India vs England: എഡ്ജ്ബാസ്റ്റണില് ഇന്ത്യ പേടിക്കണം, കണക്കുകളൊന്നും ശരിയല്ല
India vs England Edgbaston Test: പേസ് ബൗളിങിന് സഹായകരമായ പിച്ചാണ് എഡ്ജ്ബാസ്റ്റണിലേത്. ഇത്തരമൊരു പിച്ചില് ജസ്പ്രീത് ബുംറ കളിച്ചില്ലെങ്കില് അത് ഇന്ത്യയ്ക്ക് തിരിച്ചടിയാകും
ഇംഗ്ലണ്ടിനെതിരെ നാളെ ആരംഭിക്കുന്ന രണ്ടാം ടെസ്റ്റില് ജയിച്ചാല് ഇന്ത്യന് ടീമിനെ കാത്തിരിക്കുന്നത് ചരിത്രനേട്ടം. രണ്ടാം മത്സരം നടക്കുന്ന എഡ്ജ്ബാസ്റ്റണില് ഇതുവരെ ഇന്ത്യ ജയിച്ചിട്ടില്ലെന്നതാണ് ചരിത്രസത്യം (Image Credits: PTI)
ഈ നാണക്കേടിന് ഇത്തവണ പരിസമാപ്തി കുറിക്കാനാകുമെന്ന പ്രതീക്ഷയിലാണ് ഇന്ത്യന് ടീമും ആരാധകരും. എട്ട് ടെസ്റ്റുകളാണ് ഇന്ത്യ ഇതിന് മുമ്പ് ഇവിടെ കളിച്ചത്.
ഇവിടെ കളിച്ച എട്ട് ടെസ്റ്റിലും ഏഴും ഇന്ത്യ തോറ്റു. ഒരു മത്സരം സമനിലയില് കലാശിച്ചു. 1986ലായിരുന്നു സമനില നേട്ടം.
പേസ് ബൗളിങിന് സഹായകരമായ പിച്ചാണ് എഡ്ജ്ബാസ്റ്റണിലേത്. ഇത്തരമൊരു പിച്ചില് ജസ്പ്രീത് ബുംറ കളിച്ചില്ലെങ്കില് അത് ഇന്ത്യയ്ക്ക് തിരിച്ചടിയാകും. ബുംറ കളിക്കുമോയെന്ന് വ്യക്തമല്ല.
ആദ്യ മത്സരം ജയിച്ച ഇംഗ്ലണ്ട് ആത്മവിശ്വാസത്തിലാണ്. രണ്ടാം ടെസ്റ്റിലും ഇംഗ്ലണ്ടിന്റെ ഇലവനില് മാറ്റമില്ല. ഇന്ത്യന് ടീമില് മാറ്റങ്ങളുണ്ടായേക്കും.
