KSRTC Recruitment: കെഎസ്ആർടിസിയിൽ വിവിധ തസ്തികകളിലായി 500 ഒഴിവുകൾ; എങ്ങനെ അപേക്ഷിക്കാം?

Representational Image (Image Credits: Facebook)

ശബരിമല സ്പെഷ്യൽ സർവീസ്/ ക്രിസ്മസ് അവധി എന്നിവയുമായി ബന്ധപ്പെട്ട് വിവിധ തസ്തികകളിലായി 500-ഓളം ഒഴിവുകൾ. ജില്ലാ അടിസ്ഥനത്തിൽ ദിവസവേതന വ്യവസ്ഥയിൽ താത്കാലികമായാണ് നിയമനം നടക്കുക. അപേക്ഷ സമർപ്പിക്കേണ്ട അവസാന തീയതി ഒക്ടോബർ 25.

ഡ്രൈവർ

യോഗ്യത: ഹെവി ഡ്രൈവിംഗ് ലൈസൻസ് നിർബന്ധം. 30-ലധികം സീറ്റുകളുള്ള ഹെവി പാസഞ്ചർ വാഹനങ്ങളിൽ മൂന്ന് വർഷത്തെ ഡ്രൈവിംഗ് പ്രവൃത്തിപരിചയം.
പ്രായപരിധി: അപേക്ഷിക്കുന്നവരുടെ പ്രായം 25-നും 55-നും മദ്ധ്യേ ആയിരിക്കണം.

23/08/2012-ൽ പ്രസിദ്ധീകരിച്ച പി.എസ്.സി റാങ്ക് പട്ടികയിൽ പേരുള്ളവർക്ക് മുൻഗണന ലഭിക്കും. യോഗ്യരായവരുടെ പട്ടിക തയ്യാറാക്കിയ ശേഷം, ഒഴിവ് കൂടെ കണക്കിലെടുത്ത് ബദൽ അടിസ്ഥനത്തിൽ ആയിരിക്കും നിയമനം. തിരഞ്ഞെടുക്കപ്പെട്ടവർ 10000 രൂപയുടെ സെക്യൂരിറ്റി ഡിപ്പോസിറ്റ് നൽകിയ ശേഷം കരാർ ഒപ്പിടണം.

ALSO READ: കേരള ഹൈക്കോടതിയിൽ തൊഴിലവസരം; വിവിധ ജില്ലകളിലായി 159 ഒഴിവുകൾ, എങ്ങനെ അപേക്ഷിക്കാം?

മെക്കാനിക് (ഓട്ടോ/ഇലക്ട്രിക്കൽ)

യോഗ്യത: ഡീസൽ മെക്കാനിക്/ എംഎംവി/ ഓട്ടോ ഇലക്ട്രിഷ്യൻ/ ഇലക്ട്രിക്കൽ ആൻഡ് മെക്കാട്രോണിക്സ് എന്നിവയിൽ ഏതിലെങ്കിലും ഐടിഐ പാസായിരിക്കണം.
എൽഎംവി/ ഹെവി വാഹനങ്ങളുടെ ഡീലർഷിപ്പിലോ/ സർക്കാർ സ്ഥാനാപനത്തിലോ ഒരു വർഷത്തെ പ്രവൃത്തിപരിചയം അല്ലെങ്കിൽ ഒരു വർഷത്തെ പെയ്ഡ്/ അൺപെയ്ഡ് അപ്രന്റീസ്ഷിപ് പൂർത്തിയാക്കിയവരെയും പരിഗണിക്കും.
പ്രായപരിധി: ഉയർന്ന പ്രായപരിധി 45 വയസാണ്.
ശമ്പളം: എട്ട് മണിക്കൂർ ജോലിക്ക് 715 രൂപ.

അസിസ്റ്റന്റ് ഡിപ്പോ എൻജിനീയർ (ഓട്ടോ)

ഒഴിവുകൾ: 25
യോഗ്യത: ഓട്ടോമൊബൈൽ/ മെക്കാനിക്കൽ/ മെക്കാനിക്കൽ ഓട്ടോമൊബൈൽ എന്നിവയിൽ ഏതിലെങ്കിലും ബി.ടെക് ബിരുദം.
എംഎൽവി/ ഹെവി വാഹനങ്ങളുടെ ഡീലർഷിപ്പിലോ/ സർക്കാർ സ്ഥാപനത്തിലോ കുറഞ്ഞത് രണ്ട് വർഷത്തെ പ്രവൃത്തി പരിചയം.
പ്രായപരിധി: ഉയർന്ന പ്രായപരിധി 45 വയസാണ്.
ശമ്പളം: ദിവസവേതനം 1,200 രൂപ.

അപേക്ഷ

അപേക്ഷ സമർപ്പിക്കേണ്ട നിർദിഷ്ട മാതൃക കെഎസ്ആർടിസിയുടെ ഔദ്യോഗിക വെബ്‌സൈറ്റായ —- ൽ കൊടുത്തിട്ടുണ്ട്.
അപേക്ഷയോടൊപ്പം വിദ്യാഭ്യാസ യോഗ്യത, പ്രവൃത്തിപരിചയം, വയസ് എന്നിവ തെളിയിക്കുന്ന സ്വയം സാക്ഷ്യപ്പെടുത്തിയ സർട്ടിഫിക്കറ്റുകളുടെ കോപ്പിയും, പാസ്പോർട്ട് വലുപ്പമുള്ള ഫോട്ടോ എന്നിവയും ഉൾപ്പെടുത്തണം.