AB de Villiers: ഇത്തവണയും അത് തന്നെ സംഭവിക്കും; ഇന്ത്യ-ഓസ്ട്രേലിയ സെമി പോരാട്ടത്തിന് മുമ്പ് ഡിവില്ലിയേഴ്സ് പറയുന്നു
ICC Champions Trophy 2025: സെമി ഫൈനല് മത്സരങ്ങള്ക്ക് ഇന്ന് തുടക്കം. ഇന്ന് ആദ്യ സെമിയില് ഇന്ത്യ ഓസ്ട്രേലിയയെ നേരിടും. നാളെ ന്യൂസിലന്ഡ്-ദക്ഷിണാഫ്രിക്ക പോരാട്ടം. ഫൈനല് ടി20 ലോകകപ്പിന് സമാനമായിരിക്കുമെന്ന് ഡിവില്ലിയേഴ്സ്. താരം പറയുന്നത്
ചാമ്പ്യന്സ് ട്രോഫിയിലെ സെമി ഫൈനല് മത്സരങ്ങള്ക്ക് ഇന്ന് തുടക്കം. ഇന്ന് നടക്കുന്ന ആദ്യ സെമിയില് ഇന്ത്യ ഓസ്ട്രേലിയയെ നേരിടും. നാളെയാണ് ന്യൂസിലന്ഡ്-ദക്ഷിണാഫ്രിക്ക പോരാട്ടം (Image Credits: PTI)
ചാമ്പ്യന്സ് ട്രോഫി ഫൈനല് ടി20 ലോകകപ്പിന് സമാനമായിരിക്കുമെന്നാണ് ദക്ഷിണാഫ്രിക്കന് മുന്താരം എബി ഡിവില്ലിയേഴ്സിന്റെ അഭിപ്രായം. ടി20 ലോകകപ്പ് ഫൈനലില് ഇന്ത്യയും ദക്ഷിണാഫ്രിക്കയുമാണ് ഏറ്റുമുട്ടിയത്. ചാമ്പ്യന്സ് ട്രോഫി ഫൈനലിലും അത് തന്നെ സംഭവിക്കുമെന്ന് ഡിവില്ലിയേഴ്സ് വിശ്വസിക്കുന്നു (Image Credits: Social Media)
ഇംഗ്ലണ്ടിനെതിരായ വിജയം ദക്ഷിണാഫ്രിക്കയ്ക്ക് കൂടുതല് ആത്മവിശ്വാസം നല്കിയിട്ടുണ്ടെന്നും താരം പറഞ്ഞു. യൂട്യൂബ് ചാനലിലൂടെയായിരുന്നു ഡിവില്ലിയേഴ്സിന്റെ പ്രതികരണം. ഇന്ത്യയെ പോലെ അപരാജിതരായാണ് ദക്ഷിണാഫ്രിക്കയും സെമിയിലെത്തിയത് (Image Credits: PTI)
ഗ്രൂപ്പ് ഘട്ടത്തിലെ ആദ്യ മത്സരത്തില് അഫ്ഗാനിസ്ഥാനെ 107 റണ്സിന് ദക്ഷിണാഫ്രിക്ക തോല്പിച്ചു. ഓസ്ട്രേലിയക്കെതിരായ രണ്ടാം മത്സരം മഴ മൂലം ഉപേക്ഷിച്ചു. മൂന്നാം മത്സരത്തില് ഇംഗ്ലണ്ടിനെ ഏഴ് വിക്കറ്റിന് തകര്ത്തു (Image Credits: PTI)
മറുവശത്ത്, ഇന്ത്യയാകട്ടെ മൂന്ന് മത്സരങ്ങളും വിജയിച്ചു. ബംഗ്ലാദേശ്, പാകിസ്ഥാന്, ന്യൂസിലന്ഡ് ടീമുകളെയാണ് ഇന്ത്യ തോല്പിച്ചത്. ഡിവില്ലിയേഴ്സ് പറഞ്ഞതുപോലെ സംഭവിക്കുമോയെന്ന് കാത്തിരുന്ന് കാണാം. ടി20 ലോകകപ്പ് ഫൈനലില് ദക്ഷിണാഫ്രിക്കയെ കീഴടക്കി ഇന്ത്യ കിരീടം ചൂടിയിരുന്നു (Image Credits: PTI)
