sleep in children linked to psychosis; കുട്ടിക്കാലത്ത് ഉറക്കക്കുറവുള്ളവരിൽ സൈക്കോസിസ് സാധ്യത കൂടുതൽ

ന്യൂഡൽഹി: ശൈശവം മുതൽ ഉറക്കക്കുറവ് അനുഭവിക്കുന്ന കുട്ടികൾക്ക് പ്രായപൂർത്തിയാകുമ്പോൾ സൈക്കോസിസ് ഉണ്ടാകാനുള്ള സാധ്യത കൂടുതലാണെന്ന് പുതിയ പഠനം. 6 മാസം മുതൽ 7 വയസ്സ് വരെ പ്രായമുള്ള 12,400 കുട്ടികളുടെ ഉറക്കത്തിൻ്റെ ദൈർഘ്യം വിശകലനം ചെയ്തുള്ള പഠനത്തിലാണ് ഈ വിവരം കണ്ടെത്തിയത്. സ്ഥിരമായി കുറച്ച് മണിക്കൂറുകൾ ഉറങ്ങുന്നവർക്ക് പ്രായപൂർത്തിയായപ്പോൾ സൈക്കോട്ടിക് ഡിസോർഡർ ഉണ്ടാകാനുള്ള സാധ്യത ഇരട്ടിയാണെന്ന് കണ്ടെത്തി.

ഈ കുട്ടികൾക്ക് യാഥാർത്ഥ്യവുമായുള്ള ബന്ധം നഷ്ടപ്പെടുകയും ഭ്രമാത്മകത അനുഭവപ്പെടുകയും ചെയ്യും. ഇത്തരം കുട്ടികളിൽ ഒരു സൈക്കോട്ടിക് എപ്പിസോഡ് ഉണ്ടാകാനുള്ള സാധ്യത നാലിരട്ടി അധികമാണെന്നും പഠനം പറയുന്നു. മാതാപിതാക്കൾ മനസ്സു വെച്ചാൽ ഇത് പരിഹരിക്കാൻ കഴിയുമെന്ന് യുകെയിലെ ബർമിംഗ്ഹാം സർവകലാശാലയിലെ പ്രമുഖ എഴുത്തുകാരി ഇസബെൽ മൊറേൽസ്-മുനോസ് പറയുന്നു.

ഉറക്കക്കുറവ് ഒരാളുടെ മാനസിക നിലയുമായി ബന്ധപ്പെട്ടിരിക്കുന്നതായി വിദ​ഗ്ധർ പറയുന്നു. ഉറക്കം കുറയുമ്പോൾ മാനസിക വ്യാപാരങ്ങളിലും പ്രശ്നങ്ങൾ ഉണ്ടാകാം. ദി ജേർണൽ ഓഫ് അമേരിക്കൻ മെഡിക്കൽ അസോസിയേഷൻ (ജാമ) സൈക്യാട്രിയിൽ ഈ കണ്ടെത്തലുകൾ പ്രസിദ്ധീകരിച്ചിട്ടുണ്ട്.
കുട്ടിക്കാലത്തെ വിവിധ ഘട്ടങ്ങളിൽ ഉറക്ക പ്രശ്നങ്ങൾ ഉണ്ടാകുന്നത് തികച്ചും സാധാരണമാണ്, എന്നാൽ ഇതിന്റെ തോത് മാറുമ്പോൾ തിരിച്ചറിയേണ്ടതും കൃത്യമായി വൈദ്യ സഹായം തേടേണ്ട സമയം എപ്പോഴാണെന്ന് അറിയേണ്ടതും പ്രധാനമാണ്.

ALSO READ-  ആഗോള തലത്തില്‍ അമ്പതിൽ ഒരാളിൽ ഡിമെൻഷ്യാ ജീനിൻ്റെ പുതിയ വകഭേദം ഉണ്ടെന്ന് പഠനങ്ങൾ

ചിലപ്പോൾ ഉറക്കക്കുറവ് വിട്ടുമാറാത്തതുമായ ഒരു പ്രശ്‌നമായി മാറിയേക്കാം. ഇത്തരക്കാരിലാണ് പ്രായപൂർത്തിയാകുമ്പോൾ മാനസിക രോഗത്തിന് സാധ്യത കാണുന്നത് എന്ന്മൊറേൽസ്-മുനോസ് പറഞ്ഞു. 24 വയസ്സുള്ള ഏകദേശം 4,000 പേരിൽ നിന്ന് വിവരം ഇതിന്റെ ഭാ​ഗമായി ശേഖരിച്ച ​ഗവേഷകർ അത് പഠിച്ചതിനു ശേഷമാണ് ഒരു നി​ഗമനത്തിൽ എത്തിയത്. കുട്ടിയായിരിക്കുമ്പോൾ സ്ഥിരമായ ഉറക്കക്കുറവും വലുതാകുമ്പോൾ ഉണ്ടാകുന്ന മാനസികരോ​ഗവും തമ്മിൽ ശക്തമായ ബന്ധം ടീം കണ്ടെത്തിയെങ്കിലും, കാര്യകാരണബന്ധം തങ്ങൾ തെളിയിച്ചിട്ടില്ലെന്നും മറ്റ് അനുബന്ധ ഘടകങ്ങൾ പരിശോധിക്കേണ്ടതുണ്ടെന്നും അവർ പറഞ്ഞു.

ഉദാഹരണത്തിന്, കുട്ടികളുടെ രോഗപ്രതിരോധ സംവിധാനത്തിനെ പറ്റി ശ്രദ്ധിക്കുമ്പോൾ, ദുർബലമായ രോഗപ്രതിരോധ സംവിധാനവും ഉറക്കക്കുറവും സൈക്കോസിസും തമ്മിലുള്ള ബന്ധത്തെ ഭാഗികമായി വിശദീകരിക്കാൻ കഴിയുമെന്ന് ഫലങ്ങൾ കാണിക്കുന്നു. എന്നിരുന്നാലും, മറ്റ് അജ്ഞാത ഘടകങ്ങളും പ്രധാനമാകാൻ സാധ്യതയുണ്ടെന്ന് ഗവേഷകർ പറഞ്ഞു.“മാനസിക രോഗമുള്ള യുവാക്കളെ സഹായിക്കുന്നതിൽ നേരത്തെയുള്ള ഇടപെടൽ വളരെ പ്രധാനമാണെന്ന് . നല്ല ഉറക്കം മികച്ച മാനസികാരോഗ്യത്തിൽ വലിയ പങ്ക് വഹിക്കുന്നുണ്ട്.