Vipin Mohan: ‘മോഹൻലാലിന് ഒരു പെണ്ണിനെ എടുത്ത് പൊക്കുന്നതൊക്കെ സന്തോഷമുള്ള കാര്യം, പ്രത്യേകിച്ച് ശോഭനയാകുമ്പോൾ’; വിപിൻ മോഹൻ

Mohanlal

സത്യൻ അന്തിക്കാട് സംവിധാനം ചെയ്ത് മോഹൻലാൽ, ശ്രീനിവാസൻ, ശോഭന എന്നിവർ പ്രധാനകഥാപാത്രമായി അഭിനയിച്ച മലയാളത്തിലെ ക്ലാസിക് ചിത്രങ്ങളിലൊന്നാണ് നാടോടിക്കാറ്റ്. ഇന്നും മലയാളികളുടെ മനസ്സിൽ ചിത്രത്തിന്റെ ഓരോ രംഗങ്ങളും ഡയലോഗുകളുമെല്ലാം മനപ്പാഠമാണ്. മോഹൻലാൽ-ശോഭന കോമ്പോ പ്രക്ഷേകരെ കൈയിലെടുത്തുവെന്ന് തന്നെ പറയാം. അങ്ങനെയായിരുന്നു സിനിമയുടെ ചിത്രീകരണം. ഇന്നും മലയാളികൾക്ക് മോഹൻലാൽ ശോഭന കൂട്ടുകെട്ട് ഹരം തന്നെയാണ്. അതിനു ഉദാ​​ഹരണമാണ് ഉരുവരുടെയും പുതിയ ചിത്രം തുടരും.

ഇപ്പോഴിതാ ഇരുവരുടെയും ആ കോമ്പോയെ കുറിച്ച് തുറന്നുപറയുകയാണ് ഛായാഗ്രഹകൻ വിപിൻ മോഹൻ. റെഡ് എഫ് എമ്മിന് നൽകിയ അഭിമുഖത്തിലാണ് അദ്ദേഹം മനസ് തുറന്നത്. മോഹൻലാലിനെ കുറിച്ചും മോഹൻലാലിന്റെയും ശ്രീനിവാസന്റെയും പ്രകടനത്തെ കുറിച്ചും വിപിൻ പറയുന്നുണ്ട്.

Also Read:ഉര്‍വശിയുടെ ആ സിനിമ കാണാന്‍ സ്ത്രീകള്‍ കവിത തിയേറ്ററിന്റെ ഗ്ലാസ് പൊട്ടിച്ചു: അനില്‍ കുമാര്‍

നാടോടിക്കാറ്റ് ക്ലൈമാക്സ് രം​ഗത്തിൽ ശോഭനയെ എടുത്തതിനെ കുറിച്ച് വിപിൻ പറഞ്ഞത് ഇങ്ങനെ: മോഹൻലാലിനെ സംബന്ധിച്ച് ഒരു പെണ്ണിനെ പൊക്കിയെടുക്കുകയെന്നതൊക്കെ വളരെ സന്തോഷമുള്ള കാര്യമാണ്. പ്രത്യേകിച്ച് ശോഭനയാകുമ്പോൾ. ശോഭനയാണെങ്കിൽ പൂത്ത് പന്തലിച്ച് നിൽക്കുന്ന സമയമാണല്ലോ. ആ സമയത്ത് മോഹൻലാൽ അദ്ദേഹത്തിന്റെ നടുവേദനയൊക്കെ മറന്നുകാണുമെന്നും അതിപ്പോൾ താനായാലും മറക്കുമെന്നാണ് വിപിൻ പറയുന്നത്.

മോഹൻലാലിന് തുല്യനായൊരാൾ മലയാള സിനിമയിൽ ഇല്ലെന്നാണ് താൻ വിശ്വാസിക്കുന്നത് എന്നാണ് വിപിൻ പറയുന്നത്. ലാൽ ലാൽ ആണ്. സീരിയസ് ആയാലുമൊക്കെ ഒരു പ്രത്യേക തരത്തിലാണ് മോഹൻലാൽ അഭിനയിക്കുന്നത്. ദൈവം നൽകിയ ഒരു അനു​ഗ്രഹമാണ് അതെന്നാണ് വിപിൻ പറയുന്നത്. അദ്ദേഹം അഭിനയിക്കുകയല്ല ,ബിഹേവ് ചെയ്യുകയാണെന്നും വിപിൻ പറയുന്നു. ആ അനു​ഗ്രഹം ഇപ്പോഴുള്ള നടന്മാർക്ക് കിട്ടിയോ എന്ന് തനിക്ക് അറിയില്ലെന്നും ഇല്ലെന്നാണ് തന്റെ വിശ്വാസമെന്നും വിപിൻ പറഞ്ഞു. ഇപ്പോഴത്തെ സിനിമയിൽ ഇമോഷൻസ് കുറവാണ്. അതുകൊണ്ട് തന്നെ അഭിനയം കണ്ട് ഇപ്പോൾ ഏതെങ്കിലും ക്യാമറാമാൻ കരഞ്ഞതായി തനിക്ക് അറിയില്ലെന്നും വിപിൻ കൂട്ടിച്ചേർത്തു. തന്നെ എക്കാലത്തും ചിരിപ്പിക്കുകയും കരയിപ്പിക്കുകയും ചെയ്തത് മോഹൻലാൽ എന്നാണ് വിപിൻ പറയുന്നത്.