Train Additional stops: യാത്രക്കാരുടെ ശ്രദ്ധയ്ക്ക്…. ഇനി മുതൽ ഈ ട്രെയിനുകൾക്ക് കരുനാഗപ്പള്ളിയിലും കായംകുളത്തും അധിക സ്റ്റോപ്പ്
Additional Stops for Trains at Karunagappally and Kayamkulam: കരുനാഗപ്പള്ളിയിലെ അധിക സ്റ്റോപ്പിനെ തുടർന്ന്, രാജ്യറാണി എക്സ്പ്രസിന്റെ ചില പ്രധാന സ്റ്റേഷനുകളിലെ സമയക്രമത്തിലും മാറ്റം വരുത്തിയിട്ടുണ്ട്.
പ്രതീകാത്മക ചിത്രം
തിരുവനന്തപുരം: റെയിൽവേ യാത്രക്കാരുടെ സൗകര്യം പരിഗണിച്ച്, കേരളത്തിലൂടെ ഓടുന്ന രണ്ട് പ്രധാന എക്സ്പ്രസ് ട്രെയിനുകൾക്ക് പരീക്ഷണാടിസ്ഥാനത്തിൽ അധിക സ്റ്റോപ്പുകൾ അനുവദിച്ചു. ഹംസഫർ എക്സ്പ്രസിനും രാജ്യറാണി എക്സ്പ്രസിനുമാണ് പുതിയ സ്റ്റോപ്പുകൾ അനുവദിച്ചിരിക്കുന്നത്.
1. ഹംസഫർ എക്സ്പ്രസ്
തിരുവനന്തപുരം നോർത്ത് – എസ്.എം.വി.ടി ബെംഗളൂരു-തിരുവനന്തപുരം നോർത്ത് റൂട്ടിലോടുന്ന ഹംസഫർ എക്സ്പ്രസിന് ഇനിമുതൽ കായംകുളം ജങ്ഷനിൽ അധിക സ്റ്റോപ്പുണ്ടാകും. തിരുവനന്തപുരം നോർത്തിൽ നിന്ന് പുറപ്പെടുന്ന ട്രെയിനിന് നവംബർ 1 മുതലും, ബെംഗളൂരുവിൽ നിന്ന് പുറപ്പെടുന്ന ട്രെയിനിന് നവംബർ 2 മുതലുമാണ് പുതിയ സ്റ്റോപ്പ് പ്രാബല്യത്തിൽ വരിക. കായംകുളം ജങ്ഷനിൽ ട്രെയിനിന് രണ്ട് മിനിറ്റ് നേരമായിരിക്കും സ്റ്റോപ്പ് അനുവദിച്ചിരിക്കുന്നത്.
Also read – കെഎസ്ആര്ടിസിയില് ഭ്രാന്തന് പരിഷ്കാരങ്ങള്; വിമര്ശിച്ച് എല്ഡിഎഫ് കണ്വീനര്
2. രാജ്യറാണി എക്സ്പ്രസ്
നിലമ്പൂർ റോഡ് – തിരുവനന്തപുരം നോർത്ത് റൂട്ടിലോടുന്ന രാജ്യറാണി എക്സ്പ്രസിന് കരുനാഗപ്പള്ളിയിൽ ഒരു അധിക സ്റ്റോപ്പ് അനുവദിച്ചു. ഈ സ്റ്റോപ്പ് ഒക്ടോബർ 30 മുതൽ നിലവിൽ വരും. കരുനാഗപ്പള്ളിയിൽ ട്രെയിൻ പുലർച്ചെ 3.16ന് എത്തി 3.17ന് പുറപ്പെടും. സ്റ്റോപ്പ് ദൈർഘ്യം ഒരു മിനിറ്റാണ്.
കരുനാഗപ്പള്ളിയിലെ അധിക സ്റ്റോപ്പിനെ തുടർന്ന്, രാജ്യറാണി എക്സ്പ്രസിന്റെ ചില പ്രധാന സ്റ്റേഷനുകളിലെ സമയക്രമത്തിലും മാറ്റം വരുത്തിയിട്ടുണ്ട്.
- കൊല്ലത്തുനിന്ന് ട്രെയിൻ പുലർച്ചെ 3.42ന് എത്തി 3.45ന് പുറപ്പെടും.
- വർക്കലയിൽ നിന്ന് ട്രെയിൻ പുലർച്ചെ 4.06ന് എത്തി 4.07ന് പുറപ്പെടും.
- തിരുവനന്തപുരം നോർത്തിൽ നിന്ന് ട്രെയിൻ രാവിലെ 5.35ന് എത്തിച്ചേരും.
പുതിയ അധിക സ്റ്റോപ്പുകളും പുതുക്കിയ സമയക്രമവും യാത്രക്കാർ ശ്രദ്ധിക്കണമെന്ന് റെയിൽവേ അധികൃതർ അറിയിച്ചു.
