കളിയാട്ടത്തിന്റെ തിരക്കഥാകൃത്ത് ബല്റാം മട്ടന്നൂര് അന്തരിച്ചു
കര്മ്മയോഗി, സമവാക്യം, അന്യലോകം, പിതാവിനും പുത്രനും പരിശുദ്ധ ആത്മാവിനും, അക്വേറിയം തുടങ്ങിയവയാണ് മറ്റ് ചിത്രങ്ങള്.
കളിയാട്ടത്തിലൂടെ പ്രശസ്തനായ തിരക്കഥാകൃത്ത് ബല്റാം മട്ടന്നൂര് (62) അന്തരിച്ചു. അസുഖ ബാധിതനായി ഏറെനാളായി ചികിത്സയിലായിരുന്നു. ജയരാജിന്റെ സംവിധാനത്തില് 1997 ല് പ്രദര്ശനത്തിനെത്തിയ കളിയാട്ടമാണ് തിരക്കഥയെഴുതിയതില് ഏറ്റവും ശ്രദ്ധ നേടിയ ചിത്രം. കര്മ്മയോഗി, സമവാക്യം, അന്യലോകം, പിതാവിനും പുത്രനും പരിശുദ്ധ ആത്മാവിനും, അക്വേറിയം തുടങ്ങിയവയാണ് മറ്റ് ചിത്രങ്ങള്.സ്കൂള് പഠനകാലത്തുതന്നെ സാഹിത്യത്തോട് താല്പര്യം പ്രകടിപ്പിച്ച ബല്റാം ഒന്പതാം ക്ലാസില് പഠിക്കുമ്പോഴാണ് ആദ്യ നോവല് എഴുതിയത്. ഗ്രാമം എന്നായിരുന്നു ആ നോവലിന്റെ പേര്. എന്നാല് ഇരുപതാം വയസിലാണ് ഈ നോവല് പ്രസിദ്ധീകരിക്കാൻ കഴിഞ്ഞത്. വില്യം ഷേക്സ്പിയറുടെ ഒഥല്ലോയില് നിന്ന് പ്രചോദനം ഉൾക്കൊണ്ടാണ് കളുിയാട്ടം രചിച്ചത്. തിരക്കഥാകൃത്ത് എന്നതിന് പുറമെ ഒട്ടേറെ ഗ്രന്ഥങ്ങളും ഇദ്ദേഹം രചിച്ചിട്ടുണ്ട്. കാശി എന്ന മറ്റൊരു നോവലിനൊപ്പം ബലന് (സ്മരണകള്), മുയല് ഗ്രാമം, രവി ഭഗവാന്, കാട്ടിലൂടെ നാട്ടിലൂടെ (ബാലസാഹിത്യ കൃതികള്) തുടങ്ങിയ പുസ്തകങ്ങള് രചിച്ചു. കെ എന് സൗമ്യയാണ് ഭാര്യ. മകള് ഗായത്രി. സംസ്കാരം ഇന്ന് ഉച്ച കഴിഞ്ഞ് രണ്ട് മണിക്ക് കണ്ണൂര് പുല്ലൂപ്പി സമുദായ ശ്മശാനത്തില്.
