Sreeragam : ഏത് രാഗത്തിലാണ് മഴ പെയ്യുന്നത്…. ചിറക്കൽ ശ്രീഹരിയും ഇന്ദുലേഖയും വിശ്വസിച്ചത് തെറ്റ്….
Characteristics of Sreeragam: ത്യാഗരാജസ്വാമികൾ പാടി മഴ പെയ്യിച്ചെന്ന് പറയപ്പെടുന്ന രാഗമാണ് അമൃതവർഷിണി. വരണ്ടു കിടന്ന ഒരു ഗ്രാമത്തിൽ ഈ രാഗം പാടി മഴ പെയ്യിച്ചു എന്ന മിത്ത് ഈ രാഗവുമായി ബന്ധപ്പെട്ടുണ്ട്.
മലയാളികൾക്ക് എന്നും എന്നും പ്രീയപ്പെട്ട സിനിമകളിൽ ഒന്നാണ് ചന്ദ്രോത്സവം. മോഹൻലാൽ നായകനായ ചിത്രത്തിൽ മീനയായിരുന്നു നായിക. ചിത്രത്തിൽ മോഹൽ ലാലിന്റെയും മീനയുടേയും ഡയലോഗുകൾ ഇപ്പോൾ ഇൻസ്റ്റഗ്രാമിൽ വൈറലാണ്. മഴ ബന്ധിത റീലുകളിലെ എല്ലാം സ്ഥിരം സാന്നിഥ്യമാണ് ഈ സംഭാഷണം.
ഏത് രാഗത്തിലാണ് മഴ പെയ്യുന്നത് …
ശ്രീ രാഗം ….
ശ്രീരാഗത്തിലാണ് മഴ പെയ്യുന്നതെന്ന് പറഞ്ഞ് ആ രാഗത്തിലുള്ള കരുണചെയ്വാനെന്തു താമസം കൃഷ്ണാ എന്ന കീർത്തനത്തോടെ ആ സീൻ കഴിയുന്നു. യഥാർത്ഥത്തിൽ മഴ പെയ്യുന്ന രാഗമാണോ ശ്രീ.
അല്ലെന്നാണ് പരക്കെ പറയപ്പെടുന്നത്. കാരണം മഴയുമായി ചേർത്തു വച്ചിരിക്കുന്ന കർണാടക സംഗീതത്തിലെ രാഗം അമൃതവർഷിണി ആണ്. ഹിന്ദുസ്ഥാനിയിലേക്ക് നോക്കിയാൽ അവിടെ മൽഹാർ എന്ന രാഗത്തെയും കാണാം.
രാഗം ശ്രീ…
ഭക്തിയ്ക്കും ശാന്തതയ്ക്കും പ്രണയത്തിനും പ്രാധാന്യം നൽകുന്ന രാഗമാണ് ശ്രീരാഗം. ഇതിന് മഴയുമായി പറയത്തക്ക ബന്ധമൊന്നുമില്ല. സിനിമയിൽ പറയും പോലെ മഴ പെയ്യുന്ന രാഗം ശ്രീ അല്ല. നിരവധി കീർത്തനങ്ങൾ ഈ രാഗത്തിലുണ്ട്. ഇതിനു പുറമേ നിരവധി സിനിമാ ഗാനങ്ങളും ഈ രാഗത്തിലുണ്ട്. ഈ സിനിമയിൽ തന്നെ പാടുന്ന കരുണ ചെയ്വാനെന്തു താമസം കൃഷ്ണാ എന്ന കീർത്തനം ഈ രാഗത്തിലുള്ളതാണ്.
അമൃതവർഷിണി
മഴയുടെ രാഗമാണ് പൊതുവേ പരിഗണിക്കപ്പെടുന്നത് അമൃതവർഷിണിയാണ്. ത്യാഗരാജസ്വാമികൾ പാടി മഴ പെയ്യിച്ചെന്ന് പറയപ്പെടുന്ന രാഗമാണ് അമൃതവർഷിണി. വരണ്ടു കിടന്ന ഒരു ഗ്രാമത്തിൽ ഈ രാഗം പാടി മഴ പെയ്യിച്ചു എന്ന മിത്ത് ഈ രാഗവുമായി ബന്ധപ്പെട്ടുണ്ട്.
