കർക്കടകം

കൊല്ലവർഷത്തിൻ്റെ അവസാന മാസമാണ് കർക്കടകം. അറുതികളുടെ പഞ്ഞത്തിൻ്റെ മാസമായിട്ടാണ് മലയാളികൾ കർക്കടകത്തെ കാണുന്നത്. ഹൈന്ദവ വിശ്വാസപ്രകാരം കേരളത്തിൽ ഈ മാസത്തെ ഒരു പുണ്യമാസമായിട്ടാണ് കാണുന്നത്. അതുകൊണ്ട് കർക്കടകത്തെ രാമായണ മാസമായി ആചരിക്കുന്നു. മഴയും അതെ തുടർന്നുള്ള ദുരിതത്തിൽ ഏക ആശ്വാസം ആധ്യാത്മിക ചിന്ത എന്ന ആശയമാണ് കർക്കടകത്തെ രാമായണ ഹൈന്ദവ വിശ്വാസങ്ങൾ കൈക്കൊള്ളുന്നത്. രോഗവും അറുതികളും വിട്ടുമാറാതെ നിൽക്കുമ്പോൾ ഈ മാസത്തെ പഞ്ഞമാസം എന്നും വിളിക്കാറുണ്ട്. കർക്കടകം ഒന്ന് ഹൈന്ദവ വീടുകളിൽ രാമായണ പാരയണം ആരംഭിക്കും. കർക്കിടകം അവസാനിക്കുമ്പോഴേക്കും രാമായണം പൂർത്തിയാക്കണമെന്നാണ് വിശ്വാസം.

അതോടൊപ്പം സമൃദ്ധിയുടെ പൊന്നിൻ ചിങ്ങത്തിനായിട്ടുള്ള കാത്തിരിപ്പിൻ്റെ മാസം കൂടിയാണ് കർക്കിടകം. ഈ മാസത്തിൽ മനുഷ്യൻ്റെ ആഹാരരീതി മുതൽ ദിനചര്യങ്ങളിൽ എല്ലാം മാറ്റം ഉണ്ടാകും. ആഹാരം മിതപ്പെടുത്തി, ആയൂർവേദ മരുന്നും കഴിച്ച് എല്ലാവരും തങ്ങളുടെ ശരീരത്തെ ശുദ്ധീകരിക്കണമെന്നാണ് വിശ്വാസങ്ങൾ പഠിപ്പിക്കുന്നത്.