India Pakistan Conflict: സംഘര്ഷം എത്രയും വേഗം കുറയ്ക്കൂ; ഇന്ത്യയോടും പാകിസ്ഥാനോടും ഡൊണാള്ഡ് ട്രംപ്
Donald Trump Urges Quick De Escalation: സംഘർഷം 'എത്രയും വേഗം കുറയ്ക്കണമെന്ന്' യുഎസ് പ്രസിഡന്റ് ഡൊണാൾഡ് ട്രംപ് ആഗ്രഹിക്കുന്നു എന്ന് വൈറ്റ് ഹൗസ്. വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റാണ് ഇക്കാര്യം പറഞ്ഞത്
ഇന്ത്യയും പാകിസ്ഥാനും തമ്മിലുള്ള സംഘർഷം 'എത്രയും വേഗം കുറയ്ക്കണമെന്ന്' യുഎസ് പ്രസിഡന്റ് ഡൊണാൾഡ് ട്രംപ് ആഗ്രഹിക്കുന്നു എന്ന് വൈറ്റ് ഹൗസ്. വൈറ്റ് ഹൗസ് പ്രസ് സെക്രട്ടറി കരോലിൻ ലീവിറ്റാണ് ഇക്കാര്യം പറഞ്ഞത്. ഈ സംഘർഷാവസ്ഥ എത്രയും വേഗം കുറയണമെന്ന് ട്രംപ് ആഗ്രഹിക്കുന്നു. പതിറ്റാണ്ടുകളായി പരസ്പരം പോരടിക്കുന്ന രണ്ട് രാജ്യങ്ങളാണിതെന്ന് ട്രംപ് മനസിലാക്കുന്നുവെന്നും ലീവിറ്റ് പറഞ്ഞു (Image Credits: PTI)
സ്റ്റേറ്റ് സെക്രട്ടറിയും ദേശീയ സുരക്ഷാ ഉപദേഷ്ടാവുമായ മാർക്കോ റൂബിയോ ഈ വിഷയത്തില് ഇടപെട്ടിട്ടുണ്ടെന്നും ലീവിറ്റ് കൂട്ടിച്ചേർത്തു. സംഘർഷത്തിൽ മധ്യസ്ഥത വഹിക്കാനോ സ്വാധീനം ചെലുത്താനോ ഉള്ള യുഎസ് ശ്രമങ്ങളെക്കുറിച്ചുള്ള ചോദ്യങ്ങളോട് പ്രതികരിക്കുകയായിരുന്നു അവര്
ട്രംപിന് ഇരു രാജ്യങ്ങളിലെയും നേതാക്കളുമായി നല്ല ബന്ധമുണ്ട്. റൂബിയോ ഇരു രാജ്യങ്ങളിലെയും നേതാക്കളുമായി നിരന്തരം ആശയവിനിമയം നടത്തി. സംഘർഷം അവസാനിപ്പിക്കാനാണ് ശ്രമമെന്നും ലീവിറ്റ് വ്യക്തമാക്കി.
നേരത്തെ ഇരുരാജ്യങ്ങളും തമ്മിലുള്ള സംഘര്ഷം തങ്ങളുടെ വിഷയമല്ലെന്ന് യുഎസ് പ്രസിഡന്റ് ജെഡി വാന്സ് പറഞ്ഞു. ഫോക്സ് ന്യൂസിന് നൽകിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.
ഇന്ത്യയെയും പാകിസ്ഥാനെയും നിയന്ത്രിക്കാനാകില്ലെന്നും, പ്രശ്നങ്ങള് കുറയ്ക്കാന് പ്രോത്സാഹിപ്പിക്കുക എന്നത് മാത്രമാണ് ചെയ്യാനാകുന്നതെന്നും വാന്സ് പറഞ്ഞു. നേരത്തെ മാര്ക്കോ റൂബിയോ ഇന്ത്യന് വിദേശകാര്യമന്ത്രി എസ്. ജയശങ്കറുമായി സംസാരിച്ചിരുന്നു
