Gold Rate: ഒരു പവന് ഒരു ലക്ഷം; ദേ…സ്വർണം പിന്നെയും കൂടി, കേമനായി വെള്ളിയും
Kerala Gold Silver Rate: ഇന്ത്യയിൽ വിവാഹസീസണായതിനാൽ ആഭരണങ്ങൾക്ക് ഡിമാൻഡ് കൂടുന്നുണ്ട്. അതുകൊണ്ട് തന്നെ സ്വർണവില ഇനിയും ഉയരാനാണ് സാധ്യത. കൂടാതെ, ഡിസംബർ 10ന് നടക്കുന്ന പലിശനിരക്ക് നിർണയിക്കാനുള്ള ഫെഡറൽ റിസർവിന്റെ യോഗവും സ്വർണവിലയെ സ്വാധീനിക്കും.
Gold
സംസ്ഥാനത്ത് സ്വർണവില പിടിതരാതെ പായുകയാണ്. ഇടയ്ക്കിടെ നേരിയ ഇടിവ് സംഭവിക്കുന്നുണ്ടെങ്കിലും തൊട്ടടുത്ത് തന്നെ വലിയൊരു വർദ്ധനവുമായി പ്രതീക്ഷകളെ തകർക്കുന്നുമുണ്ട്. പ്രത്യേകിച്ച് ഇന്ത്യയിൽ വിവാഹസീസണായതിനാൽ ആഭരണങ്ങൾക്ക് ഡിമാൻഡ് കൂടുന്നുണ്ട്. അതുകൊണ്ട് തന്നെ സ്വർണവില ഇനിയും ഉയരാനാണ് സാധ്യത.
അതേസമയം, കഴിഞ്ഞ ദിവസത്തെ ഇടിവ് ആഭരണപ്രിയർക്ക് താൽകാലിക ആശ്വാസം നൽകിയിരുന്നു. രാജ്യാന്തര വിലയിൽ കാര്യമായ മാറ്റമില്ലാത്തതും ഡോളറിനെതിരെ 90ൽ നിന്ന് 89ലേക്ക് രൂപ തിരിച്ചുകയറിയതുമാണ് സ്വർണവില താഴാൻ കാരണമായത്. എന്നാൽ ഇന്ന് കഥയാകെ മാറി, സ്വർണവില കൂടിയിരിക്കുകയാണ്.
ഇന്ന് (ഡിസംബർ 5)ന് ആർബിഐ മോണിറ്ററി പോളിസി യോഗം നടക്കാനിരിക്കെയാണ് സ്വർണത്തിന്റെ കുതിപ്പ്. കൂടാതെ, ഡിസംബർ 10ന് നടക്കുന്ന പലിശനിരക്ക് നിർണയിക്കാനുള്ള ഫെഡറൽ റിസർവിന്റെ യോഗവും സ്വർണവിലയെ സ്വാധീനിക്കും.
ALSO READ: ശബരിമലയില് നിന്ന് കാണാതായ സ്വര്ണത്തിന്റെ ഇന്നത്തെ മൂല്യം ഇത്രത്തോളമാണ്
ഇന്നത്തെ നിരക്ക്
ഇന്നലെ രണ്ട് തവണയാണ് വിലയിൽ മാറ്റം വന്നത്. രാവിലെ പവന് 95600 രൂപയായിരുന്നെങ്കിൽ ഉച്ചകഴിഞ്ഞ് 95,080 രൂപയായി കുറഞ്ഞു. എന്നാൽ ഇന്ന് കഥ വീണ്ടും മാറി. സ്വർണവിലയിൽ 200 രൂപയുടെ വർദ്ധനവാണ് രേഖപ്പെടുത്തിയത്. ഇതോടെ സംസ്ഥാനത്ത് ഒരു പവൻ സ്വർണവില 95,280 രൂപയായി ഉയർന്നു. അടിസ്ഥാനവില 95,280 രൂപയാണെങ്കിലും എന്നാൽ മൂന്ന് ശതമാനം ജിഎസ്ടിയും അഞ്ച് ശതമാനം പണിക്കൂലിയും ചേരുമ്പോൾ വില ഒരു ലക്ഷം കടക്കുമെന്നതിൽ സംശയം വേണ്ട. ഗ്രാമിന് 11,910 രൂപയാണ് നൽകേണ്ടത്.
സ്വർണ വില കൂടിയെങ്കിലും, വെള്ളി വിലയിൽ നേരിയ ഇടിവ് സംഭവിച്ചിട്ടുണ്ട്. ഇന്നലെ ഒരു കിലോഗ്രാം വെള്ളിക്ക് 1,91,000 രൂപയായിരുന്നു വില. എന്നാൽ ഇന്ത്യയിൽ വെള്ളിയുടെ ഇന്നത്തെ വില ഗ്രാമിന് 190.90 രൂപയും കിലോഗ്രാമിന് 1,90,900 രൂപയുമാണ്.
