India Pakistan Tensions: പാകിസ്ഥാന്റെ വെടിനിര്ത്തല് കരാര് ലംഘനം; കൂടെയുണ്ടാകുമെന്ന് ഉറപ്പ് നല്കി ചൈന
China Supports Pakistan After Violated Ceasefire: പാകിസ്ഥാന്റെ പരമാധികാരം, സമഗ്രത, സ്വാതന്ത്ര്യം എന്നിവ ഉയര്ത്തിപ്പിടിക്കുന്നതില് ബീജിങ് ഇസ്ലാമാബാദിനൊപ്പം നില്ക്കുമെന്നാണ് വാങ് യി പറഞ്ഞത്. ഇരുവരും തമ്മിലുള്ള ഫോണ് സംഭാഷണത്തിന് തൊട്ടുപിന്നാലെ ഇക്കാര്യം സ്ഥിരീകരിച്ചുകൊണ്ട് പാകിസ്ഥാന് വിദേശകാര്യമന്ത്രിയുടെ ഓഫീസ് പ്രസ്താവനയിറക്കി.
ഇഷാഖ് ദാര്, വാങ് യി
ന്യൂഡല്ഹി: ഇന്ത്യയുമായി ധാരണയിലെത്തിയ വെടിനിര്ത്തല് കരാര് ലംഘിച്ചതിന് പിന്നാലെ പാകിസ്ഥാന് പിന്തുണ അറിയിച്ച് ചൈന. തങ്ങള് പാകിസ്ഥാനൊപ്പം ഉറച്ച് നില്ക്കുന്നുവെന്നാണ് ചൈന അറിയിച്ചിരിക്കുന്നത്. ഇക്കാര്യം ചൂണ്ടിക്കാട്ടി ചൈനീസ് വിദേശകാര്യമന്ത്രി വാങ് യി പാകിസ്ഥാന് വിദേശകാര്യമന്ത്രി ഇഷാഖ് ദാറുമായി ഫോണില് സംസാരിച്ചതായാണ് വിവരം.
പാകിസ്ഥാന്റെ പരമാധികാരം, സമഗ്രത, സ്വാതന്ത്ര്യം എന്നിവ ഉയര്ത്തിപ്പിടിക്കുന്നതില് ബീജിങ് ഇസ്ലാമാബാദിനൊപ്പം നില്ക്കുമെന്നാണ് വാങ് യി പറഞ്ഞത്. ഇരുവരും തമ്മിലുള്ള ഫോണ് സംഭാഷണത്തിന് തൊട്ടുപിന്നാലെ ഇക്കാര്യം സ്ഥിരീകരിച്ചുകൊണ്ട് പാകിസ്ഥാന് വിദേശകാര്യമന്ത്രിയുടെ ഓഫീസ് പ്രസ്താവനയിറക്കി.
ജമ്മു കശ്മീരിലെ പഹല്ഗാമില് നടന്ന ഭീകരാക്രമണത്തിന് പിന്നാലെ ഇന്ത്യയും ചൈനയും തമ്മില് സംഘര്ഷമുണ്ടായതിനെ കുറിച്ചും നിലവിലെ സ്ഥിതിഗതികളെ കുറിച്ചും ഇരു മന്ത്രിമാരും സംസാരിച്ചതായി പ്രസ്താവനയില് പറയുന്നു.
പാകിസ്ഥാന്റെ സംയമനത്തെയും വെല്ലുവിളി നിറഞ്ഞ സാഹചര്യങ്ങളില് അവര് ഉത്തരവാദിത്തത്തോടെ പെരുമാറിയതിനെയും ചൈന അഭിനന്ദിക്കുന്നുവെന്ന് അറിയിച്ചതായി പിടിഐ റിപ്പോര്ട്ട് ചെയ്യുന്നു. തങ്ങളോടൊപ്പം ചൈന ഉറച്ച് നില്ക്കുമെന്ന് അറിയിച്ചതായി പ്രസ്താവനയില് പറയുന്നുണ്ട്.
ഇഷാഖ് ദാറിന്റെ എക്സ് പോസ്റ്റ്
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with the Foreign Minister of China, Wang Yi.
During the conversation, the DPM/FM briefed Foreign Minister Wang Yi on the evolving regional situation in the wake of last night’s Indian… pic.twitter.com/U7dV4QdtGM
— Ministry of Foreign Affairs – Pakistan (@ForeignOfficePk) May 10, 2025
അതേസമയം, പാകിസ്ഥാന് വെടിനിര്ത്തല് കരാര് ലംഘിച്ചതിന് പിന്നാലെ പ്രകോപനമുണ്ടായാല് ശക്തമായ തിരിച്ചടിയുണ്ടാകുമെന്ന് മുന്നറിയിപ്പ് നല്കി ഇന്ത്യ. ആവശ്യമെങ്കില് തിരിച്ചടിക്കാന് വിദേശകാര്യ സെക്രട്ടറി മിക്രം മിസ്രി സേനകള്ക്ക് നിര്ദേശം നല്കി.
Also Read: Pakistan Ceasefire Violation: വെടിനിർത്തൽ ധാരണ, പിന്നാലെ പ്രകോപനം; പാകിസ്ഥാനെ വിശ്വസിക്കാമോ?
പാകിസ്ഥാന് കരാര് ലംഘിച്ചതിന് പിന്നാലെ വിദേശകാര്യ സെക്രട്ടറി വൈകി വിളിച്ച വാര്ത്താ സമ്മേളനത്തിലാണ് ഇക്കാര്യം വ്യക്തമാക്കിയത്. ധാരണ തെറ്റിച്ച പാകിസ്ഥാന് മറുപടി പറയണമെന്നും അദ്ദേഹം ആവശ്യപ്പെട്ടു.
