Kerala Assembly Election 2026 Live: മണിക്കൂറുകൾ മാത്രം, തിരഞ്ഞെടുപ്പിൽ ഇനി അറിയാൻ
ഇന്ന് നിശബ്ദ പ്രചാരണം കൂടി പൂർത്തിയാകുന്നതോടെ കേരളം തിരഞ്ഞെടുപ്പ് ഗോദയിലേക്ക് എത്തുകയാണ്. മുഖ്യമന്ത്രി പിണറായി വിജയൻ്റെ രേവന്ത് റെഡ്ഡിയുമായുള്ള വിവാദ പരാമർശം മുതൽ കൊല്ലത്തെ വാഹനാപകടം വരെയും ഇത്തവണ തിരഞ്ഞെടുപ്പ് വാർത്തകളിൽ ഇടം നേടിയവയാണ്. നിങ്ങളറിയേണ്ട ഏറ്റവും പുതിയ തിരഞ്ഞെടുപ്പ് വാർത്തകളും വിശേഷങ്ങളും ഇവിടെ അറിയാം.
Kerala Assembly Election 2026 Updates Live
LIVE NEWS & UPDATES
-
‘തരത്തിൽ പോയി കളിക്ക്’, നികേഷ് കുമാറിന് മറുപടിയുമായി ദീപ്തി
തെലങ്കാന മുഖ്യമന്ത്രി രേവന്ത് റെഡ്ഡിയുടെ പരിപ്പെടുക്കുമെന്ന് പറഞ്ഞ എം വി നികേഷ് കുമാറിന് മറുപടിയുമായി കോൺഗ്രസ് നേതാവ് ദീപ്തി മേരി വർഗ്ഗീസ്. മുഖ്യമന്ത്രിയുടെ ഡാഷ് മോനേ രേവന്താ, രേവന്ത് റെഡ്ഡിയുടെ പോ മോനെ വിജയാ പരാമർശങ്ങൾ വലിയ വിവാദമായിരുന്നു. ഇതിന് പിന്നാലെയാണ് കേരളത്തിലെ ഏതെങ്കിലും രാഷ്ട്രീയ നേതാവിനെ ഇങ്ങനെ അഭിസംബോധന ചെയ്താൽ രേവന്ത് റെഡ്ഡിയുടെ പരിപ്പ് ഞങ്ങൾ എടുക്കുമെന്ന് നികേഷ് കുമാർ പറഞ്ഞത്. രേവന്ത് റെഡ്ഡിയുടെ പരിപ്പെടുക്കാൻ അച്ഛനെ കൊല്ലാൻ നടന്നവരുടെ പാളയത്തിൽ പാർട്ട് ടൈം ജോലി ചെയ്യുന്ന നികേഷ് കുമാർ വിചാരിച്ചാൽ പറ്റില്ലെന്നാണ് ദീപ്തിയുടെ മറുപടി.
-
ചുവന്ന കൊടി കാണിച്ച് വികസനം തടയരുത്: ശശി തരൂർ
കോണ്ഗ്രസ് അധികാരത്തില് എത്തിക്കഴിയുമ്പോള് ചുവന്ന കൊടിയുമായി വികസനം മുടക്കാന് എൽഡിഎഫ് വരരുതെന്ന് കോണ്ഗ്രസ് നേതാവ് ശശി തരൂര് എംപി. നാടിന്റെ നന്മയക്കുവേണ്ടി ഞങ്ങള് പ്രവര്ത്തിക്കുമ്പോള് നിങ്ങളുടെ ചുവന്ന കൊടി കാണിച്ചിട്ട് ഹര്ത്താലും വിഷയങ്ങളും ഉണ്ടാകരുതെന്ന് ശശി തരൂര് വാര്ത്താസമ്മേളനത്തില് പറഞ്ഞു.
-
മുഖ്യമന്ത്രിയുടെ കത്ത്
തെലുങ്കാന മുഖ്യമന്ത്രി രേവന്ത് റെഡ്ഡിക്ക് കേരള മുഖ്യമന്ത്രി പിണറായി വിജയൻ്റെ കത്ത്
-
ഇന്ന് നിശബ്ദ പ്രചാരണം
പരസ്യ പ്രചാരണം ഇന്നലെയോട് കൂടി പൂർത്തിയായതിനാൽ ഇന്ന് നിശബ്ദ പ്രചാരണമാണ് നടക്കുന്നത്. ഇനി മണിക്കൂറുകൾ മാത്രമാണ് തിരഞ്ഞെടുപ്പ് ദിനത്തിന് ബാക്കിയുള്ളത്.. ….
തിരുവനന്തപുരം: തിരഞ്ഞെടുപ്പ് ദിനത്തിന് കൃത്യമായി പറഞ്ഞാൽ മണിക്കൂറുകൾ മാത്രമാണ് ബാക്കി. അവസാന ലാപ്പിലും തങ്ങളുടെ വോട്ട് കൃത്യമായി ഉറപ്പിക്കാനുള്ള തയ്യാറെടുപ്പിലാണ് സ്ഥാനാർത്ഥികൾ. ഇന്നലെയോടെ പരസ്യ പ്രചാരണം പൂർത്തിയായി. ഇന്ന് നിശബ്ദ പ്രചാരണം കൂടി പൂർത്തിയാകുന്നതോടെ കേരളം തിരഞ്ഞെടുപ്പ് ഗോദയിലേക്ക് എത്തുകയാണ്. മുഖ്യമന്ത്രി പിണറായി വിജയൻ്റെ പരാമർശം മുതൽ കൊല്ലത്തെ വാഹനാപകടം വരെയും ഇത്തവണ തിരഞ്ഞെടുപ്പ് വാർത്തകളിൽ ഇടം നേടിയവയാണ്. നിങ്ങളറിയേണ്ട ഏറ്റവും പുതിയ തിരഞ്ഞെടുപ്പ് വാർത്തകളും വിശേഷങ്ങളും ഇവിടെ അറിയാം.
