Huawei Mate 70 : വാവെയിൽ നിന്ന് അടുത്ത സൂപ്പർ സ്റ്റാർ; 100 വാട്ട് അതിവേഗ ചാർജിംഗ് അടക്കം വാവെയ് മേറ്റ് 70 വിപണിയിൽ
Huawei Mate 70 Series Launches In China : വാവെയ് ഫോണിൻ്റെ മേറ്റ് സീരീസ് പുറത്തിറങ്ങി. ചൈനീസ് മാർക്കറ്റിൽ ചൊവ്വാഴ്ചയാണ് ഫോൺ അവതരിപ്പിക്കപ്പെട്ടത്. നാല് മോഡലുകളാണ് ഈ സീരീസിൽ ഉള്ളത്.
വാവെയ് മേറ്റ് സീരീസ് ചൈനയിൽ അവതരിപ്പിക്കപ്പെട്ടു. സീരീസിൽ നാല് മോഡലുകളാണുള്ളത്. വാവെയ് മേറ്റ് 70, വാവെയ് മേറ്റ് 70 പ്രോ, മേറ്റ് 70 പ്രോ+, മേറ്റ് 70 ആർഎസ് എന്നിങ്ങനെയാണ് ഈ നാല് മോഡലുകൾ. ഈ നാല് മോഡലുകളും ചൊവ്വാഴ്ചയാണ് ചൈനീസ് അവതരിപ്പിക്കപ്പെട്ടത്. (Image Courtesy - Social Media)
എല്ലാ മോഡലുകൾക്കും 6.9 ഇഞ്ച് ഒഎൽഇഡി ഡിസ്പ്ലേയാണുള്ളത്. വാവെയുടെ സ്വന്തം ഹാർമണി ഒഎസ് 4.3യിലാണ് ഫോൺ പ്രവർത്തിക്കുന്നത്. 5700 എംഎഎച്ച് ബാറ്ററിയും 100 വാട്ടിൻ്റെ അതിവേഗ ചാർജിംഗും അടക്കം വളരെ ഗംഭീര ഫീച്ചറുകളാണ് മോഡലിൽ ഉള്ളത്. (Image Courtesy - Social Media)
ട്രിപ്പിൾ ക്യാമറയാണ് പിൻവശത്തുള്ളത്. 50 മെഗാപിക്സൽ പ്രൈമറി ക്യാമറയ്ക്കൊപ്പം 40 മെഗാപിക്സൽ അൾട്രാവൈഡ് ക്യാമറയും 48 മെഗാപിക്സൽ ടെലിഫോട്ടോ ക്യാമറയും ഫോണിലുണ്ട്. ഡിസംബർ നാല് മുതൽ ചൈനീസ് മാർക്കറ്റിൽ ഫോൺ വില്പന ആരംഭിക്കും. (Image Courtesy - Social Media)
ഇന്ത്യൻ കറൻസി പരിഗണിക്കുമ്പോൾ വാവെയ് മേറ്റ് 70 മോഡലിൻ്റെ വില ആരംഭിക്കുന്നത് 64,100 രൂപയിലാണ്. 12 ജിബി റാമും 256 ജിബി മെമ്മറിയുമാണ് ബേസ് വേരിയൻ്റിൽ ഉള്ളത്. 512 ജിബി, 1 ടിബി വേരിയൻ്റിൻ്റെ വില യഥാക്രമം 69900, 81500 എന്നിങ്ങനെയാണ്. (Image Courtesy - Social Media)
70 പ്രോ പ്ലസ്, 70 ആർഎസ് എന്നീ മോഡലുകൾ 16 ജിബി + 512 ജിബിയിലാണ് ആരംഭിക്കുന്നത്. ഇന്ത്യൻ കറൻസിയിൽ ഏതാണ്ട് 99,000 രൂപയാണ് ഈ മോഡലിൻ്റെ വില. ഒന്നര ലക്ഷം രൂപയാണ് ഈ പരമ്പരയിലെ ഏറ്റവും ടോപ്പ് വേരിയൻ്റിൻ്റെ വില. ഇന്ത്യയിൽ എന്ന് റിലീസാവുമെന്ന് വ്യക്തമല്ല. (Image Courtesy - Social Media)
