Easter 2025 Train Service: ഈസ്റ്റര്‍ ആഘോഷിക്കാന്‍ തിരക്ക്; പത്ത് ട്രെയിനുകള്‍ക്ക് അധിക കോച്ചുകള്‍ അനുവദിച്ചു
Special Train For Easter 2025: മംഗളൂരു സെന്‍ട്രലില്‍നിന്ന് നിസാമുദ്ദിനീലേക്ക് വെള്ളിയാഴ്ച പ്രത്യേക ട്രെയിന്‍ ഉണ്ടായിരിക്കുമെന്നും റെയില്‍ അറിയിച്ചിട്ടുണ്ട്. വൈകിട്ട് നാല് മണിക്ക് മംഗളൂരുവില്‍ നിന്നും ട്രെയിന്‍ പുറപ്പെടും. 20 സ്ലീപ്പര്‍ ക്ലാസ് കോച്ചുകളുണ്ടായിരിക്കും.
ട്രെയിന്‍
കൊച്ചി: ഈസ്റ്റര്‍ ആഘോഷത്തിന്റെ ഭാഗമായി പത്ത് ട്രെയിനുകള്‍ക്ക് അധിക കോച്ചുകള്‍ അനുവദിച്ച് ദക്ഷിണ റെയില്‍വേ. ഏപ്രില്‍ 18 മുതല്‍ 21 വരെയാണ് അധിക കോച്ചുകള്‍ ഉണ്ടായിരിക്കുക.
തിരുവനന്തപുരം-മംഗലാപുരം (16629) മലബാര്‍ എക്സ്പ്രസില് 18 മുതല്‍ 22 വരെയും മംഗലാപുരം-തിരുവനന്തപുരം (16630) മലബാര്‍ എക്സ്പ്രസില് 17മുതല്‍ 21 വരെയും ഒരു സ്ലീപ്പര്‍ കോച്ച് അധികമായുണ്ടാകും. തിരുവനന്തപുരം-മധുര (16343) അമൃത എക്സ്പ്രസില് 17മുതല്‍ 20 വരെയും മധുര-തിരുവനന്തപുരം (16344) അമൃതയില്‍ 18 മുതല്‍ 21 വരെയും ഒരു സ്ലീപ്പര്‍ കോച്ചും അനുവദിച്ചിട്ടുണ്ട്.
തിരുവനന്തപുരം-കോഴിക്കോട് ജനശതാബ്ദി (12076), കോഴിക്കോട്-തിരുവനന്തപുരം ജനശതാബ്ദി (12075) എന്നീ ട്രെയിനുകളില്‍ ഒരു എ സി ചെയര്‍കാറാണ് അധികമായി ഉള്‍പ്പെടുത്തിയത്. തിരുവനന്തപുരം -മംഗലാപുരം മാവേലി എക്സ്പ്രസില് (16604) ഏപ്രില്‍ 20 മുതല്‍ 22 വരെ അധിക സ്ലീപ്പര്‍ കോച്ച് അനുവദിച്ചു. മംഗളൂരു-തിരുവനന്തപുരം (16603) മാവേലി എക്സ്പ്രസില് 19 മുതല്‍ 21വരെയും ഒരു സ്ലീപ്പര്‍ കോച്ച് അനുവദിച്ചിട്ടുണ്ട്.
എറണാകുളത്ത് നിന്ന് കാരയ്ക്കല്‍ വരെ പോകുന്ന, എറണാകുളം-കാരയ്ക്കല്‍ (16188) എക്സ്പ്രസില് 19 മുതല്‍ 21വരെയും കാരയ്ക്കല്‍-എറണാകുളം (16187) എക്സ്പ്രസില് 18 മുതല്‍ 20 വരെയും ഒരു സ്ലീപ്പര്‍ കോച്ചും ഉണ്ടായിരിക്കും.
മാത്രമല്ല, മംഗളൂരു സെന്‍ട്രലില്‍നിന്ന് നിസാമുദ്ദിനീലേക്ക് വെള്ളിയാഴ്ച പ്രത്യേക ട്രെയിന്‍ ഉണ്ടായിരിക്കുമെന്നും റെയില്‍ അറിയിച്ചിട്ടുണ്ട്. വൈകിട്ട് നാല് മണിക്ക് മംഗളൂരുവില്‍ നിന്നും ട്രെയിന്‍ പുറപ്പെടും. 20 സ്ലീപ്പര്‍ ക്ലാസ് കോച്ചുകളുണ്ടായിരിക്കും.
