NEET PG 2024: മാറ്റിവെച്ച നീറ്റ് പിജി പരീക്ഷയുടെ പുതുക്കിയ തീയതി പ്രഖ്യാപിച്ചു; രണ്ട് ഷിഫ്റ്റുകളിലായി ഓഗസ്റ്റ് 11 ന് നടത്തും
NBE NEET PG 2024 new exam date out: നീറ്റ് പി ജി പരീക്ഷ പുതുക്കിയ തീയതി പ്രഖ്യാപിച്ചു. ഓഗസ്റ്റ് 11 ന് പരീക്ഷ. രണ്ട് ഷിഫ്റ്റുകളായിട്ടാണ് പരീക്ഷ നടത്തുകയെന്ന് നാഷണൽ ബോർഡ് ഓഫ് എക്സാമിനേഷൻസ് ഇൻ മെഡിക്കൽ സയൻസസ് അറിയിച്ചു.
മാറ്റിവച്ച മെഡിക്കല് പിജി പ്രവേശത്തനത്തിനുള്ള നീറ്റ് പിജി പരീക്ഷാ തീയതി പ്രഖ്യാപിച്ചു. ഓഗസ്റ്റ് പതിനൊന്നിനാണ് പുതിയ അറിയിപ്പ് അനുസരിച്ച് പരീക്ഷ നടക്കുക.
ജൂണ് 23-ന് നടത്തേണ്ടിയിരുന്ന നീറ്റ് പിജി പരീക്ഷ ചോദ്യപേപ്പര് ചോര്ച്ചയുള്പ്പെടെയുള്ള ക്രമക്കേടുകളെ തുടര്ന്ന് മാറ്റിവെച്ചിരുന്നു. പരീക്ഷ നടക്കാന് മണിക്കൂറുകള് ബാക്കി നില്കെയായിരുന്നു മാറ്റിവെച്ചത്.
രണ്ട് ഷിഫ്റ്റുകളിലായാണ് പരീക്ഷ നടക്കുക. നാഷണല് ബോര്ഡ് ഓഫ് എക്സാമിനേഷന് ഇന് മെഡിക്കല് സയന്സസാണ് വിവരങ്ങൾ അറിയിച്ചത്. പരീക്ഷയെപ്പറ്റിയുള്ള വിശദവിവരങ്ങള്ക്ക് natboard.edu.in വെബ് സൈറ്റിൽ നിന്ന് അറിയാം. ചോദ്യപ്പേപ്പർ ചോർന്ന വിഷയത്തിൽ വൻ പ്രതിഷേധം ഉയർന്നതോടെയാണ് പരീക്ഷ മാറ്റിവച്ച്.
എന്നാൽ മുന്കരുതല് നടപടിയെന്ന നിലയിലാണ് പരീക്ഷകള് മാറ്റി വച്ചതെന്നായിരുന്നു മന്ത്രാലയത്തിന്റെ വിശദീകരണം. വിദ്യാര്ഥികള്ക്ക് നേരിട്ട അസൗകര്യത്തില് മന്ത്രാലയം ഖേദം പ്രകടിപ്പിക്കുകയും ചെയ്തു.
നേരത്തെ ജൂണ് 25നും 27നുമിടയില് നടത്താന് നിശ്ചയിച്ചിരുന്ന സിഎസ്ഐആര് യുജിസി നെറ്റ് പരീക്ഷയും മാറ്റിയിരുന്നു. നീറ്റ്, നെറ്റ് പരീക്ഷാ ക്രമക്കേടുമായി ബന്ധപ്പെട്ട് രാജ്യത്ത് വ്യാപക പ്രതിഷേധങ്ങളാണ് അരങ്ങേറുന്നത്. ക്രമക്കേടില് സിബിഐ അന്വേഷണം തുടരുകയാണ്.
