IPL 2025: കൊല്ക്കത്തയുടെ മോഹങ്ങള് മഴയില് ഒലിച്ചു; പ്ലേ ഓഫ് കാണാതെ നിലവിലെ ചാമ്പ്യന്മാര്
Kolkata Knight Riders: പ്ലേ ഓഫ് സാധ്യതകള് സജീവമാക്കാന് കൊല്ക്കത്തയ്ക്ക് വിജയം അനിവാര്യമായിരുന്നു. എന്നാല് മഴ കളി മുടക്കിയതോടെ കൊല്ക്കത്ത പുറത്തായി. മഴ ഇതാദ്യമായല്ല കൊല്ക്കത്തയെ ചതിക്കുന്നത്
ചെറിയൊരു ഇടവേളയ്ക്ക് ശേഷം ഐപിഎല് 2025 സീസണ് പുനഃരാരംഭിച്ചെങ്കിലും ആദ്യ മത്സരത്തില് ഒരു പന്ത് പോലും അറിയാന് മഴ അനുവദിച്ചില്ല. ഫലമോ, നിലവിലെ ചാമ്പ്യന്മാരായ കൊല്ക്കത്ത നൈറ്റ് റൈഡേഴ്സ് പ്ലേ ഓഫ് കാണാതെ പുറത്തായി (Image Credits: PTI).
റോയല് ചലഞ്ചേഴ്സ് ബെംഗളൂരു-കൊല്ക്കത്ത നൈറ്റ് റൈഡേഴ്സ് മത്സരമാണ് ചിന്നസ്വാമി സ്റ്റേഡിയത്തില് പെയ്ത തകര്ത്ത മഴയില് ഉപേക്ഷിച്ചത്. ഇരുടീമുകള്ക്കും ഓരോ പോയിന്റ് വീതം ലഭിച്ചു.
പ്ലേ ഓഫ് സാധ്യതകള് സജീവമാക്കാന് കൊല്ക്കത്തയ്ക്ക് വിജയം അനിവാര്യമായിരുന്നു. എന്നാല് മഴ കളി മുടക്കിയതോടെ കൊല്ക്കത്ത പുറത്തായി. മഴ ഇതാദ്യമായല്ല കൊല്ക്കത്തയെ ചതിക്കുന്നത്. നേരത്തെ പഞ്ചാബ് കിങ്സിനെതിരായ കൊല്ക്കത്തയുടെ മത്സരവും മഴ മൂലം ഉപേക്ഷിച്ചിരുന്നു.
നിലവില് 13 മത്സരങ്ങളില് നിന്ന് അഞ്ച് വിജയം കൊല്ക്കത്ത നേടി. 12 പോയിന്റുണ്ട്. പോയിന്റ് പട്ടികയില് ആറാമതാണ്.
ഇനി മെയ് 25ന് നടക്കുന്ന സണ്റൈസേഴ്സ് ഹൈദരാബാദിനെതിരായ മത്സരം മാത്രമാണ് കൊല്ക്കത്തയ്ക്ക് അവശേഷിക്കുന്നത്. ഈ മത്സരത്തിലെ ജയപരാജയങ്ങള് ഇനി കൊല്ക്കത്തയ്ക്ക് പ്രസക്തമല്ല.
