peanuts: ദിവസവും നിലക്കടല കഴിക്കുന്നവരാണോ? ഗുണങ്ങള് ഏറെയുണ്ട്
Health Benefits of Eating Peanuts: അവശ്യ പോഷകങ്ങളാൽ സമ്പനമായ നിലക്കടല അത്ര നിസാരക്കാരനല്ല. അതുകൊണ്ട് തന്നെ അവ ദിവസവും കഴിക്കുന്നത് മൊത്തത്തിലുള്ള ആരോഗ്യവും പ്രതിരോധശേഷിയും വർധിപ്പിക്കുമെന്നാണ് പഠനം തെളിയിക്കുന്നത്.
എല്ലാവർക്കും ഇഷ്ടപ്പെട്ട നട്സുകളിലൊന്നാണ് നിലക്കടല. വറുത്തോ വേവിച്ചോ പലരും ഇത് കഴിക്കാറുണ്ട്. അവശ്യ പോഷകങ്ങളാൽ സമ്പനമായ നിലക്കടല അത്ര നിസാരക്കാരനല്ല. അതുകൊണ്ട് തന്നെ അവ ദിവസവും കഴിക്കുന്നത് മൊത്തത്തിലുള്ള ആരോഗ്യവും പ്രതിരോധശേഷിയും വർധിപ്പിക്കുമെന്നാണ് പഠനം തെളിയിക്കുന്നത്. (image credits: social media)
നിലക്കടല സസ്യാധിഷ്ഠിത പ്രോട്ടീന്റെ മികച്ച ഉറവിടമാണ്. ഇതിനു പുറമെ വിറ്റാമിൻ, ഫൈബർ, ഇരുമ്പ്, ഫോളേറ്റ്, കാൽസ്യം, സിങ്ക് എന്നിവയും അടങ്ങിയിട്ടുണ്ട്. ഇവ കാൻസർ കോശങ്ങളുടെ വളർച്ച തടയാൻ ഉപകരിക്കുന്നു.
സ്ട്രസ് അഥവാ മാനസിക സമ്മർദ്ദത്തിൽ നിന്നും വീക്കത്തിൽ നിന്നും കോശങ്ങളെ സംരക്ഷിക്കാൻ സഹായിക്കുന്ന പോളിഫെനോൾസ്, വൈറ്റമിൻ ഇ, റെസ്വെറാട്രോൾ എന്നിവയുൾപ്പെടെ വിവിധ ആന്റിഓക്സിഡന്റുകൾ നിലക്കടലയിൽ അടങ്ങിയിട്ടുണ്ട്.
നിലക്കടലയിൽ ആരോഗ്യകരമായ മോണോസാച്ചുറേറ്റഡ്, പോളിഅൺസാച്ചുറേറ്റഡ് കൊഴുപ്പുകൾ അടങ്ങിയിട്ടുണ്ട്, ഇത് മോശം കൊളസ്ട്രോൾ കുറയ്ക്കുകയും നല്ല കൊളസ്ട്രോൾ നിലനിർത്തുകയും ചെയ്യുന്നു. ഇത് ഹൃദയ സംബന്ധമായ അസുഖങ്ങൾ കുറയ്ക്കാൻ സഹായിക്കുന്നു.
നിലക്കടലയിൽ ഫോസ്ഫറസ് അടങ്ങിയിട്ടുണ്ട്. ഇത് പല്ലുകളുടെയും എല്ലുകളുടെയും രൂപീകരണം, കോശ വളർച്ച, പേശികളുടെ പ്രവർത്തനം എന്നിവയ്ക്ക് പ്രധാനമാണ്.
നിലക്കടലയിൽ നാരുകളും കൂടുതലാണ്. ഇതിനാൽ കൂടുതൽ നേരം വയറു നിറഞ്ഞ് ഇരിക്കാൻ സഹായിക്കുന്നു, മൊത്തത്തിലുള്ള കാലറി ഉപഭോഗം കുറയ്ക്കുകയും ഭാരം നിയന്ത്രിക്കാനും നിലക്കടല ദിവസവും കഴിക്കുന്നത് സഹായിക്കുന്നു.
