Kerala Gold Rate: എന്റെ പൊന്നെടാവ്വേ നിനക്ക് വയ്യേ! നവംബര് 19-ലെ കേരളത്തിലെ സ്വര്ണവില
One Pavan Gold Rate on November 19 Thursday: ഇന്ത്യന് വിപണിയിലും നവംബര് 9 മുതല് സ്വര്ണവിലയില് ഏകദേശം ആറ് ശതമാനം ഇടിവുണ്ടായി. ഈ കാലയളവില് 10 ഗ്രാമിന് 8,300 രൂപയോളമാണ് കുറഞ്ഞത്. ശക്തമായ യുഎസ് ഡോളറും അമേരിക്കന് സര്ക്കാര് ബോണ്ടുകളുടെ നേട്ടം ഉയര്ന്നതും സ്വര്ണത്തിന്റെ ആവശ്യകതയെ ബാധിക്കുന്നുണ്ട്.

ഇന്നത്തെ സ്വര്ണവില
സ്വര്ണം വാങ്ങാന് കാത്തിരിക്കുന്നവര്ക്ക് ആശ്വാസമായി വിപണിയില് വിലയിടിവ് തുടരുന്നു. രാജ്യാന്തര വിപണിയില് സ്വര്ണവില ഒരു വര്ഷത്തിലേറെയായുള്ള ഏറ്റവും താഴ്ന്ന നിലവാരത്തിലേക്ക് എത്തിയതോടെ ഇന്ത്യയിലും വിലയില് വലിയ കുറവുണ്ടായി. കേരളത്തിലും ഇതിന്റെ പ്രതിഫലനം പ്രകടമാണ്. ഒരു പവന് സ്വര്ണത്തിന്റെ വില ഒരു ലക്ഷം രൂപയ്ക്ക് താഴെയെത്തിയത് ആഭരണങ്ങള് വാങ്ങാന് കാത്തിരിക്കുന്നവര്ക്ക് ആശ്വാസമേകുന്നു.
രാജ്യാന്തര വിപണിയില് സ്വര്ണത്തിന് തിരിച്ചടി
രാജ്യാന്തര വിപണിയില് സ്വര്ണവില ഔണ്സിന് 3,800 ഡോളറിന് താഴെയെത്തി. നവംബര് 18ന് വിലയില് രണ്ട് ശതമാനത്തിലധികം ഇടിവുണ്ടായി. ജനുവരിയില് രേഖപ്പെടുത്തിയ റെക്കോര്ഡ് നിലവാരത്തില് നിന്ന് സ്വര്ണവില ഗണ്യമായി താഴ്ന്നിട്ടുണ്ട്.
ഇന്ത്യന് വിപണിയിലും നവംബര് 9 മുതല് സ്വര്ണവിലയില് ഏകദേശം ആറ് ശതമാനം ഇടിവുണ്ടായി. ഈ കാലയളവില് 10 ഗ്രാമിന് 8,300 രൂപയോളമാണ് കുറഞ്ഞത്. ശക്തമായ യുഎസ് ഡോളറും അമേരിക്കന് സര്ക്കാര് ബോണ്ടുകളുടെ നേട്ടം ഉയര്ന്നതും സ്വര്ണത്തിന്റെ ആവശ്യകതയെ ബാധിക്കുന്നുണ്ട്.
വെള്ളിവിലയിലും വന് ഇടിവ്
സ്വര്ണത്തേക്കാള് വലിയ തിരിച്ചടിയാണ് വെള്ളി നേരിടുന്നത്. എട്ട് വ്യാപാര സെഷനുകള്ക്കിടെ വെള്ളിവിലയില് ഏകദേശം 13 ശതമാനം കുറവുണ്ടായി. നവംബര് 18ന് ഇന്ത്യയില് ഒരു കിലോ വെള്ളിയുടെ വില 1.85 ലക്ഷം രൂപയായിരുന്നു. രാജ്യാന്തര വിപണിയില് വെള്ളിയുടെ വില ഔണ്സിന് 45 ഡോളറിനടുത്തേക്ക് താഴുകയും ചെയ്തു.
Also Read: Kerala Gold Rate: പൊന്ന് താഴേക്ക് തന്നെ, 2,040 രൂപയുടെ ഇടിവ്; നവംബർ 18-ലെ സ്വർണവില
വെള്ളിവില ഇനിയും താഴാന് സാധ്യതയുണ്ടെന്നാണ് ചില വിപണി നിരീക്ഷകരുടെ വിലയിരുത്തല്. ഔണ്സിന് 44 ഡോളറിന് താഴേക്ക് പോയാല് 3540 ഡോളര് നിലവാരത്തിലേക്ക് വിലയിടിയാമെന്നും സാങ്കേതിക വിശകലന വിദഗ്ധര് മുന്നറിയിപ്പ് നല്കുന്നു.
എന്തുകൊണ്ടാണ് സ്വര്ണവില കുറയുന്നത്?
അമേരിക്കന് കേന്ദ്ര ബാങ്കായ ഫെഡറല് റിസര്വ് പലിശനിരക്ക് ഉയര്ത്തിയേക്കുമെന്ന പ്രതീക്ഷയാണ് സ്വര്ണവിപണിയെ പ്രധാനമായും സ്വാധീനിക്കുന്നത്. പലിശനിരക്ക് ഉയരുമ്പോള് പലിശ ലഭിക്കാത്ത സ്വര്ണം കൈവശം വയ്ക്കുന്നതിനുള്ള ആകര്ഷണം കുറയാം.
കൂടാതെ യുഎസ് ഡോളര് 19 മാസത്തെ ഉയര്ന്ന നിലവാരത്തിലെത്തിയതും സര്ക്കാര് ബോണ്ടുകളുടെ നേട്ടം വര്ധിച്ചതും സ്വര്ണത്തിന് തിരിച്ചടിയായി. സ്വര്ണവുമായി ബന്ധപ്പെട്ട നിക്ഷേപ ഫണ്ടുകളില് നിന്നുള്ള പിന്മാറ്റവും വിലയെ സമ്മര്ദത്തിലാക്കുന്നുണ്ട്.
English Summary
Gold prices witnessed another sharp decline in the international market on November 19, 2026. The fall has influenced domestic rates, including Kerala’s gold market. Check the latest 22-carat and 24-carat gold prices and understand the factors behind the decline.