Anurag Kashyap: ‘മകളുടെ വിവാഹച്ചെലവ് താങ്ങാനാകില്ലായിരുന്നു, സഹായിച്ചത് വിജയ് സേതുപതി’: തുറന്ന് പറഞ്ഞ് അനുരാഗ് കശ്യപ്
Anurag Kashyap on Vijay Sethupathi: ഇത് കേട്ട അദ്ദേഹം സഹായിക്കാമെന്ന് വാഗ്ദാനം നൽകിയെന്നും അങ്ങനെയാണ് മഹാരാജ എന്ന സിനിമയിൽ അഭിനയിച്ചതെന്നും അനുരാഗ് പറയുന്നു. ദി ഹിന്ദുവിന്റെ ദി ഹഡിൽ എന്ന പരിപാടിയിൽ സംസാരിക്കുകയായിരുന്നു അദ്ദേഹം.
ഏറെ ആരാധകരുള്ള പ്രിയ താരമാണ് നടനും സംവിധായകനുമായ അനുരാഗ് കശ്യപ്. കഴിഞ്ഞ കുറച്ച് വർഷങ്ങളായി നിരവധി ഹിറ്റ് ചിത്രങ്ങളാണ് താരം സമ്മാനിച്ചത്. വിജയ് സേതുപതി മുഖ്യ കഥാപാത്രമായി എത്തിയ തമിഴ് ചിത്രം മഹാരാജയിലെ വേഷം ഏറെ പ്രശംസ നേടിയിരുന്നു. (image credits: Instagram)
കഴിഞ്ഞ ഡിസംബറിലായിരുന്നു അനുരാഗ് കശ്യപിന്റെ മകൾ ആലിയ കശ്യപിന്റെ വിവാഹം നടന്നത്. അമേരിക്കൻ സംരഭകനായ ഷെയ്ൻ ഗ്രെഗോയറിനെയാണ് ആലിയ വിവാഹം ചെയ്തത്. ഏറെ നാളായി ഇരുവരും പ്രണയത്തിലായിരുന്നു.
ഇപ്പോഴിതാ മകളുടെ വിവാഹത്തിനെ കുറിച്ച് അനുരാഗ് കശ്യപ് പറഞ്ഞ വാക്കുകളാണ് സോഷ്യൽ മീഡിയയിൽ വൈറലാകുന്നത്. അടുത്ത വർഷം മകളുടെ വിവാഹമാണെന്നും അതിന്റെ ചെലവ് തനിക്ക് താങ്ങാൻ കഴിയുമെന്ന് തോന്നുന്നില്ലെന്നും നടൻ വിജയ് സേതുപതിയോട് താൻ പറഞ്ഞിരുന്നുവെന്നാണ് താരം പറയുന്നത്.
ഇത് കേട്ട അദ്ദേഹം സഹായിക്കാമെന്ന് വാഗ്ദാനം നൽകിയെന്നും അങ്ങനെയാണ് മഹാരാജ എന്ന സിനിമയിൽ അഭിനയിച്ചതെന്നും അനുരാഗ് പറയുന്നു. ദി ഹിന്ദുവിന്റെ ദി ഹഡിൽ എന്ന പരിപാടിയിൽ സംസാരിക്കുകയായിരുന്നു അദ്ദേഹം.
മുംബൈയില് നടന്ന ആലിയയുടെ വിവാഹത്തില് താരങ്ങൾ അടക്കം നിരവധി പേര് പങ്കെടുത്തിരുന്നു. നാഗചൈതന്യ, ശോഭിത ധൂലിപാല, അഭിഷേക് ബച്ചന്, അഗസ്ത്യ നന്ദ, സുഹാന ഖാന്, നവാസുദ്ദീന് സിദ്ദിഖി, ബോബി ഡിയോള് തുടങ്ങിയവരെല്ലാം വിവാഹത്തിനെത്തി.
