Shine Tom Chacko Movie: ഷൈൻ ടോം ചാക്കോ ചിത്രത്തിൻ്റെ റിലീസ് തീയ്യതി പുറത്ത്
നിലവിൽ ലഭിക്കുന്ന വിവരങ്ങൾ പ്രകാരം മെയ് 16-നാണ് ചിത്രം തീയ്യേറ്ററുകളിലേക്ക് എത്തുന്നത്. നവാഗതനായ ജി.എം മനുവാണ് അമ്പാട്ട് ഫിലിംസിന്‍റെ ബാനറിൽ ഒരുങ്ങുന്ന ചിത്രം സംവിധാനം ചെയ്യുന്നത്
The Protector Movie Release
വിവാദങ്ങളും കേസും ഒരു വശത്ത് തുടരുന്നുണ്ടെങ്കിലും ഷൈൻ ടോം ചാക്കോ നായകനാകുന്ന പുതിയ ചിത്രം മെയിൽ തന്നെ റിലീസ് ചെയ്യും. നിലവിൽ ലഭിക്കുന്ന വിവരങ്ങൾ പ്രകാരം മെയ് 16-നാണ് ചിത്രം തീയ്യേറ്ററുകളിലേക്ക് എത്തുന്നത്. അമ്പാട്ട് ഫിലിംസിന്‍റെ ബാനറിൽ ഒരുങ്ങുന്ന ചിത്രം സംവിധാനം ചെയ്യുന്നത് ജി.എം മനുവാണ്. മാണിക്യ കൂടാരം, ആയുർ രേഖ തുടങ്ങിയ ചിത്രങ്ങളുടെ സംവിധായകൻ കൂടിയാണ് മനു. ചിത്രം നിർമ്മിക്കുന്നത് റോബിൻസ് മാത്യുവാണ്. ദി പ്രൊട്ടക്ടർ എന്ന് പേരിട്ടിരിക്കുന്ന ചിത്രത്തിൻ്റെ ഫസ്റ്റ് ലുക്ക് പോസ്റ്ററിലെ ടാഗ് ലൈൻ പാപം ചെയ്യാത്തവർ കല്ലെറിയട്ടെ എന്നായിരുന്നു. ഇത് നേരത്തെ ശ്രദ്ധ നേടിയിരുന്നു.
നായക വേഷത്തിലാണ് ഷൈൻ ടോം ചാക്കോ എത്തുന്നത്. ഷൈൻ ടോമിന് പുറമെ തമിഴ് താരങ്ങളായ തലൈവാസൽ വിജയ്, മൊട്ട രാജേന്ദ്രൻ എന്നിവരും സുധീർ കരമന, മണിക്കുട്ടൻ, ശിവജി ഗുരുവായൂർ, ബോബൻ ആലംമൂടൻ, ഉണ്ണിരാജ, ഡയാന, കാജൽ ജോൺസൺ, ദേവി ചന്ദന, ശാന്തകുമാരി, സീമ മധു തുടങ്ങിയ താരങ്ങളും വിവിധ വേഷങ്ങളിലെത്തുന്നുണ്ട്. അജേഷ് ആൻ്റണിയാണ് ദി പ്രൊട്ടക്ടറിൻ്റെ രചന.
The Protector Movie
