Thiruvananthapuram Traffic control: പുനരുദ്ധാരണം; തിരുവനന്തപുരത്ത് വിവിധ സ്ഥലങ്ങളിൽ ഗതാഗതനിയന്ത്രണം
Thiruvananthapuram Traffic control: അതേസമയം തിരുവനന്തപുരം കഴക്കൂട്ടം ആറാട്ടുവഴി റോഡിൽ ടാറിങ് പ്രവൃത്തികളുടെ ഭാഗമായി ഗതാഗത നിയന്ത്രണമുണ്ടാകുമെന്ന് അധികൃതർ അറിയിച്ചു. ഒക്ടോബർ 24 രാവിലെ ആറ് മണി മുതൽ ഒക്ടോബർ 26 വരെയാണ് ഗതാഗതനിയന്ത്രണമുണ്ടാകുക.
Represental Image (Credits: Freepik)
തിരുവനന്തപുരം: പുനരുദ്ധാരണ പ്രവർത്തിയുടെ ഭാഗമായി തിരുവനന്തപുരത്തെ വിവിധ സ്ഥലങ്ങളിൽ ഗതാഗതനിയന്ത്രണം ഏർപ്പെടുത്തി. കുണ്ടമൺകടവ്-മണ്ഡപത്തിൻകടവ് റോഡ് പുനരുദ്ധാരണ പ്രവൃത്തിയുടെ ഭാഗമായി തച്ചോട്ടുകാവ് മുതൽ അന്തിയൂർക്കോണം വരെയുള്ള ഭാഗത്ത് ഗതാഗതനിയന്ത്രണം ഏർപ്പെടുത്തി. ഒക്ടോബർ 24 മുതൽ 31 വരെയാണ് ഈ ഭാഗത്ത് പൂർണഗതാഗത നിയന്ത്രണമുണ്ടായിരിക്കുക. പൊതുമരാമത്ത് നിരത്തുകൾ വിഭാഗം അസിസ്റ്റന്റ് എഞ്ചിനീയറാണ് ഇക്കാര്യം അറിയിച്ചത്.
അതേസമയം തിരുവനന്തപുരം കഴക്കൂട്ടം ആറാട്ടുവഴി റോഡിൽ ടാറിങ് പ്രവൃത്തികളുടെ ഭാഗമായി ഗതാഗത നിയന്ത്രണമുണ്ടാകുമെന്ന് അധികൃതർ അറിയിച്ചു. ഒക്ടോബർ 24 രാവിലെ ആറ് മണി മുതൽ ഒക്ടോബർ 26 വരെയാണ് ഗതാഗതനിയന്ത്രണമുണ്ടാകുക. പൊതുമരാമത്ത് മെയിന്റനൻസ് സബ് ഡിവിഷൻ അസിസ്റ്റന്റ് എക്സിക്യൂട്ടീവ് എഞ്ചിനീയറാണ് ഈ റോഡിലൂടെയുള്ള ഗതാഗതത്തിന് നിയന്ത്രണം ഉണ്ടായിരിക്കുമെന്ന് അറിയിച്ചത്.
