Namma Metro: ബെംഗളൂരുവിൽ ഇനി മെട്രോയും സബർബൻ റെയിലും ഒരേ പാതയിൽ
Bengaluru Metro Suburban Rail Plan to Create a New Double Decker Corridor: കിഴക്കന്‍ ബെംഗളൂരുവിലെ ബെന്നിഗനഹള്ളിയിലാണ് പദ്ധതി നടപ്പാക്കുന്നത്. നാമ്മ മെട്രോയുടെ ബ്ലൂ ലൈനും ബെംഗളൂരു സബര്‍ബന്‍ റെയില്‍ പദ്ധതിയുടെ കനക ലൈനും ഒരേ ഭൂഗര്‍ഭപാത പങ്കിടുന്ന രീതിയിലാണ് പദ്ധതി തയാറാക്കിയിരിക്കുന്നത്. നഗരത്തിലെ പരിമിതമായ സ്ഥലസൗകര്യം പരമാവധി പ്രയോജനപ്പെടുത്താനും അധിക ഭൂമി ഏറ്റെടുക്കല്‍ ഒഴിവാക്കാനുമാണ് ഈ മാതൃക.
ബെംഗളൂരുവിലെ ഗതാഗത സംവിധാനത്തില്‍ പുതിയ മാതൃകയ്ക്ക് വഴിയൊരുങ്ങുന്നു. നഗരത്തില്‍ റോഡിന് മുകളിലൂടെ മെട്രോയും വാഹനങ്ങളും സഞ്ചരിക്കുന്ന ഇരട്ടനില ഗതാഗത സംവിധാനങ്ങള്‍ നേരത്തെ തന്നെ നിലവിലുണ്ട്. ഇപ്പോള്‍ മെട്രോയും സബര്‍ബന്‍ റെയിലും ഒരേ പാതയില്‍ വ്യത്യസ്ത ഉയരങ്ങളില്‍ സഞ്ചരിക്കുന്ന പുതിയ സംവിധാനമാണ് ഒരുങ്ങുന്നത്.
കിഴക്കന്‍ ബെംഗളൂരുവിലെ ബെന്നിഗനഹള്ളിയിലാണ് പദ്ധതി നടപ്പാക്കുന്നത്. നാമ്മ മെട്രോയുടെ ബ്ലൂ ലൈനും ബെംഗളൂരു സബര്‍ബന്‍ റെയില്‍ പദ്ധതിയുടെ കനക ലൈനും ഒരേ ഭൂഗര്‍ഭപാത പങ്കിടുന്ന രീതിയിലാണ് പദ്ധതി തയാറാക്കിയിരിക്കുന്നത്. നഗരത്തിലെ പരിമിതമായ സ്ഥലസൗകര്യം പരമാവധി പ്രയോജനപ്പെടുത്താനും അധിക ഭൂമി ഏറ്റെടുക്കല്‍ ഒഴിവാക്കാനുമാണ് ഈ മാതൃക.
500 മീറ്റര്‍ ഭാഗത്ത് പ്രത്യേക സംവിധാനം
ഹീലലിഗെയില്‍ നിന്ന് രാജനുകുണ്ടെയിലേക്കുള്ള കെ റൈഡിന്റെ കനക ലൈന്‍ ബെന്നിഗനഹള്ളി ഫ്‌ളൈഓവറിന് സമീപം ഏകദേശം 500 മീറ്റര്‍ ദൂരത്തില്‍ നാമ്മ മെട്രോയുടെ ബ്ലൂ ലൈനിന് താഴെയൂടെയാണ് കടന്നുപോകുക. ഇതോടെ റോഡ് താഴത്തെ നിലയിലും സബര്‍ബന്‍ റെയില്‍ അതിന് മുകളിലുള്ള പാതയിലും മെട്രോ ഏറ്റവും മുകളിലുമായി സഞ്ചരിക്കുന്ന രീതിയിലുള്ള ബഹുനില ഗതാഗത ഇടനാഴിയാണ് രൂപപ്പെടുക.
