Hair Growth Tips: രാത്രിയില് എണ്ണ തേച്ച് കിടക്കുന്നത് മുടി വളര്ച്ചയ്ക്ക് സഹായിക്കുമോ?
Is It Good to Apply Oil to Your Hair at Night: മുടി വളരാന് വേണ്ടി കഷ്ടപ്പെടുന്നവര് നിരവധിയാണ്. എന്നാല് മുടി വളരുന്നത് മാത്രമല്ല, മുടി കൊഴിഞ്ഞുപോകാതെ സംരക്ഷിക്കുന്നതും വളരെ പ്രധാനമാണ്. നമ്മുടെ ജീവിതശൈലിയും ഭക്ഷണക്രമവുമെല്ലാം മുടിയുടെ ആരോഗ്യത്തെയും മോശമായി ബാധിക്കുന്നുണ്ട്.
മുടിയില് ഓയില് മസാജ് ചെയ്യുന്നത് വളരെ നല്ലതാണെന്ന് എല്ലാവര്ക്കും അറിയാം. എന്നാല് പല രീതികളിലാണ് ആളുകള് മുടിയില് എണ്ണ തേക്കുന്നത്. രാത്രിയില് തലയില് എണ്ണ തേച്ച് കിടന്നുറങ്ങുന്നവരും നമുക്കിടയിലുണ്ട്. എന്നാല് ഇങ്ങനെ ചെയ്യുന്നതുകൊണ്ട് ഉപകാരമുണ്ടോ? (Image Credits: Getty Images)
രാത്രിയില് എണ്ണ തേച്ച് കിടന്നുറങ്ങുന്നത് കൊണ്ട് പ്രത്യേകിച്ച് ഉപകാരമൊന്നുമില്ലെന്നാണ് വിദഗ്ധര് പറയുന്നത്. കുളിക്കുന്നതിന് 1 മണിക്കൂര് മുമ്പ് എണ്ണ പുരട്ടിയാല് മതിയാകും. ഓരോരുത്തരുടെയും ശരീരത്തിന് അനുസരിച്ചാണ് എണ്ണ തലയില് വെക്കേണ്ട സമയം നിശ്ചയിക്കേണ്ടത്.
വരണ്ട മുടിയുള്ളവര് 1 മണിക്കൂര്, പിത്ത ശരീരപ്രകൃതമുള്ളവര് 30-45 മിനിറ്റ്, എണ്ണമയമുള്ള മുടിയുള്ളവര് 15-20 മിനിറ്റ്, കുട്ടികളില് 10-15 മിനിറ്റ് എന്നിങ്ങനെയാണ് എണ്ണ തേച്ച് പിടിപ്പിക്കേണ്ടത്.
രാത്രി മുഴുവന് എണ്ണ തേച്ച് കിടന്നാല് അത് കഫദോഷം വര്ധിപ്പിക്കും. ചുമ, തലവേദന, ജലദോഷം തുടങ്ങിയവയ്ക്ക് കാരണമാകുകയും ചെയ്യുന്നു. കൂടാതെ താരന് ഉണ്ടാകാനുള്ള സാധ്യതയും ഇരട്ടിയാക്കുന്നുണ്ട്.
നിങ്ങളുടെ ആരോഗ്യ സ്ഥിതി അനുസരിച്ച് മാത്രമാണ് തലയില് എത്ര സമയം എണ്ണ വെക്കണം എന്ന കാര്യം തീരുമാനിക്കേണ്ടത്. അനാരോഗ്യകരമായ ശീലങ്ങള് പിന്തുടരുന്നത് അസുഖങ്ങള്ക്ക് കാരണമാകും.
