Upcoming IPOs in 2025: 80 ലിസ്റ്റിംഗുകൾ, 41,000 കോടിക്ക് മുകളിൽ സാധ്യത, വരാനിരിക്കുന്ന മികച്ച ഐ‌പി‌ഒകൾ ഇവയെല്ലാം…

പ്രതീകാത്മക ചിത്രം

ഈ വർഷം ഐ.പി.ഒകളുടെ വൻ പ്രളയത്തിനാണ് ഓഹരി വിപണി സാക്ഷ്യം വഹിച്ചത്. ഇതുവരെ നടന്ന ലിസ്റ്റിംഗുകളുടെ എണ്ണത്തിലും സമാഹരിച്ച മൂലധനത്തിലും വമ്പൻ നേട്ടമാണ് ഉണ്ടായിരിക്കുന്നത്. പ്രൈം ഡാറ്റാബേസിൽ നിന്നുള്ള ഏറ്റവും പുതിയ വിവരങ്ങൾ പ്രകാരം, 2025 സെപ്റ്റംബർ അവസാനം വരെ മൊത്തം 80 പുതിയ പബ്ലിക് ഇഷ്യൂകൾ ലിസ്റ്റ് ചെയ്യപ്പെട്ടു. ഈ ഐ.പി.ഒകൾ വഴി മൊത്തം 80,000 കോടി രൂപയിലധികം രൂപയാണ് സമാഹരിച്ചത്.

ഇതിൽ ഒക്ടോബർ മാസത്തിൽ ലിസ്റ്റ് ചെയ്ത ടാറ്റാ കാപിറ്റൽ)എൽ.ജി ഇലക്ട്രോണിക്സ് ഇന്ത്യ തുടങ്ങിയ ശ്രദ്ധേയമായ ഐ.പി.ഒകളും ഉൾപ്പെടുന്നു. എന്നാൽ അത് മാത്രമല്ല, 2025 ലെ ശേഷിക്കുന്ന ഐപിഒ പൈപ്പ്‌ലൈൻ ശ്രദ്ധാപൂർവ്വം പരിഗണിക്കുകയാണെങ്കിൽ, ശേഷിക്കുന്ന മാസത്തിനുള്ളിൽ, 41,000 കോടി രൂപ വരെ സമാഹരിക്കാൻ കഴിയുമെന്നാണ് വിലയിരുത്തൽ.

വരാനിരിക്കുന്ന വമ്പൻ ഐ.പി.ഒകൾ

ഐസിഐസിഐ പ്രുഡൻഷ്യൽ എഎംസി ഐപിഒ

ഐസിഐസിഐ പ്രുഡൻഷ്യൽ അസറ്റ് മാനേജ്‌മെന്റ് സെബിയിൽ തങ്ങളുടെ ഡ്രാഫ്റ്റ് റെഡ് ഹെറിംഗ് പ്രോസ്‌പെക്ടസ് ഫയൽ ചെയ്തിട്ടുണ്ട്. ഐപിഒ വഴി ഏകദേശം 9,000-10,000 കോടി രൂപ സമാഹരിക്കാനാണ് ലക്ഷ്യമിടുന്നത്. ഈ ഇഷ്യു പൂർണ്ണമായും ഏകദേശം 1.77 കോടി ഓഹരികളുടെ വിൽപ്പനയ്ക്കുള്ള ഓഫറാണ്. പ്രുഡൻഷ്യലുമായുള്ള സംയുക്ത സംരംഭത്തിൽ ഏകദേശം 51% ഓഹരികളുണ്ടെങ്കിലും ഈ ഒഎഫ്‌എസിൽ, ഐസിഐസിഐ ബാങ്ക് ഒരു ഓഹരിയും വിൽക്കാൻ സാധ്യതയില്ലെന്നാണ് വിവരം.

ഗ്രോ ഐപിഒ

2018 ജനുവരിയിൽ സ്ഥാപിതമായ ഗ്രോവിന്റെ മാതൃ സ്ഥാപനമായ ബില്യൺബ്രെയിൻസ് ഗാരേജ് വെഞ്ച്വേഴ്‌സ്, ഐപിഒ വഴി 6,500 കോടി രൂപയാണ് ലക്ഷ്യമിടുന്നത്. ഗ്രോ ഫയൽ ചെയ്ത അപ്‌ഡേറ്റ് ചെയ്ത ഡിആർഎച്ച്പി പ്രകാരം, ഐപിഒ 100% ബുക്ക്-ബിൽറ്റ് ഇഷ്യുവായിരിക്കും.

ALSO READ: 21 വയസിനുള്ളിൽ 71 ലക്ഷം വരെ നേടാൻ അവസരം; ഈ പദ്ധതിയെ കുറിച്ച് അറിയില്ലേ?

ഫിസിക്സ്‌വല്ലാ ഐപിഒ

3,800 കോടി രൂപയുടെ ഐപിഒയാണ് ഫിസിക്‌സ്‌വാലയുടേത്. ഐപിഒയിൽ 3,100 കോടി രൂപയുടെ പുതിയ ഓഹരി ഇഷ്യുവും 720 കോടി രൂപയുടെ വിൽപ്പന ഓഫറും ഉൾപ്പെടും. പുതിയ ഓഫ്‌ലൈൻ, ഹൈബ്രിഡ് കേന്ദ്രങ്ങൾക്കുള്ള മൂലധന ചെലവിനായി വരുമാനം ഉപയോഗിക്കാനാണ് ഇത് ലക്ഷ്യമിടുന്നത്.

പൈൻ ലാബ്‌സ് ഐപിഒ

ഈ വർഷത്തെ അടുത്ത ഐപിഒ 5,500 കോടി രൂപയുടെ പൈൻ ലാബ്‌സ് ഐപിഒ ആണ്. ലഭ്യമായ വിവരങ്ങൾ അടുത്ത ഏതാനും ആഴ്ചകൾക്കുള്ളിൽ ഐപിഒ ആരംഭിച്ചേക്കും. ഓഫർ ഫോർ സെയിൽ വഴി 14.78 കോടി ഇക്വിറ്റി ഓഹരികൾ വിൽപ്പനയ്‌ക്കെത്തും, പുതിയ ഇഷ്യു വഴി 2,600.00 കോടി രൂപ സമാഹരിക്കാനാണ് കമ്പനി ലക്ഷ്യമിടുന്നത്.

ലെൻസ്കാർട്ട് സൊല്യൂഷൻസ് ഐപിഒ

ഇന്ത്യയിലെ ഏറ്റവും ജനപ്രിയമായ കണ്ണട ബ്രാൻഡുകളിലൊന്നായ ലെൻസ്കാർട്ട്, ഐപിഒ വഴി ഏകദേശം 6,000 കോടി രൂപ സമാഹരിക്കുന്നതിനായി ഡിആർഎച്ച്പി ഫയൽ ചെയ്തിട്ടുണ്ട്. പുതിയ ഓഹരി ഇഷ്യുവും 13.23 കോടി വരെ ഓഹരികൾ ഉൾപ്പെടുന്ന ഓഫർ ഫോർ സെയിലും ചേർന്നതായിരിക്കും ഈ ഇഷ്യു.