Mexico Supermarket Blast: മെ​ക്സി​ക്കോ​യി​ലെ സൂ​പ്പ​ർ​മാ​ർ​ക്ക​റ്റി​ൽ സ്ഫോടനം; കുട്ടികൾ ഉൾപ്പെടെ 23 മരണം

Mexico Supermarket Blast

സൊ​നോ​റ: മെ​ക്‌​സി​ക്കോ​യി​ൽ സൂ​പ്പ​ർ​മാ​ർ​ക്ക​റ്റി​ൽ വൻ സ്‌​ഫോ​ട​നം. ഇതേ തു​ട​ർ​ന്നു​ണ്ടാ​യ തീ​പി​ടി​ത്ത​ത്തി​ൽ കു​ട്ടി​ക​ളും സ്ത്രീകളുമടക്കം 23 പേ​രാണ് കൊല്ലപ്പെട്ടത്. അപകടത്തിൽ സൂപ്പർ മാർക്കറ്റിലുണ്ടായിരുന്ന 12ഓ​ളം പേ​ർ​ക്ക് പ​രി​ക്കേ​റ്റതായും വിവരമുണ്ട്. പരിക്കേറ്റവരെ ചികിത്സയ്ക്കായി ആശുപത്രിയിൽ പ്രവേശിപ്പിച്ചു. മെ​ക്‌​സി​ക്കോ​യി​ലെ വ​ട​ക്ക​ൻ സം​സ്ഥാ​ന​മാ​യ സൊ​നോ​റ​യു​ടെ ത​ല​സ്ഥാ​ന​മാ​യ ഹെ​ർ​മോ​സി​ല്ലോ​യി​ലാ​ണ് സംഭവം.

ട്രാൻസ്ഫോർമറിൻ്റെ തകരാറു മൂലമാകാം തീപിടിത്തമുണ്ടായതെന്നാണ് പോലീസിൻ്റെ നി​ഗമനം. വി​ഷ​വാ​ത​കം ശ്വ​സി​ച്ചാ​ണ് കൂ​ടു​ത​ൽ ആ​ളു​ക​ളും മ​രി​ച്ച​തെ​ന്ന് ഫോ​റ​ൻ​സി​ക് മെ​ഡി​ക്ക​ൽ സ​ർ​വീ​സ് സം​സ്ഥാ​ന അ​റ്റോ​ർ​ണി ജ​ന​റ​ൽ ഗു​സ്താ​വോ സ​ലാ​സ് വ്യക്തമാക്കുന്നത്. മൃതദേഹങ്ങൾ തിരിച്ചറിയാനുള്ള നടപടികൾ തുടരുകയാണെന്നും അദ്ദേഹം പറഞ്ഞു.

Also Read: കരീബിയൻ കടലിൽ യുഎസ് ആക്രമണം; ലക്ഷ്യം ലഹരിക്കടത്തുകാർ, മരണം മൂന്ന്

മെക്സിക്കോയിലെ പ്ര​ധാ​ന ഉ​ത്സ​വ​ങ്ങ​ളി​ലൊ​ന്നാ​യ ഡേ ​ഓ​ഫ് ദ ​ഡെ​ഡു​മാ​യി ബ​ന്ധ​പ്പെ​ട്ട് ആ​ഘോ​ഷം നടക്കവേയാണ് ദുരന്തം സംഭവിക്കുന്നത്. ദു​ര​ന്തം രാ​ജ്യ​ത്തെ ദു​ഖ​ത്തി​ലാ​ഴ്ത്തി​യ​താ​യി സൊ​നോ​റ ഗ​വ​ർ​ണ​ർ അ​ൽ​ഫോ​ൻ​സോ ഡു​റാ​സോ വീ​ഡി​യോ സ​ന്ദേ​ശ​ത്തി​ൽ പ​റ​ഞ്ഞു. സൂപ്പ‍ർമാർക്കറ്റിലെ സ്റ്റോർ റൂമിലുണ്ടായിരുന്ന ട്രാൻസ്ഫോമ‍ർ പൊട്ടിത്തെറിച്ച നിലയിൽ കണ്ടെത്തിയിട്ടുണ്ട്. സ്ഫോടനത്തിൽ സൂപ്പ‍ർമാർക്കറ്റിന് പുറത്ത് നി‍ർത്തിയിട്ടിരുന്ന നിരവധി വാഹനങ്ങളും തകർന്നു.

സ്ഫോടനം നടന്ന പ്രദേശത്തേക്ക് പോകരുതെന്നും പൊതുജനങ്ങൾക്ക് സുരക്ഷയൊരുക്കണമെന്നും അധികൃതർ നിർദ്ദേശം നൽകി. സ്ഫോടനത്തിൻ്റെ വീഡിയോയും പുറത്തുവന്നിട്ടുണ്ട്. സൂപ്പർമാർക്കറ്റിൻ്റെ മുൻഭാ​ഗം പൂർണമായും കത്തിയ നിലയിലാണ്. സംഭവത്തിൽ അന്വേഷണം ആരംഭിച്ചിട്ടുണ്ട്.