ITR Refund: ഐടിആർ സമർപ്പിച്ചിട്ടും റീഫണ്ട് കിട്ടിയില്ലേ? ഇതൊന്ന് പരിശോധിക്കൂ…
ITR Refund Status 2025: നികുതി ഫയൽ ചെയ്യുന്നവർ റിട്ടേണുകൾ സമർപ്പിച്ച് 30 ദിവസത്തിനുള്ളിൽ റിട്ടേൺ ഇ-വെരിഫൈ നിർബന്ധമായും ചെയ്യണം.
പ്രതീകാത്മക ചിത്രം
ആദായ നികുതി റിട്ടേൺ സമർപ്പിക്കാനുള്ള അവസാന തീയതി സെപ്റ്റംബർ 16നായിരുന്നു. കൃത്യസമയത്തിനകം ആദായ നികുതി റിട്ടേൺ ഫയൽചെയ്ത് നികുതി റീഫണ്ട് ലഭിക്കാൻ കാത്തിരിക്കുന്നവരാകും പലരും. എന്നാൽ ഇനി നിങ്ങൾ ശ്രദ്ധിക്കേണ്ട ചില കാര്യങ്ങളുണ്ട്.
ഇ വെരിഫിക്കേഷൻ
ഐടിആർ ഫയൽ ചെയ്യുന്നതിനൊപ്പം ഇ-വെരിഫൈ ചെയ്തിട്ടുണ്ടോയെന്ന് പരിശോധിക്കണം. നികുതി ഫയൽ ചെയ്യുന്നവർ റിട്ടേണുകൾ സമർപ്പിച്ച് 30 ദിവസത്തിനുള്ളിൽ റിട്ടേൺ ഇ-വെരിഫൈ നിർബന്ധമായും ചെയ്യണം. ഇതിനായി, ആദായ നികുതി വകുപ്പിന്റെ ഇ-ഫയലിംഗ് പോർട്ടലിൽ സന്ദർശിച്ച് ‘ഇ-വെരിഫൈ റിട്ടേൺ’ എന്ന ഓപ്ഷൻ ക്ലിക്ക് ചെയ്യുക. തുടർന്ന് ആധാർ ഒടിപി വഴിയുള്ള ഇ വെരിഫിക്കേഷൻ ചെയ്യാം. ഇ-വെരിഫിക്കേഷൻ കോഡ് ഉണ്ടെങ്കിൽ, അതും ഉപയോഗിക്കാം.
റീഫണ്ട് എത്ര ദിവസത്തിനകം?
ഇ-വെരിഫിക്കേഷൻ പൂർത്തിയാക്കിയാൽ ഉടൻ തന്നെ റീഫണ്ട് നടപടിക്രമങ്ങൾ ആരംഭിക്കും.
വരുമാന വിവരങ്ങൾ, ടി.ഡി.എസ് ക്ലെയിമുകൾ, ബാങ്ക് വിവരങ്ങൾ തുടങ്ങിയവയെല്ലാം കൃത്യമാണെങ്കിൽ 30-45 ദിവസങ്ങൾക്കകം ടാക്സ് റീഫണ്ട് ലഭിക്കും.
ALSO READ: ഐടിആർ ഫയൽ ചെയ്തില്ലേ? ഇനിയുള്ളത് ഒരു വഴി മാത്രം!
ഇൻകം ടാക്സ് റീഫണ്ട് സ്റ്റാറ്റസ്
ഇൻകം ടാക്സ് റീഫണ്ട് സ്റ്റാറ്റസ് പരിശോധിക്കാൻ ഇ-ഫയലിങ് പോർട്ടൽ ലോഗിൻ ചെയ്ത് “View Filed Returns” ഓപ്ഷൻ തിരഞ്ഞെടുക്കുക. ITR പ്രൊസസിങ്, ഇഷ്യു ചെയ്ത റീഫണ്ട്, പരാജയപ്പെട്ട റീഫണ്ട്, റീഫണ്ട് അണ്ടർ പ്രൊസസിങ് തുടങ്ങിയ വിവരങ്ങൾ അറിയാൻ കഴിയും.
ബാങ്ക് അക്കൗണ്ട് പ്രീ-വാലിഡേഷൻ പൂർത്തിയാകാത്തതോ, ECS mandate ആക്ടീവ് ആകാത്തതോ ആയ സാഹചര്യങ്ങളിൽ റീഫണ്ട് പ്രൊസസിങ് കാണിച്ചാലും അക്കൗണ്ടിൽ ക്രെഡിറ്റ് ആകാറില്ല. അങ്ങനെ സംഭവിക്കുകയാണെങ്കിൽ ഇൻകം ടാക്സ് പോർട്ടൽ സന്ദർശിച്ച്, ബാങ്ക് അക്കൗണ്ട് വിവരങ്ങൾ റീ-വാലിഡേറ്റ് ചെയ്യേണ്ടതാണ്.
