോടെ നിരവധി പേരാണ് ഇരുവർക്കും ആശംസകൾ നേർന്ന് കമന്റ് ബോക്സില് എത്തുന്നത്.2011 ഏപ്രില് 25-ആയിരുന്നു ഇരുവരുടേയും വിവാഹം. അന്ന് ബിബിസി ഇന്ത്യയിലെ റിപ്പോര്ട്ടറായിരുന്നു സുപ്രിയ.നിലവിൽ ചലച്ചിത്ര നിര്മ്മാതാവാണ്.
ഇരുവർക്കും ഒരു മകളുണ്ട്.സിനിമയുടെ തിരക്കുകള്ക്കിടയിലും ഒരുമിച്ചുള്ള നിമിഷം ആഘോഷമാക്കുന്ന താരദമ്പതികളാണ് പൃഥ്വിയും സുപ്രിയയും. ഇരുവരും ഒരുമിച്ചുള്ള ചിത്രങ്ങൾ സോഷ്യൽ മീഡിയയിലൂടെ പങ്കുവയ്ക്കാറുണ്ട്.
