Shaji Pulpally: വീഡിയോ കോളിൽ വരുമോ ; മേക്കപ്പ് ആർട്ടിസ്റ്റ് ഷാജി പുൽപ്പള്ളിക്കെതിരെ ഗുരുതര ലൈംഗിക ആരോപണം

Representational Image

തൃശൂർ: മലയാള സിനിമയിലെ മേക്കപ്പ് ആർട്ടിസ്റ്റ് ഷാജി പുൽപ്പള്ളിക്കെതിരെ ഗുരുതര ലൈംഗിക ആരോപണം. തൃശ്ശൂർ സ്വദേശിനിയായ വനിതാ മേക്കപ്പ് ആർട്ടിസ്റ്റാണ് ആരോപണവുമായി രംഗത്തെത്തിയത്. സിനിമ സെറ്റുകളിൽ വെച്ച് മോശമായി പെരുമാറിയെന്നും, സ്ഥിരമാണെന്നും യുവതി ആരോപിക്കുന്നു. സംഭവം ഫെഫ്കയിൽ (ഫിലിം എംപ്ലോയീസ് ഫെഡറേഷൻ ഓഫ് കേരള) റിപ്പോർട്ട് ചെയ്തതോടെ തനിക്ക് ഭീഷണികൾ വരുന്നതായും ഇവർ പറയുന്നു.

വെളിപ്പെടുത്തലുകളുടെ തുടർക്കഥയാണ് സിനിമാ മേഖലയിൽ നിന്നും എത്തിക്കൊണ്ടിരിക്കുന്നത്. അടുത്തിടെ നിരവധി പേരാണ് പ്രമുഖ നടൻമാർക്കെതിരെ ആരോപണം ഉന്നയിച്ച് രംഗത്ത് എത്തിയത്. മേക്കപ്പ് ആർട്ടിസ്റ്റുകൾ, ജൂനിയർ ആർട്ടിസ്റ്റുകൾ താരങ്ങൾ എന്നിവരടക്കം വെളിപ്പെടുത്തലുകൾ നടത്തിയിരുന്നു.

ജയസൂര്യ, മുകേഷ്, സിദ്ദിഖ് തുടങ്ങിയ പ്രമുഖ താരങ്ങളും വിവിധ ചലച്ചിത്ര പ്രവർത്തകരും ഈ ആരോപണങ്ങളിൽ ഉൾപ്പെട്ടിട്ടുണ്ട്. പലർക്കുമെതിരെ ജാമ്യമില്ലാത്ത കുറ്റമാണ് ചുമത്തിയിരിക്കുന്നത്. ഓഗസ്റ്റ് 19-ന് പുറത്തു വന്ന റിപ്പോർട്ടിന് പിന്നാലെ വലിയ മാറ്റങ്ങളാണ് സിനിമ മേഖലയിലുണ്ടായത്. സിനിമാ താരങ്ങളുടെ സംഘടനയായ അമ്മയുടെ ഭരണ സമിതി അടക്കം പിരിച്ചു വിട്ടിരുന്നു.
.