Health Tips: നഖം പറയും നിങ്ങളുടെ ആരോഗ്യാവസ്ഥ; ഈ അഞ്ച് മാറ്റങ്ങൾ ശ്രദ്ധിക്കണം
Nails And Health: നഖങ്ങളിലെ നിറവ്യത്യാസം, വരകൾ, വിളറിയ നഖങ്ങൾ, നഖത്തിന് ചുറ്റുമുള്ള നിറവ്യത്യാസം, നഖത്തിലെ മഞ്ഞ നിറം, നീല നിറമുള്ള നഖങ്ങൾ എന്നിവയൊക്കെ പല ആരോഗ്യ പ്രശ്നങ്ങളുടെ ലക്ഷണങ്ങളാണ്. അതിനാൽ തന്നെ നഖങ്ങളിലെ ഓരോ ചെറിയ മാറ്റങ്ങളും ശ്രദ്ധിക്കേണ്ടവയാണ്.
ആരോഗ്യ പരിശോധനകൾ ചെലവേറിയതാണ്. എന്നാൽ നഖങ്ങൾ നിങ്ങളുടെ ആരോഗ്യം എങ്ങനെയെന്ന് പറയും. നിങ്ങളിത് ശ്രദ്ധിച്ചിട്ടുണ്ടോ? ചിലപ്പോൾ നിങ്ങളുടെ ചർമ്മത്തിന്റെ നിറം, മുടിയുടെ അവസ്ഥ, നഖങ്ങൾ എന്നിവ പരിശോധിച്ചാൽ നിങ്ങളുടെ ശരീരത്തിനുള്ളിൽ എന്താണ് സംഭവിക്കുന്നതെന്ന് മനസ്സിലാകും. (Image Credits: Freepik)
നഖങ്ങളിലെ നിറവ്യത്യാസം, വരകൾ, വിളറിയ നഖങ്ങൾ, നഖത്തിന് ചുറ്റുമുള്ള നിറവ്യത്യാസം, നഖത്തിലെ മഞ്ഞ നിറം, നീല നിറമുള്ള നഖങ്ങൾ എന്നിവയൊക്കെ പല ആരോഗ്യ പ്രശ്നങ്ങളുടെ ലക്ഷണങ്ങളാണ്. അതിനാൽ തന്നെ നഖങ്ങളിലെ ഓരോ ചെറിയ മാറ്റങ്ങളും ശ്രദ്ധിക്കേണ്ടവയാണ്. (Image Credits: Freepik)
ശ്വാസകോശം, ഹൃദയം, മറ്റ് അവയവങ്ങളുടെ അവസ്ഥ തുടങ്ങിയവയെല്ലാം നഖങ്ങളിൽ നിന്ന് വ്യക്തമായ് മനസിലാക്കാം. ഈ അടയാളങ്ങൾ നേരത്തെ മനസ്സിലാക്കി ഗുരുതരമായ വൈകല്യങ്ങൾ കണ്ടെത്താനും കൃത്യസമയത്ത് ചികിത്സകൾ കൈക്കൊള്ളാനും നിങ്ങളെ സഹായിക്കും. (Image Credits: Freepik)
ആരോഗ്യമുള്ള ഒരു വ്യക്തിയിൽ, നഖത്തിന്റെ അടിയിൽ എപ്പോഴും അർദ്ധ ചന്ദ്രന്റെ ആകൃതി കണ്ടെത്താൻ കഴിയും. പോഷകാഹാരക്കുറവ്, വിഷാദം അല്ലെങ്കിൽ വിളർച്ച എന്നിവ കാരണം ചില സന്ദർഭങ്ങളിൽ ഈ ആകൃതി നഖത്തിൽ കാണാതെ പോകാം. നിങ്ങളുടെ നഖം ചുവന്നുതുടങ്ങുകയും തലകറക്കം, ഉത്കണ്ഠ തുടങ്ങിയ ലക്ഷണങ്ങൾ അനുഭവപ്പെടുകയും ചെയ്താൽ ഡോക്ടറെ സമീപിക്കുക. (Image Credits: Freepik)
ഇളം മഞ്ഞ നിറമുള്ള നഖങ്ങൾ നിങ്ങളുടെ കരൾ, വൃക്ക അല്ലെങ്കിൽ ഹൃദയം എന്നിവയുടെ പ്രശ്നങ്ങളെ സൂചിപ്പിക്കുന്നു. ഇത് രക്തക്കുറവ് അഥവാ അനീമിയ, കരൾ പ്രശ്നങ്ങൾ, ഹൃദയസ്തംഭനം അല്ലെങ്കിൽ പോഷകാഹാരക്കുറവ് എന്നിവയുടെ ലക്ഷണവുമായേക്കാം. (Image Credits: Freepik)
വരണ്ടതോ പൊട്ടുന്നതോ ആയ നഖം ഇടയ്ക്കിടെ പൊട്ടുന്നു. ഇത്തരത്തിലുള്ള നഖങ്ങൾ അടിസ്ഥാനപരമായതും ചികിത്സിക്കാത്തതുമായ തൈറോയ്ഡ് രോഗത്തെ സൂചിപ്പിക്കാം. മഞ്ഞനിറത്തിലുള്ള നഖങ്ങൾ പൊട്ടുകയോ പിളരുകയോ ചെയ്യുന്നത് ഫംഗസ് അണുബാധ മൂലമാകാം. (Image Credits: Freepik)
നഖങ്ങളിൽ പ്രത്യക്ഷപ്പെടുന്ന വെളുത്ത പാടുകൾ സിങ്കിന്റെയും കാൽസ്യത്തിന്റെയും കുറവിന്റെ ലക്ഷണമാകാം. ഇത് അത്ര ദോഷകരമല്ല. അലർജി പ്രതിപ്രവർത്തനം, ഫംഗസ് അണുബാധ, നഖത്തിനേറ്റ ക്ഷതം എന്നിവ മൂലവും ഈ വെളുത്ത പാടുകൾ ഉണ്ടായേക്കാം. (Image Credits: Freepik)
