Mohanlal Movie Barroz: മോഹന്ലാല് സംവിധായകനാകുന്ന ചിത്രം ബറോസ് തിയേറ്ററുകളിലേക്ക്; റിലീസ് തീയതി പ്രഖ്യാപിച്ചു
ജിജോ പുന്നൂസിന്റെ ബറോസ്: ഗാര്ഡിയന് ഓഫ് ഗാമാസ് ട്രെഷര് എന്ന കഥയെ ആസ്പദമാക്കിയാണ് മോഹന്ലാല് ചിത്രം ബറോസ്
മോഹന്ലാല് ആദ്യമായി സംവിധായകനായെത്തുന്ന ബ്രഹ്മാണ്ഡ ചിത്രമായ ബറോസ് തിയേറ്ററുകളിലേക്ക്. ചിത്രം ഓണം റിലീസ് ആയാണ് തിയേറ്ററുകളിലേക്ക് എത്തുന്നത്.
സെപ്തംബര് 12ന് ബറോസ് റിലീസ് ചെയ്യുമെന്ന് അണിയറ പ്രവര്ത്തകര് അറിയിച്ചു. ചിത്രത്തിന്റെ മേക്കിങ് വീഡിയോ നേരത്തെ പുറത്തുവിട്ടിരുന്നു. വീഡിയോ നല്കുന്ന സൂചന അനുസരിച്ച് ചിത്രം ഒരു ഗംഭീര കാഴ്ചാനുഭവമാകും.
മോഹന്ലാല് എന്ന നടനിലെ സംവിധായകനെ കാണാനുള്ള ആകാംക്ഷയിലാണ് ആരാധകര്. ഹോളിവുഡിലെ സോണി സ്റ്റുഡിലോയിലാണ് ബറോസിന്റെ അവസാനഘട്ട പണികള് നടക്കുന്നത്.
ബറോസിന്റെ റീ റെക്കോര്ഡിങിന്റെ പ്രധാനഭാഗം അമേരിക്കയിലെ ലൊസാഞ്ചലസിലാണ് പൂര്ത്തിയായത്. സിനിമയിലുള്ള സ്പെഷ്യല് എഫക്ട്സ് ഇന്ത്യയിലും തായ്ലാന്ഡിലുമാണ് ചെയ്യുന്നത്.
ത്രീഡി സാങ്കേതിക വിദ്യയില് അതിനൂതന ടെക്നോളജികള് ഉപയോഗിച്ചാണ് സിനിമയുടെ നിര്മ്മാണം. 2019ലാണ് സിനിമയുടെ പ്രഖ്യാപനം നടന്നത്. ഔദ്യോഗിക ലോഞ്ച് 2023 മാര്ച്ചില് നടന്നു.
ജിജോ പുന്നൂസിന്റെ ബറോസ്: ഗാര്ഡിയന് ഓഫ് ഗാമാസ് ട്രെഷര് എന്ന കഥയെ ആസ്പദമാക്കിയാണ് മോഹന്ലാല് ചിത്രം. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് നിര്മ്മിക്കുന്ന ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത് ജിജോ പുന്നൂസ് തന്നെയാണ്.
സന്തോഷ് ശിവനാണ് ഛായാഗ്രഹണം. എഡിറ്റിഭ് ശ്രീശങ്കര് പ്രസാദ്, സംഗീതം ലിഡിയമന് നാദസ്വരം.
