Hareesh Kanaran vs Badusha: ‘വാപ്പി കടം വാങ്ങിയിട്ടുണ്ടെങ്കിൽ തിരിച്ച് കൊടുത്തിരിക്കും’; എന്റെ ഇന്സ്റ്റാ പേജില് തെറിവിളിച്ചിട്ട് കാര്യമില്ല’; ബാദുഷയുടെ മകള്
Producer Badusha’s Daughter Shifa: വാപ്പി കള്ളനാണെന്ന് പറഞ്ഞ് തന്റെ അടുത്ത് വരുന്നവരോട് വാപ്പി ആരെയും പറ്റിച്ചിട്ടില്ല, ഒരു വശം മാത്രം കേട്ടിട്ടാണ് സൈബര് ആക്രമണം. പൈസ വാങ്ങിയിട്ടുണ്ടെങ്കില് ബാദുഷ കൊടുത്തിരിക്കുമെന്നാണ് ബാദുഷയുടെ മകൾ പറയുന്നത്..
Badushas Daughter Shifa
നടന് ഹരീഷ് കണാരനും നിര്മാതാവും പ്രൊഡക്ഷന് കണ്ട്രോളറുമായ ബാദുഷയും തമ്മിലുള്ള സാമ്പത്തിക ഇടപാടുമായി ബന്ധപ്പെട്ട വിവാദമാണ് കഴിഞ്ഞ രണ്ട് ദിവസമാണ് സോഷ്യൽ മീഡിയയിൽ ചർച്ചയാകുന്നത്. ബാദുഷ തനിൽ നിന്ന് കടമായി 20 ലക്ഷം വാങ്ങിയെന്നും പിന്നീട് രൂപ തിരിച്ചുചോദിച്ചതിന്റെ വൈരാഗ്യത്തിൽ സിനിമകളിൽ നിന്ന് നീക്കം ചെയ്തെന്നായിരുന്നു ഹരീഷിന്റ വെളിപ്പെടുത്തൽ. പിന്നാലെ ബാദുഷയ്ക്കെതിരെ വ്യാപക വിമർശനം ഉയർന്നിരുന്നു.
ഇപ്പോഴിതാ ഇതിൽ പ്രതികരണവുമായി രംഗത്ത് എത്തിയിരിക്കുകയാണ് ബാദുഷയുടെ മകൾ. വിവാദത്തെ തുടർന്ന് തനിക്കും ഉമ്മയ്ക്കും സഹോദരനുമെതിരെ സോഷ്യൽ മീഡിയയിൽ മോശം കമന്റുകൾ വന്നതോടെയാണ് മകൾ ഷിഫ രംഗത്ത് എത്തിയത്. വാപ്പി കടം വാങ്ങിയിട്ടുണ്ടെന്നും എന്നാല് അത് തിരിച്ച് കൊടുക്കുമെന്നും സിനിമയായതിനാല് തന്നെ റോളിങ് നടക്കുന്നുണ്ടെന്നും ഷിഫ ഇൻസ്റ്റാഗ്രാമിൽ പങ്കുവച്ച വീഡിയോയിൽ പറഞ്ഞു. ഇതിന്റെ പേരില് തന്റെ ഇന്സ്റ്റാ പേജില് തെറിവിളിച്ചിട്ട് കാര്യമില്ലെന്നും ഷിഫ പറഞ്ഞു.
തന്റെ സോഷ്യൽ മീഡിയ കമന്റ് കണ്ട് വാപ്പിയോട് ഇക്കാര്യത്തെ കുറിച്ച് ചോദിച്ചുവെന്നും കാര്യം പറഞ്ഞുവെന്നുമാണ് പറയുന്നത്. താൻ ഒരു കാര്യത്തെ കുറിച്ച് പ്രതികരിക്കുന്നുണ്ടെങ്കിൽ ആ കാര്യത്തെ കുറിച്ച് വ്യക്തമായി അറിഞ്ഞിരിക്കണമെന്നാണ് ഷിഫ പറയുന്നത്. വാപ്പിയോട് ചോദിച്ചപ്പോൾ അതിന്റെ കാര്യം തന്നോട് പറഞ്ഞുവെന്നും എന്നാൽ തനിക്ക് ആ കാര്യം പറയാൻ താത്പര്യമില്ലെന്നാണ് ഷിഫ പറയുന്നത്. അത് വാപ്പിയായി വന്ന് നിങ്ങളോട് പറയുമെന്നും തനിക്ക് അവരുടെ ഇടയിൽ കയറേണ്ട കാര്യമില്ലെന്നും ഷിഫ കൂട്ടിച്ചേർത്തു.
വാപ്പി കള്ളനാണെന്ന് പറഞ്ഞ് തന്റെ അടുത്ത് വരുന്നവരോട് വാപ്പി ആരെയും പറ്റിച്ചിട്ടില്ല, ഒരു വശം മാത്രം കേട്ടിട്ടാണ് സൈബര് ആക്രമണം. പൈസ വാങ്ങിയിട്ടുണ്ടെങ്കില് ബാദുഷ കൊടുത്തിരിക്കും. വാപ്പിയുടെ മകൾ ആയതിൽ തനിക്ക് അഭിമാനമേയുള്ളു. എന്നാൽ പ്രൊഡ്യൂസര് ബാദുഷയുടെ മോളെന്ന് അറിയപ്പെടാന് തനിക്ക് ആഗ്രഹമില്ലെന്നും തനിക്ക് തന്റെ പേരിൽ അറിയപ്പെടാൻ ആണ് ഇഷ്ടമെന്നും ഷിഫ പറഞ്ഞു.
