Homemade Serums: സിറം വാങ്ങി പണം കളയണ്ട! വീട്ടിൽ തന്നെ തയ്യാറാക്കാം; മുടി വളരും മുട്ടോളം

മുടി വളർച്ചയ്ക്കും കൊഴിച്ചിലിനും വലിയ വിലകൊടുത്ത് സെറമുകൾ വാങ്ങുന്നത് പതിവാണ്. എന്നാൽ എല്ലാത്തിനും നിങ്ങൾ ഉദ്ദേശിക്കുന്ന ​ഗുണം ലഭിക്കണമെന്നില്ല. വിലകൂടിയവ വാങ്ങുന്നതിന് പകരം നമ്മുടെ വീടുകളിൽ തന്നെ തയ്യാറാക്കാവുന്ന് പ്രകൃതിദത്ത സിറമുകളെക്കുറിച്ച് ഒന്ന് നോക്കിയാലോ.

വെളിച്ചെണ്ണയും കറ്റാർ വാഴയും

ആദ്യ ഘട്ടം: 2 ടേബിൾസ്പൂൺ കറ്റാർ വാഴ ജെൽ, 1 ടേബിൾസ്പൂൺ എക്സ്ട്രാ-വെർജിൻ വെളിച്ചെണ്ണ എന്നിവ എടുത്ത് അതിലേക്ക് 3 തുള്ളി റോസ്മേരി എണ്ണ ചേർക്കുക.

രണ്ടാം ഘട്ടം: ഈ മിശ്രിതം വൃത്തിയുള്ള ഒരു പാത്രത്തിൽ സൂക്ഷിച്ച് റഫ്രിജറേറ്ററിൽ സൂക്ഷിക്കാവുന്നതാണ്. ആഴ്ചയിൽ മൂന്ന് തവണ നനഞ്ഞ മുടിയിൽ ഈ സെറം ഉപയോഗിക്കുന്നതിലൂടെ തലയോട്ടിയിലെ ഈർപ്പം നിലനിർത്താൻ കഴിയും.

റോസ് വാട്ടറും ഗ്ലിസറിനും

ആദ്യ ഘട്ടം: അധിക ആന്റിഓക്‌സിഡന്റ് സംരക്ഷണത്തിനായി 3 ടേബിൾസ്പൂൺ റോസ് വാട്ടർ എടുത്ത് 1 ടേബിൾസ്പൂൺ ഗ്ലിസറിൻ മൂന്ന് തുള്ളി വിറ്റാമിൻ ഇയും ചേർക്കുക.

രണ്ടാം ഘട്ടം: ഒരു സ്പ്രേ കുപ്പിയിൽ ആദ്യ രണ്ട് ചേരുവകൾ ചേർത്ത് ഈ ലായനിയിലേക്ക് ഒരു വിറ്റാമിൻ ഇ കാപ്സ്യൂൾ ചേർക്കുക. ഇനി, അത് നന്നായി കലരുന്നതുവരെ പതുക്കെ കുലുക്കുക.

മൂന്നാം ഘട്ടം: ഈ സെറം എല്ലാ ദിവസവും നിങ്ങളുടെ മുടിയിൽ ചെറുതായി തളിച്ച് 5-10 മിനിറ്റ് തലയോട്ടിയിൽ സൗമ്യമായി മസാജ് ചെയ്യുക.

അവോക്കാഡോയും ബദാം ഓയിലും

ആദ്യ ഘട്ടം: 2 ടേബിൾസ്പൂൺ പഴുത്ത അവോക്കാഡോ ഉടച്ചത്, 1 ടേബിൾസ്പൂൺ ‌ബദാം ഓയിൽ 5 തുള്ളി ലാവെൻഡർ അവശ്യ എണ്ണയുമായി ചേർത്ത് വയ്ക്കുക.

രണ്ടാം ഘട്ടം: അവോക്കാഡോയുടെ തരികളൊന്നും കാണപ്പെടാത്ത വിധം നന്നായി കുഴച്ച് ബദാം ഓയിലുമായ യോജിപ്പിക്കണം. തുടർന്ന് ലാവെൻഡർ എണ്ണയുടെ തുള്ളികൾ ചേർക്കുക.

മൂന്നാം ഘട്ടം: ഈ മിശ്രിതം ഉടൻ തന്നെ തലയിൽ പുരട്ടി 20 മിനിറ്റ് നേരം വയ്ക്കുക. ശേഷം കഴുകി കളയാം.

ചെമ്പരത്തി, ഒലിവ് ഓയിൽ

ആദ്യ ഘട്ടം: 5 ചെമ്പരത്തി ഇതളുകൾ എടുത്ത് നന്നായി കഴുകുക. ഒരു പേസ്റ്റ് ഉണ്ടാക്കി അതിൽ 2 ടേബിൾസ്പൂൺ എക്സ്ട്രാ-വെർജിൻ ഒലിവ് ഓയിൽ ചേർക്കുക.

രണ്ടാം ഘട്ടം: മിശ്രിതം ചെറുതായി ചൂടാക്കുക. എന്നാൽ അമിതമായി ചൂടാക്കരുത്. ഈ സെറം നിങ്ങളുടെ നനഞ്ഞ മുടിയിൽ പുരട്ടി ഏകദേശം 30 മിനിറ്റ് നേരം വയ്ക്കുക, തുടർന്ന് നിങ്ങളുടെ പതിവ് ഷാംപൂ ഉപയോ​ഗിച്ച് കഴുകാം.