Bevco Updates: ചില മാറ്റങ്ങളുണ്ട്, സെപ്റ്റംബർ 30-ന് ബെവ്കോയിൽ പോകുന്നവർ അറിയാൻ

Bevco | Credits

തിരുവനന്തപുരം : സെപ്റ്റംബർ അവസാനിക്കാൻ ഇനി കഷ്ടിച്ച് ഒരു ദിവസം മാത്രമാണുള്ളത്. നിരവധി അവധികളുള്ള മാസമായിരുന്നു കടന്ന് പോയത്. അത്രയും തന്നെ അവധിയുള്ള മാസമാണ് ഇനി വരുന്നതും. സെപ്റ്റംബറിലെ ബെവ്കോ അവധികളെല്ലാം കഴിഞ്ഞെങ്കിലും ചില സുപ്രധാന മാറ്റങ്ങൾ കൂടി മാസാവസാനം ഉണ്ട്. അതിൽ പ്രധാനപ്പെട്ട കാര്യമാണ് സ്റ്റോക്ക് എടുപ്പ്. ഇത്തരത്തിൽ സ്റ്റോക്ക് എടുപ്പുള്ള സമയങ്ങളിൽ ബെവ്കോ ഷോപ്പുകളുടെ സമയത്തിലും ചില ക്രമീകരണങ്ങൾ ബെവ്കോ നടപ്പാക്കാറുണ്ട്. ഇത്തരത്തിൽ സെപ്റ്റംബർ 30-ന് ബെവ്കോ ഷോപ്പുകൾ ഏഴുമണി വരെ മാത്രമായിരിക്കും പ്രവർത്തിക്കുക. സാധാരണ 10 മണി മുതൽ 9 മണി വരെയാണ് പ്രവർത്തിക്കുന്നതെങ്കിൽ 30-ന് ഷോപ്പുകൾ വൈകീട്ട് 7 വരെ മാത്രമെ പ്രവർത്തിക്കൂ.

ഒക്ടോബറിൽ തുടങ്ങുന്നത് തന്നെ 2 ദിവസം അവധിയിലാണ്. ഇതിന് മുൻപാണ് 30-ന് ചില മാറ്റങ്ങളുള്ളത്. ബെവ്‌കോയുടെ ഓണക്കാല വിൽപ്പന ഇത്തവണ 2291.57 കോടി രൂപയിലാണ് തീർത്തത്.  കഴിഞ്ഞ വര്‍ഷ ഓണ വിൽപ്പനയേക്കാൾ 766.35 കോടിയുടെ അധിക വരുമാനമാണ് ഇത്തവണത്തെ ഓണത്തിന് ലഭിച്ചത്. 1525.22 കോടി രൂപയുടെ മദ്യം മാത്രമാണ് കഴിഞ്ഞ ഓണക്കാലത്ത് വിറ്റത്.

അതേസമയം കേരളത്തിൽ  ഉത്രാടം, അവിട്ടം ദിനങ്ങളിൽ മദ്യ വിൽപന കുറഞ്ഞിരുന്നു.  ഉത്രാടം വരെയുള്ള ഒമ്പത് ദിവസങ്ങളിൽ 701 കോടി രൂപയുടെ മദ്യമാണ് വിറ്റഴിച്ചത്, കഴിഞ്ഞ വർഷം ഇതേ കാലയളവിൽ വിറ്റത് 715 കോടിയുടെ മദ്യമായിരുന്നു.

ഇത്തവണ മറ്റ് വകുപ്പുകളെ അപേക്ഷിച്ച് സംസ്ഥാന സർക്കാർ ജീവനക്കാരിൽ ബെവ്കോ ജീവനക്കാർക്കാണ് ഏറ്റവുമധികം ഓണം ബോണസ് ലഭിച്ചത്. ഏകദേശം 95000 രൂപക്ക് മുകളിൽ വരും ഇത്.  കഴിഞ്ഞ വർഷം ഇത് 90000 രൂപയായിരുന്നു. മറ്റൊരു പ്രധാനപ്പെട്ട ദിവസം ബെവ്കോയിൽ അടുപ്പിച്ച് അവധികൾ വരുന്ന മാസമാണ് ഒക്ടോബർ ഇത് വിൽപ്പനയിൽ നേരിയ കുറവുണ്ടാക്കിയേക്കാം.