Belly Fat: വയറ് കുറയ്ക്കാന് മറ്റ് മാര്ഗങ്ങളെന്തിന്? ഇലക്കറികള് ഒന്ന് കഴിച്ച് നോക്കൂ
Spinach To Reduce Belly Fat: ശരീരഭാരവും വയറും കുറയ്ക്കാന് ഒട്ടനവധി വഴികള് നമ്മള് പരീക്ഷിക്കാറുണ്ട്. എന്നാല് ഭക്ഷണ കാര്യത്തില് വേണ്ടത്ര ശ്രദ്ധ കൊടുത്ത് കൊണ്ടല്ല പലരുടെയും പരീക്ഷണം എന്ന് മാത്രം. ശരീരഭാരം കുറയ്ക്കുന്നതിന് ആദ്യം ചെയ്യേണ്ടത് ഭക്ഷണത്തില് ശ്രദ്ധിക്കുക എന്നതാണ്.
പഠനങ്ങള് പറയുന്നത് അനുസരിച്ച് ശരീരത്തിലെ കൊഴുപ്പ് കുറയ്ക്കുന്നതിനും വിശപ്പ് നിയന്ത്രിക്കുന്നതിനും വീക്കം കുറയ്ക്കുന്നതിനുമെല്ലാം സഹായിക്കുന്ന പച്ചക്കറിയാണ് ചീര. മാത്രമല്ല ശരീരത്തിലെ ദുര്മേദസ് കുറയ്ക്കാനും ചീര സഹായിക്കുന്നുണ്ട് പോലും. (Image Credits: Getty Images)
വയറിലെ കൊഴുപ്പ് അഥവ വിസറല് ഫാറ്റ് കുറയ്ക്കാന് സഹായിക്കുന്ന പച്ചക്കറിയെന്നാണ് ചീരയെ ഡയറ്റീഷ്യന്മാര് വിശേഷിപ്പിക്കുന്നത്. അവയില് ധാരാളം കരാറ്റനോയ്ഡ് അടങ്ങിയിരിക്കുന്നു. ല്യൂട്ടീന്, സീയാന്തിനിന് തുടങ്ങിയ കൊഴുപ്പ് കുറയ്ക്കുന്നതിനും വീക്കം ഇല്ലാതാക്കുന്നതിനും സഹായിക്കും.
ചീരയിലുള്ള തൈലാക്കോയ്ഡുകള് വിശപ്പ് കുറയ്ക്കുകയും ഭക്ഷണത്തിന് ശേഷം സംതൃപ്തി തോന്നിപ്പിക്കുന്ന ഹോര്മോണുകളെ ഉത്തേജിപ്പിക്കുകയും ചെയ്യുന്നുണ്ടെന്ന് പഠനങ്ങള് പറയുന്നു. മാത്രമല്ല വിശപ്പ് തോന്നിപ്പിക്കുന്ന എന്സൈമുകളുടെ പ്രവര്ത്തനം കുറയ്ക്കുന്നു.
ഒരു കപ്പ് വേവിച്ച ചിരയില് നാല് ഗ്രാം ഫൈബര് ഉണ്ടെന്നാണ് പറയപ്പെടുന്നത്. ഇത് ദഹനം മെച്ചപ്പെടുത്തുകയും സാവധാനത്തിലാക്കുകയും ചെയ്യും. ഇതുവഴി വിശപ്പും കുറയും. കൊളസ്ട്രോള്, ഗ്ലൂക്കോസ് എന്നിവയെ നിയന്ത്രിക്കാനും ചീര നല്ലതാണ്.
മുകളില് കൊടുത്തിരിക്കുന്നത് വിവിധ പഠനങ്ങളെ അടിസ്ഥാനമാക്കിയുള്ള റിപ്പോര്ട്ടാണ്. ഭക്ഷണക്രമത്തില് മാറ്റം വരുത്തുന്നതിന് മുമ്പ് ആരോഗ്യ വിദഗ്ധന്റെ ഉപദേശം തേടുക.
