Old Gold Selling: പഴയ സ്വർണം വിറ്റാൽ പൈസ എപ്പോൾ ലഭിക്കും? എന്തൊക്കെ കരുതണം
Old Gold Rate: വാങ്ങിയ കടയിൽ തന്നെ സ്വർണം വിൽക്കുന്നതാണ് നിങ്ങൾക്ക് എറ്റവും നല്ലത്, ഇതാകുമ്പോൾ കാര്യമായ തുകയൊന്നും സ്വർണ്ണത്തിൽ നിന്നും കുറയില്ല. കൊടുക്കുന്ന സ്വർണ്ണത്തിൻ്റെ 90 ശതമാനം തുകയും ലഭിക്കാം
നിങ്ങളൊരു സാമ്പത്തിക ബാധ്യതയിലാണോ? ലോൺ എടുക്കാൻ വരട്ടെ, കയ്യിൽ സ്വർണമുണ്ടെങ്കിൽ എളുപ്പ വഴി അത് തന്നെ. കയ്യിലുള്ള പഴയ സ്വർണം കൊടുത്താൽ പുതിയ സ്വർണം മാത്രമല്ല പൈസയും നിങ്ങൾക്ക് ലഭിക്കും.
അടുത്തുള്ള മികച്ച സ്വർണ്ണക്കടയിൽ നിങ്ങൾക്ക് നിങ്ങളുടെ സ്വർണം വിൽക്കാം. വിൽക്കുന്ന ദിവസത്തെ വില കണക്കാക്കി ജ്വല്ലറികൾ സ്വർണ്ണം വാങ്ങും. എങ്കിലും പൈസ എപ്പോൾ കിട്ടുമെന്ന് പലർക്കും ആശങ്കയും സംശയങ്ങളുമുണ്ട്.
സാധാരണ ഗതിയിൽ വാങ്ങുന്ന സ്വർണ്ണത്തിൻ്റെ തൂക്കം, പരിശുദ്ധി എന്നിവ കണക്കാക്കിയാൽ ഇത് ആകെ എത്ര രൂപയുണ്ട് എന്ന് കടക്കാർ തന്നെ പറയാറുണ്ട്. മിക്കവാറും കടകളും അപ്പോൾ തന്നെ പൈസയും ഉപഭോക്താവിന് നൽകും. എന്നാൽ ചിലപ്പോൾ മാറ്റം വരാം
സ്വർണ്ണ വില കൂടി നിൽക്കുന്ന സമയങ്ങളിൽ പഴയ സ്വർണം വിൽക്കുന്നവരുടെ എണ്ണവും കൂടുതലായിരിക്കും. ഇത്തരം ഘട്ടങ്ങളിൽ പകുതി പൈസയോ അല്ലെങ്കിൽ നിശ്ചിത തുകയോ ആയിരിക്കും കടക്കാർ നൽകുക. ഇതിൻ്റെ ബില്ല് കൃത്യമായി വാങ്ങി സമയത്തിനുള്ളിൽ മുഴുവൻ തുകയും വാങ്ങാം.
പഴയ സ്വർണം വിൽക്കാൻ രേഖകളൊന്നും കയ്യിൽ കരുതണമെന്നില്ല. പരമാവധി നിങ്ങൾ സ്വർണം വാങ്ങിയ കടയിൽ നിന്ന് തന്നെ അത് വിൽക്കാനും ശ്രമിക്കുക. മറ്റ് കുറവുകളില്ലാതെ തന്നെ ഇത് നിങ്ങൾക്ക ലഭിക്കും.