നഗരത്തിലെ സ്ഥലപരിമിതി കണക്കിലെടുക്കുമ്പോള്‍ ഈ സംവിധാനം ഏറെ പ്രയോജനകരമാകുമെന്നാണ് അധികൃതരുടെ വിലയിരുത്തല്‍. മെട്രോയ്ക്കും സബര്‍ബന്‍ റെയിലിനുമായി പ്രത്യേകമായി ഭൂമി ഏറ്റെടുക്കേണ്ട സാഹചര്യം കുറയ്ക്കാനും ഇതുവഴി സാധിക്കും.
ഭൂമി ഏറ്റെടുക്കല്‍ ഇല്ല
പുതിയ ക്രമീകരണത്തിലൂടെ ഏകദേശം 1.3 ഏക്കര്‍ ഭൂമി ഏറ്റെടുക്കുന്നത് ഒഴിവാക്കാന്‍ കഴിയുമെന്നാണ് പ്രതീക്ഷ. ഇതിലൂടെ പ്രദേശവാസികളെ മാറ്റിപ്പാര്‍പ്പിക്കുന്നതും നിര്‍മാണവുമായി ബന്ധപ്പെട്ട ബുദ്ധിമുട്ടുകളും കുറയും. ഭൂമി ഏറ്റെടുക്കലിനും അനുബന്ധ നിര്‍മാണ പ്രവര്‍ത്തനങ്ങള്‍ക്കുമുള്ള ചെലവും കുറയ്ക്കാന്‍ കഴിയുന്നതോടെ പദ്ധതിയുടെ മൊത്തം ചെലവിലും നേട്ടമുണ്ടാകും.
Also Read: Bengaluru Vande Bharat: ബെംഗളൂരു ടു ഗോവ യാത്ര ഇനി വന്ദേഭാരതിൽ; 14 പ്രധാന സ്റ്റോപ്പുകൾ അറിയാം
ഗതാഗത കേന്ദ്രമായി ബെന്നിഗനഹള്ളി
ബെന്നിഗനഹള്ളി ഇതിനകം തന്നെ ബെംഗളൂരുവിലെ പ്രധാന ബഹുമുഖ ഗതാഗത കേന്ദ്രങ്ങളിലൊന്നായി മാറിക്കൊണ്ടിരിക്കുകയാണ്. ചല്ലഘട്ടയില്‍ നിന്ന് വൈറ്റ്ഫീല്‍ഡിലേക്കുള്ള പര്‍പ്പിള്‍ ലൈന്‍ നിലവില്‍ ഇവിടെ സര്‍വീസ് നടത്തുന്നുണ്ട്. ഭാവിയില്‍ ബ്ലൂ ലൈനും സബര്‍ബന്‍ റെയില്‍ പാതകളും എത്തുന്നതോടെ യാത്രക്കാര്‍ക്ക് വിവിധ ഗതാഗത സംവിധാനങ്ങള്‍ തമ്മില്‍ എളുപ്പത്തില്‍ മാറാന്‍ കഴിയും.
മെട്രോയും സബര്‍ബന്‍ റെയിലും ഒരേ ഇടനാഴിയില്‍ ഏകോപിപ്പിക്കുന്നതിലൂടെ നഗരത്തിലെ ഗതാഗത അടിസ്ഥാനസൗകര്യ വികസനത്തിന് പുതിയ മാതൃക സൃഷ്ടിക്കാനാകുമെന്നാണ് വിലയിരുത്തല്‍. പരിമിതമായ നഗരഭൂമി കാര്യക്ഷമമായി ഉപയോഗിക്കുന്നതിനൊപ്പം നിര്‍മാണച്ചെലവും കുറയ്ക്കാന്‍ ഈ രീതിക്ക് സാധിക്കും.
English Summary
Bengaluru is set to develop a unique double-decker transport corridor where Metro and suburban rail will run at different levels. The plan aims to optimise limited urban space and reduce the need for additional land acquisition.
